Umo Mungagwiliskira Nchito Fomu ya Weleraniko kwa Munthu Uyu (S-43)

Tilembenge fomu iyi para tasanga wakunweka uyo wakukhala mu cigaŵa ca mpingo unyake panji wakuyowoya ciyowoyero cinyake. Kale fomu iyi yikagwiranga nchito para tasanga munthu uyo wakuyowoya ciyowoyero cinyake, kwali wanweka panji yayi. Sono tikugwiliskira nchito fomu iyi pekha para tasanga ŵakunweka. Kweni para tasanga ŵambuwu tilembenge fomu ya S-43 nangauli ŵangaŵa ŵambura kunweka.

Kasi tikwenera kucita wuli para talemba fomu iyi? Tikwenera kuluta nayo kwa mulembi wa mpingo. Usange mulembi wamanya uko fomu yingaluta, watumizgenge ku ŵalara ŵa mpingo uwo na cilato cakuti ŵakamovwire wakunweka uyu. Usange wakumanya makora yayi uko wangatuma fomu iyi, wakwenera kutumizga ku ofesi ya munthavi.

Usange wakunweka wakuyowoya ciyowoyero cinyake ndipo wakukhala mu cigaŵa cithu, tingalutilira kumovwira mpaka timusangire mupharazgi uyo wakumanya ciyowoyero cake.—Wonani Uteŵeti Withu wa Ufumu wa Novembala 2009, peji 4.