Син аларны вәгазьгә чакыра аласыңмы?
Күп кенә җыелышларда кайбер вәгазьчеләр хроник авыру белән чирләгәнгә я олы яшькә җиткәнгә күп вәгазьли алмый (2 Көр. 4:16). Андый кардәшнең берәрсен Изге Язмалар өйрәнүенә чакыра аласыңмы? Ул өйдән чыга алмый икән, син, бәлки, өйрәнүне хәтта аның өендә үткәрергә булырсың. Син сәламәтлеге начар булган кардәш белән вакыт-вакыт өйдән-өйгә бераз гына вәгазьли аласыңмы? Я аның белән бер-ике кешегә кабат килеп китә аласыңмы? Күп кенә олы яшьтәге кардәшләрнең вәгазьдә тәҗрибәләре зур. Шуңа күрә куйган тырышлыкларың аларга гына түгел, ә синең үзеңә дә файда китерер (Рим. 1:12). Моннан тыш, яратуыңны шулай итеп күрсәтер өчен куйган тырышлыкларыңны Йәһвә фатихалаячак (Гыйб. сүз. 19:17; 1 Яхъя 3:17, 18).