Ɔsɛnkafoɔ

10 Nwansena funu ma sradehwam a wɔafra no yie+ bɔn, na ɛsɛe. Saa na nkwaseasɛm kakra nso sɛe onyansafoɔ ne onimuonyamfoɔ din.+

2 Onyansafoɔ akoma wɔ ne nifa,+ na ɔkwasea akoma wɔ ne benkum.+ 3 Bio nso, ɛkwan biara a ɔkwasea fa soɔ no,+ nyansa bɔ no, na ɔma obiara hunu sɛ ɔyɛ kwasea.+

4 Sɛ ɔhene honhom sɔre tia wo a, mfiri wo gyinabea,+ na ɔdwoɔ ma bɔne akɛseɛ ano brɛ ase.+

5 Mahunu adebɔne bi owia ase; ɛte sɛ otumfoɔ+ mfomsoɔ:+ 6 Wɔama nkwaseafoɔ anya dibea akɛseɛ pii,+ na wɔn a wɔfata deɛ, wɔdeda fam koraa.

7 Mahunu nkoa a wɔtete apɔnkɔ so berɛ a adehyeɛ nenam fam te sɛ nkoa.+

8 Deɛ ɔtu amena no, ɔno ara na ɔbɛtɔ mu,+ na deɛ ɔdwiri aboɔ fasuo no, ɔwɔ na ɛbɛka no.+

9 Deɛ ɔpae aboɔ no, ɔbɛpira ne ho, na deɛ ɔpae nnua no, ɛhia sɛ ɔhwɛ ne ho yie.+

10 Sɛ obi dadeɛ ano kum na wanse ano+ a, ɔbɛsɛe n’ahoɔden. Na nyansa nso, sɛ wɔde yɛ adwuma a, mfasoɔ wɔ so.+

11 Sɛ kaberekyerefoɔ kasa kyerɛ ɔwɔ nanso ɔka no+ a, mfasoɔ bi nni n’adɛfɛdɛfɛ no so.

12 Onyansafoɔ anom asɛm yɛ adom,+ na ɔkwasea ano deɛ, ɛbɛmene no.+ 13 Ɔbue n’ano sɛ ɔrekasa a, nkwaseasɛm na ɔde firi aseɛ,+ na abɔdansɛm mu ahuhudeɛ na ɔde wie. 14 Ɔkwasea anom nsɛm dɔɔso.+

Obi nnim ɔkyena asɛm; deɛ ɛbɛba wɔ n’akyi nso, hwan na ɔbɛtumi akyerɛ?+

15 Nkwaseafoɔ adwumaden yɛ ɔbrɛguo,+ ɛfiri sɛ wɔn mu baako mpo nnim kwan a wɔbɛfa so akɔ kuro no mu.+

16 O asase, sɛ wo hene yɛ abɔfra+ na wo mmapɔmma firi anɔpa tena aduane ho a, ɛbɛsi wo sɛn? 17 O asase, anigyeɛ ne wo sɛ wo hene yɛ ɔdehyeɛ ba na wo mmapɔmma nso, berɛ a ɛfata mu na wɔdidi pɛ ahoɔden, na ɛnyɛ asanom kɛkɛ nti.+

18 Akwadworɔ bebrebe na ɛma mpuna dwiri guo, na nsabobɔ na ɛma dan nwunu.+

19 Aduane ma adwumayɛfoɔ sere, na nsã nso ma asetena yɛ dɛ;+ nso sika na wɔde yɛ biribiara.+

20 Nnome ɔhene+ wo pia mu, na nnome ɔdefoɔ+ bi wɔ dan a woda mu mu; ɛfiri sɛ aboa a ɔtu fa wiem de bɛkɔ, na ntakraboa bɛkɔ akɔka asɛm no.+