Ŵikani Mtima pa Kwambiska Masambiro gha Baibolo pa Cisulo Cakwamba

Kwamba mu Meyi 2011, ŵapharazgi ŵakaciskika kwambiska masambiro gha Baibolo pa Cisulo cakwamba mwezi uliwose. Kuti tovwilike pa nkhani iyi, mu Gongwe la Mulinda lakugaŵira mukuŵa nkhani ya mutu wakuti: “Mafumbo Gha Baibolo Ghazgoleka.” Ntheura, para mukunozgekera ungano wa uteŵeti pa Cisulo cakwamba, mukwenera kulongosora sacizgo ilo likuŵa mu magazini na kuyezgelera umo mungakacitira.

Ŵalara ŵangasankha kuti gulu lililose linozgekere palekha panji kuti magulu ghose ghanozgekere pamoza pa cisulo cakwamba. Ŵangakumana pa Nyumba ya Ufumu panji ku malo ghanyake. Kweni usange pa Nyumba ya Ufumu pakuwungana mipingo yinandi, ungano wakunozgekera uteŵeti pa Cisulo cakwamba kuwusinthira pa zuŵa linyake yayi.