12 wa zigelo zi hi mahako hi xumayela

Hikuyini hi xumayelako ni ku gonzisa mahungu yo saseka ke? Xana a kungo ga hina go sangula ku vuna vanhu va timbilu ti nene lezaku va famba ndleleni yi yisako wutomini? (Mat. 7:14) Kunene, lexo hi xona xigelo xa sangula ka xaxameto lowu wu lanzelako, kanilezi a hi xona xa lisima ka zontlhe. Makunu, ka zigelo lezi za 12, zi xaxametilweko laha, hi xihi lexi wena u alakanyako lezaku hi xona xa lisima ka zontlhe ke? A ku xumayela ni ku gonzisa:

1. Zi ponisa vanhu. — Joh. 17:3.

2. Zi tlharihisa loyi wa kubiha ndleleni yakwe yo biha. — Ezek. 3:18, 19.

3. Zi tatisa ziprofeto za Biblia. — Mat. 24:14.

4. Zi kombisa kululama ka Nungungulu kasi Jehova a ngavi ni nanzu wa ku lovisa vakubiha na a nga rangangi hi ku va tlharihisa lezaku va hunzuluka. — Miti. 17:30, 31; 1 Tim. 2:3, 4.

5. Zi hi vuna ku tatisa a wutihlamuleli ga hina ga ku va vuna hi tlhelo ga moya a vanhu lava va xavilweko hi nkhata wa Jesu. — Rom. 1:14, 15.

6. Zi hi tlhatlhisa ka nanzu wa nkhata. — Miti. 20:26, 27.

7. Xilaveko kasi hi poniswa. — Ezek. 3:19; Rom. 10:9, 10.

8. Zi kombisa liranzo la hina hi muakelane. — Mat. 22:39.

9. I ndlela yo komba lezaku ha mu ingisa Jehova ni N’wana wakwe. — Mat. 28:19, 20.

10. Xipanze xa wukhozeli ga hina. — Maheb. 13:15.

11. Zi kombisa liranzo la hina ka Nungungulu. — 1 Joh. 5:3.

12. I ndlela yo basisa a vito ga Jehova. — Isa. 43:10-12; Mat. 6:9.

Lisine lezaku ku na ni zinwani zigelo zi hi mahako hi xumayela. Hi xikombiso, a ku xumayela zi tiyisa a kukholwa ka hina zi tlhela zi hi nyika lungelo ga kuva zitiri-kulori na Nungungulu. (1 Kor. 3:9) Hambulezo, a xigelo xa lisima ka zontlhe xi hi mahako hi xumayela hi lexi xa wu 12. Kani va vumela, kani a va vumeli, a ntiro wa kuxumayela i ndlela yo basisa a vito ga Nungungulu wu tlhela wu vuna Jehova a ku hlamula loyi a mu rukako. (Mav. 27:11) Hakunene, hi na ni zigelo zo zwala za ku xumayela mahungu yo saseka wontlhe masiku hi nga tsiki. — Miti. 5:42.