Ivyo Vingatovwira Kuti Tiŵe Ŵaluso mu Uteŵeti—Kwambiska Sambiro la Baibolo na Burosha Lakuti Ciuta Wakutiphalira Uthenga Uwemi!
Chifukwa Wuli Nkhwakuzirwa? Tikwenera kusambizga ŵanthu Mazgu gha Chiuta kuti ŵaŵe ŵasambiri. (Mat. 28:19, 20) Tose tingasambizga makora ŵanthu unenesko para tikugwiliskira ntchito makora mabuku agho tikupokera. Burosha lakuti Ciuta Wakutiphalira Uthenga Uwemi! lili kulembeka kuti litovwire kusambizga ŵanthu unenesko. Tingamba kusambira Baibolo na munthu pa ulendo wakwamba.
Yezgani Masachizgo Agha Mwezi Uno:
Lombani kuti muŵe na khumbo la kusambira na munthu. Kweniso pemphani Yehova kuti wamovwirani kwambiska sambiro na kuŵa msambizgi waluso.—Fil. 2:13.
Panyengo yakusopera ya mbumba panji para mukusambira pamwekha, yezgelerani umo mungachitira pakwambiska sambiro na burosha ili. Ichi chingamovwirani kuti mupharazgenge mwachikanga kweniso kuti mwambe kusambira Baibolo na munthu.