Engetela wutlhari ga wena wutirelini — Vulula xigonzo xa Biblia hi bhuku A Biblia Gi Gonzisako

Hikuyini zi nga za lisima? A kutala ka vanhu kuzilava a va zi zwisisi a ku hi lava ku wula yini loku hi ku ha maha zigonzo za Biblia za mahala. Kuzilava va nga ha alakanya lezaku kuya patsana ni ntlawa wa ku gonza kutani ku gonza hi ku rumelana mahungu. Wutshanwini ga ku maha xigonzo xa Biblia ntsena, hikuyini u nga mu kombiko lezi xi mahiswako zona a xigonzo? Hi timeneti titsongwani, hambu kwalaha nyangweni wa zi kota ku komba munhu lezi zi nga tsakisisako zona ku gonza Biblia. .

Mamahela ya kona:

• Anzhako ko ti tivekisa, wutisa nwinyi wa muti lezaku wa karateka hi wumanziko ke.

• Mu byele lezaku a vanhu vo tala va karatekawo hi mhaka leyo, zonake u mu komba a xaxameto wa tihloko ta mhaka ta bhuku A Biblia Gi Gonzisako. Mu tlhamusele lezaku a bhuku legi gi na ni zigonzo zo olova ku zi zwisisa zi kombako lezi a Biblia gi gonzisako xungetano hi wumanziko ni timhaka tinwani, u gumesa u mu wutisa lezaku hi xihi xipimo a tsakelako ku wulawula hi xona.

• Mu nyike a bhuku ginwe zonake u mu kongomisa ka xipimo lexi a hlawulileko. Tlhamusela lezaku a ziwutiso lezi zi nga kusanguleni ka xipimo zi ta hlamuliwa ka tinzimana leti ti lanzelako.

• Kombela nwinyi wa muti a lera nzimana yo sangula loku a tizwa na a tlhatlhekile ku maha lezo. Hi kulanzela, lera a xiwutiso xa nzimana leyo, mu bhulisana hi hlamulo wa kona. Vulula mitsalo yi seketelako a hlamulo wa kona, mu tlhela mu bhulisana hi yona. Mu kombe lezaku u fungile a hlamulo lomu ka bhuku ga wena.

• Gonzani a nzimana yi lanzelako, kanilezi a khati legi kuca nwinyi wa muti lezaku a zama ku hlamula a xiwutiso hi magezu ya yena wutsumbu.

• Mu dzunze, mu tlhela mu boha siku ga ku ya mbhetisa a xigonzo lexo.

• Loku zi ringana, mu kombe a vidiyu Como é um estudo bíblico? lomu ka jw.org.

Ka hweti leyi ringisa lezi:

• Khongela ka Jehova lezaku a katekisa a kutikarata ka wena ko lava ku vulula xigonzo xiswa xa Biblia. — Fil. 2:13.

• Zama ku sangula xigonzo xiswa xa Biblia hi bhuku A Biblia Gi Gonzisako, kutani ku kombisa a vidiyu Como é um estudo bíblico? wutirelini, khati ginwe hi wutsongwani ga kona.