Ɔsɛnkafoɔ

12 Enti kae wo Bɔfo+ Kɛseɛ no, wo mmeranteberɛ mu,+ ansa na nna bɔne no aba; ansa na mfeɛ a wobɛka sɛ: “Menni ho anigyeɛ”+ no aduru;+ 2 kae no ansa na awia ne hann ne bosome ne nsoromma aduru sum,+ na nsuo amuna asan atɔ bio; 3 saa berɛ no, efie+ ahwɛfoɔ ho popo, na mmarima ahoɔdenfoɔ mu kuntunu,+ na mmaa a wɔyam adeɛ+ gyae adwuma, sɛ wɔn so ateɛ nti, na mmabaa a wɔhwɛ mpomma mu+ ani so yɛ wɔn wisiwisi; 4 saa berɛ no, abɔnten pono mu toto,+ ma oyuyammoɔ so dede brɛ ase,+ na anomaa sũ nyane onipa, ma mma mmaa nnwontofoɔ nyinaa nne brɛ ase.+ 5 Ɔsuro deɛ ɛwɔ soro, na kwan mu yɛ no hu. Ɔsonkoran dua gu nhyerɛnee,+ na abɛbɛ twe ne ho ase; n’anom nyɛ no dɛ bio,* ɛfiri sɛ onipa ani kyerɛ ne homebea,+ na asũfoɔ di akɔneaba abɔnten so;+ 6 kae no ansa na dwetɛ homa no mu ate, na sika koraa no apae,+ na ahina a wɔde kɔ nsuo no abɔ, na nkyimiiɛ a wɔde to nsuo wɔ abura mu no abubu. 7 Ɛno na dɔteɛ san kɔ asase mu+ sɛdeɛ na ɛteɛ kane no, na honhom+ no nso asan akɔ nokorɛ Nyankopɔn+ a ɔde maeɛ+ no hɔ.

8 “Ahuhudeɛ mu ahuhudeɛ!” ɔsɛnkafoɔ+ no na ɔseɛ, “Adeɛ nyinaa yɛ ahuhudeɛ.”+

9 Ɔsɛnkafoɔ no nyansa+ nyinaa mu no, ɔsan kyerɛkyerɛɛ ɔman no daa+ maa wɔnyaa nimdeɛ, na ɔdwendwenee nneɛma ho yɛɛ nhwehwɛmu kɔɔ akyiri,+ na ama watumi ahyehyɛ mmebusɛm pii yie.+ 10 Ɔsɛnkafoɔ no hwehwɛɛ sɛ ɔbɛnya nsɛm a ɛyɛ dɛ+ na watwerɛ nsɛmpa a ɛyɛ nokorɛ.+

11 Anyansafoɔ nsɛm te sɛ nantwika poma,+ na nsɛm ano boaboa te sɛ nnadewa a wɔde bobɔ nneɛma mu;+ ɛfiri odwanhwɛfoɔ+ baako hɔ. 12 Yeinom akyi deɛ, me ba, hwɛ wo ho yie wɔ ade foforɔ biara ho, ɛfiri sɛ nwoma pii akyiridie nni awieeɛ, na ne sua bebrebe hyɛ honam brɛ.+

13 Asɛm no awieeɛ, deɛ yɛateɛ nyinaa ne sɛ: Suro nokorɛ Nyankopɔn+ no na di ne mmara nsɛm so.+ Na yei ne onipa asɛdeɛ. 14 Adwuma biara, deɛ ahunta nyinaa, papa oo, bɔne oo, nokorɛ Nyankopɔn no bɛbu ho atɛn.+