Mmebusɛm
14 Ɔbaa nyansafoɔ si ne fie,+ na ɔbaa kwasea deɛ, ɔde ne nsa dwiri ne deɛ gu.+
2 Deɛ ɔnam teeyɛ mu no suro Yehowa,+ na deɛ ɔkyea n’akwan no bu No animtia.+
3 Ɔkwasea anom asɛm te sɛ ahantan abaa,+ na anyansafoɔ ano kora wɔn so.+
4 Sɛ anantwie nni hɔ a, mmoa adididaka mu te, nanso nantwinini ahoɔden nti, nnɔbaeɛ dɔɔso.
5 Ɔdanseni nokwafoɔ renni atorɔ,+ na ɔdansekunumufoɔ deɛ, atosɛm nko ara na ɔka.+
6 Ɔfɛdifoɔ hwehwɛ nyansa nanso ɔnnya; na nimdeɛ nyɛ obi a ɔwɔ nteaseɛ nyanã.+
7 Twe wo ho firi ɔkwasea anim,+ na worenhu nimdeɛ+ wɔ n’anom.
8 Onitefoɔ nyansa ne sɛ ɔbɛhunu n’akwan mu yie,+ na nkwaseafoɔ agyimisɛm yɛ nnaadaa.+
9 Nkwaseafoɔ na wɔde asodie yɛ aseresɛm,+ na teefoɔ ntam na baakoyɛ wɔ.+
10 Akoma na ɔnim onipa kra awerɛhoɔ,+ na n’anigyeɛ nso, ɔhɔhoɔ mfa ne ho nnyegye mu.
11 Wɔbɛsɛe abɔnefoɔ fie,+ na teefoɔ ntomadan bɛyɛ frɔmfrɔm.+
12 Ɛwɔ ɛkwan bi a ɛtene onipa ani soɔ,+ nanso n’awieeɛ yɛ owuo kwan.+
13 Sereɛ mu mpo, akoma di yea,+ na ahurisidie wie awerɛhoɔ.+
14 Deɛ ɔnni gyidie n’akoma mu no, ne kwan so aba bɛmee no,+ na onipa pa nneyɛɛ so aba bɛmee no.+
15 Ogyimfoɔ gye nsɛm nyinaa di,+ na onitefoɔ hwɛ n’anammɔn yie.+
16 Onyansafoɔ suro ne ho, na ɔsan firi bɔne ho,+ na ɔkwasea deɛ, ɔgye ne ho di nti, ne bo fu.+
17 Deɛ ne bo nkyɛre fuo di nkwaseasɛm,+ na onipa a ɔdwene deɛ, wɔtan no.+
18 Adeɛ a agyimfoɔ nya ne nkwaseasɛm,+ na anitefoɔ deɛ, wɔn abotire ne nimdeɛ.+
19 Abɔnefoɔ bɛkoto apapafoɔ anim,+ na amumuyɔfoɔ akoto ɔteneneeni aboboano.
20 Ohiani deɛ, ne yɔnko mpo tan no,+ na ɔdefoɔ nnamfo dɔɔso.+
21 Deɛ ɔbu ne yɔnko animtia no yɛ bɔne,+ na anigyeɛ ne deɛ ɔdom mmɔborɔni.+
22 Wɔn a wɔdwene adwemmɔne no renyɛ akobɔfoɔ anaa?+ Na adɔeɛ ne nokorɛ wɔ hɔ ma wɔn a wɔdwene adwempa.+
23 Ɔbrɛ biara mu wɔ mfasoɔ,+ na anosɛm deɛ, ohia nko ara.
24 Anyansafoɔ abotire ne wɔn ahonyadeɛ; na nkwaseafoɔ agyimisɛm yɛ nkwaseasɛm nko ara.+
25 Ɔdanseni nokwafoɔ gye akra,+ na nkontompofoɔ ka atosɛm ara nko.+
26 Deɛ ɔsuro Yehowa no ahotɔsoɔ yɛ kɛseɛ,+ na ne mma bɛnya dwankɔbea.+
27 Yehowa suro yɛ nkwa asutire,+ ɛdane onipa firi owuo mfidie ho.+
28 Nnipa dodoɔ mu na ɔhene animuonyam wɔ;+ ɔmanfoɔ sã a, ɛma otitire sɛe.+
29 Deɛ ne bo kyɛre fuo no nhunumu dɔɔso,+ na deɛ ɔpere ne ho no ani gye nkwaseasɛm ho.+
30 Akoma a ɛdwoɔ yɛ honam nkwa,+ na ahoɔyaa yɛ nnompe mu porɔeɛ.+
31 Deɛ ɔsisi ɔbrɛfoɔ no bɔ ne Bɔfoɔ ahohora,+ na deɛ ɔdom ohiani no hyɛ No animuonyam.+
32 Omumuyɔfoɔ bɔne nti, wɔbɛsum no atwene,+ na ɔteneneeni bɛnya dwankɔbea wɔ ne mũdie* mu.+
33 Nyansa tena deɛ ɔwɔ nteaseɛ akoma mu,+ na nkwaseafoɔ mu deɛ, ɛda adi.
34 Tenenee na ɛpagya ɔman,+ na bɔne gu amanaman anim ase.+
35 Akoa a ɔwɔ nhunumu ma ɔhene ani gye,+ na ne bo fu deɛ ɔyɛ aniwudeɛ.+