Kasi Mungaŵapempha?

Mu mipingo yinandi muli ŵapharazgi awo ŵakutondeka kucita vinandi mu uteŵeti cifukwa ca ulwari panji ucekuru. (2 Kor. 4:16) Kasi mungaŵapempha kuti muzakalute nawo ku sambiro la Baibolo? Usange mupharazgi wangakwaniska yayi kwenda, mungakasambilira kunyumba kwake. Kasi munganozga ndondomeko kuti nyengo zinyake mupharazgenge nyumba ziŵiri panji zitatu na mupharazgi uyo ni mulwari? Ŵapharazgi ŵanandi awo mbacekuru, ŵakumanya vinandi. Ntheura, ivyo mucitenge vikhozgenge iwo pera yayi. Namwe mukhozgekenge. (Rom. 1:12) Kweniso, Yehova wamutumbikaninge para mukulongora citemwa mu nthowa iyi.—Zinth. 19:17; 1 Yoh. 3:17, 18.