Ivyo Vingatovwira Kuti Tipindurenge na Ungano Wakunozgekera Uteŵeti

Yehova ndiyo wakutipa ungano wakunozgekera uteŵeti, kweniso maungano ghose gha mpingo kuti tichiskanenge na kukhozgana yumoza na munyake. (Heb 10:24, 25) Ungano wakunozgekera uteŵeti ukwenera kuchitika kwa maminiti 5 kumalira maminiti 7. Ichi chikusazgapo kugaŵana, kuzunura chigaŵa chakupharazgako kweniso lurombo. (Usange ungano uwu uchitikenge pamanyuma pa ungano unyake, ipo nyengo ya ungano uwu yikwenera kuchepeskeka.) Uyo wadangilirenge ungano uwu wakwenera kunozgekera fundo iyo yingawovwira mu upharazgi pa zuŵa ilo. Mwachiyelezgero, para mpha Chisulo apo ŵanandi ŵakunjira mu uteŵeti, ntchiwemi kudumbiskana ivyo mungayowoya para mwafika pa nyumba ya munthu. Kasi ni nkhani wuli zinyake izo mungadumbiskana?

• Masachizgo gha umo tingapharazgira kufuma mu kabuku kithu ka Uteŵeti na Umoyo Wachikhristu

• Umo mungambiskira chidumbirano kufuma pa ivyo vyachitika sonosono panji nkhani iyo tapulika

• Umo tingapharazgira munthu uyo wakususka uthenga withu

• Umo tingadumbiskirana na munthu uyo wakugomezga kuti kulije Chiuta, uyo wakugomezga kuti vinthu vikaŵako vyekha, uyo wakuyowoya chiyowoyero chinyake, panji munthu uyo wali mu chisopa icho ntchakumanyikwa viŵi yayi mu chigaŵa chinu

• Umo tingagwiliskira ntchito webusayiti yithu ya jw.org, JW Library® app, panji Baibolo

• Umo tingagwiliskira ntchito limoza mwa mabuku agho tikusambizgira ŵanthu

• Umo tingachitira upharazgi wa pa foni, wa makalata, wa uko kukusangika ŵanthu ŵanandi, kuchitiska ulendo wakuwelerako panji masambiro gha Baibolo

• Ivyo tikwenera kukumbuka kuti tijivikilire, kusintha upharazgi, kuŵa na nkharo yiwemi, kuwona ŵanthu mwakwenelera na vinyake vyanthena

• Mungadumbiskana vidiyo panji sambiro kufuma mu kabuku ka Jipelekani pa Kuŵazga na Kusambizga

• Umo tingakhozgera na kovwira munyithu uyo tikupharazgira lumoza

• Mungaŵazga lemba ilo likukolerana na uteŵeti panji vinthu vinyake vyakukhozga ivyo vikachitika mu uteŵeti