Акылыңны сакла
1. 2013 хезмәт елының бер көнлек махсус конгресс программасының исеме һәм максаты нинди?
1 Гайсә үз шәкертләрен Йәһвәне бөтен йөрәк, бөтен җан һәм бөтен акыл белән яратырга өйрәткән (Мат. 22:37, 38). Соңгы өлкә конгрессы, шулай ук булачак район конгрессы белән бер көнлек махсус конгресс программаллары безнең эчке кешебезне ныгытыр өчен әзерләнгән. Соңгы өлкә конгрессның исемен хәтерлисездер: «Йөрәгеңне сакла!». 2013 хезмәт елының махсус бер көнлек конгресс программасының исеме «Вөҗданыңны сакла». Киләсе айдан башланачак район конгрессларының исеме Маттай 22:37 гә нигезләнгән булачак: «Акылыңны сакла». Бу программа безнең барыбызга үз уй-фикерләребезне тикшереп, аларны Йәһвә тагы да хупласын өчен, кирәкле үзгәрешләр ясарга дип әзерләнгән.
2. Программаны тыңлаганда нинди сорауларга җаваплар табарга кирәк?
2 Безне нәрсә көтәчәк. Район конгрессының программасында төп фикерләрне ачыклаган сорауларга җаваплар булачак. Конгрессны тыңлаганда, аларны табарга тырышыгыз. Сорауларның кайберләре:
• «Кеше уйларыннан» ничек качарга?
• Иман итмәүчеләрнең акылын томалаучы бөркәнчекне алып ташлар өчен, нәрсә эшләргә?
• Безнең нинди фикер йөртү рәвешенә ия буласыбыз килә?
• Дөрес нәрсәләр турында уйлану нинди файда китерә?
• Без Йәһвәгә үз фикер йөртү рәвешебезне формалаштырырга ничек юл куябыз?
• Ирләр, хатыннар, әти-әниләр һәм балалар гаилә бәхетле булуына ничек өлеш кертә?
• Йәһвә көненә әзер булыр өчен, нәрсә эшләргә?
• «Акылыгызны җигеп, аны авыр эшкә әзерләгез» дигән сүзләр нәрсә аңлата?
• Белгәнне кулланучылар нинди фатихалар ала?
3. Ни өчен безгә конгрессның ике көнендә дә булу, программаны игътибар белән тыңлау һәм ишеткәннәребезне куллану мөһим?
3 Шайтан безнең акылыбызны бозар өчен, көрәш алып бара (2 Көр. 11:3). Шул сәбәпле, акылыбызны саклар өчен һәм уйларыбыз Йәһвәгә яраклы булсын өчен, безгә дә көрәш алып барырга кирәк. Безгә Мәсихнең уй-фикерләрен чагылдырырга һәм бу бозык дөньяның тәэсиренә каршы торуыбызны дәвам итәргә кирәк (1 Көр. 2:16). Шуңа күрә, конгресс программасының ике көнен дә тыңлар өчен, тырышлыклар куегыз. Игътибар белән тыңлагыз. Ишеткәннәребезне куллансак, без акылыбызны җигеп, Патшалык турында ашкынып вәгазьләячәкбез (1 Пет. 1:13).