Ɔsɛnkafoɔ

2 Me deɛ, mekaa no m’akomam sɛ:+ “Bra na memfa anigyeɛ+ nsɔ wo nhwɛ, na hunu adepa nso.”+ Hwɛ! ɛno nso yɛ ahuhudeɛ. 2 Mesee sereɛ sɛ: “Abɔdansɛm bɛn nie?”+ Na mesee ahurisie+ sɛ: “Ɛdeɛn na worekyerɛ yi?”

3 Mede m’akoma hwehwɛɛ mu de nsã gyee m’ani,+ nso mede nyansa kyerɛɛ m’akoma kwan,+ sɛ mɛsɔ nkwaseasɛm mu akɔsi sɛ mɛhunu adepa a ɛwɔ hɔ ma adasamma, deɛ wɔyɛ no ɔsoro ase wɔn nkwa nna nyinaa mu.+ 4 Meyeyɛɛ nnwuma akɛseɛ.+ Mesisii adan,+ na meyeyɛɛ bobe nturo.+ 5 Meyeyɛɛ nturo ne mfikyifuo,+ na meduaa nnua a ɛso aba nyinaa bi wom. 6 Meyeyɛɛ atadeɛ+ de guguu m’afuo mu nnua a ɛrenyini no so.+ 7 Menyaa nkoa ne mfenaa,+ ne nkoa mma wɔ me fie.+ Afei nso menyaa nyɛmmoa, anantwie ne nnwan akuakuo pii senee wɔn a wɔdii m’anim Yerusalem nyinaa.+ 8 Bio nso meboaboaa dwetɛ ne sika+ ne afei ahemfo ne ahemman ademudeɛ ano.+ Menyaa mmarima ne mmaa nnwontofoɔ+ ne deɛ ɛma nnipa mma ani gyeɛ,+ mmabaa bebree kwa.+ 9 Meyɛɛ kɛseɛ, na menyaa ahodeɛ pii senee wɔn a wɔdii m’anim Yerusalem nyinaa.+ Me nyansa nso deɛ, ammɔ me da.+

10 Biribiara a m’ani hwehwɛeɛ no, mamfa ankame no.+ Mamfa anigyeɛ biara ankame m’akoma, na m’ani gyee adwuma a mebrɛ yɛeɛ nyinaa mu;+ yei ne me kyɛfa wɔ adwuma a mebrɛ yɛeɛ nyinaa mu.+ 11 Me deɛ, metwaa m’ani hwɛɛ adwuma a mede me nsa ayɛ nyinaa ne adwuma a mabrɛ ayɛ,+ na hwɛ! ne nyinaa yɛ ahuhudeɛ ne adehunu akyiridie,+ na biribiara so nni mfasoɔ owia ase.+

12 Bio nso, metwaa m’ani hwɛɛ nyansa+ ne adammɔ ne nkwaseasɛm;+ ɛdeɛn koraa na onipa a ɔbɛdi ɔhene akyi aba no bɛtumi ayɛ? Deɛ nnipa ayɛ dada no ara bi na ɔbɛyɛ. 13 Na me deɛ, mehunuu sɛ mfasoɔ wɔ nyansa so sene nkwaseasɛm,+ sɛdeɛ mfasoɔ wɔ hann so sene sum no.+

14 Onyansafoɔ deɛ, n’aniwa wɔ ne tirim;+ na ɔkwasea deɛ, esum mu ara na ɔnam.+ Deɛ me nso mabɛhunu ne sɛ ɛwie wɔn nyinaa pɛ.+ 15 Me deɛ, mekaa no m’akomam sɛ:+ “Sɛdeɛ ɛwie ɔkwasea+ no, me nso saa ara na ɛbɛwie me.”+ Ɛnneɛ mebɛyɛɛ onyansafoɔ pii saa+ yɛɛ dɛn? Enti mekaa no m’akomam sɛ: “Yei nso yɛ ahuhudeɛ.” 16 Onyansafoɔ ne ɔkwasea nyinaa, wɔrenkae wɔn daa.+ Ɛrenni da bi, wɔrenkae obiara bio; na ɛkwan bɛn na onyansafoɔ bɛfa so awuo? Ɔne ɔkwasea nyinaa na ɛnam.+

17 Asetena fonoo me,+ ɛfiri sɛ m’ani so no, adwuma a wɔyɛ no owia ase no yɛ ɔbrɛdwuma,+ na adeɛ nyinaa yɛ ahuhudeɛ ne adehunu akyiridie.+ 18 Na me deɛ, metanee adwuma a mebrɛ yɛɛ no owia ase nyinaa,+ sɛ merebɛgya ama onipa a ɔbɛdi m’akyi aba.+ 19 Na hwan na ɔnim sɛ ebia ɔbɛyɛ onyansafoɔ anaa ɔkwasea?+ Nanso ɔbɛdi m’adeɛ a mebrɛ yɛeɛ ne deɛ mede nyansa yɛɛ no owia ase nyinaa so.+ Yei nso yɛ ahuhudeɛ. 20 Na me deɛ, medanee me ho sɛ mɛma m’akoma adi awerɛhoɔ+ wɔ adwuma a mebrɛ yɛɛ no owia ase no nyinaa ho. 21 Ɛfiri sɛ obi de nyansa ne nimdeɛ ne nsi brɛ yɛ adwuma,+ nanso onipa a wammrɛ ho na wɔde ne kyɛfa bɛma no.+ Yei nso yɛ ahuhudeɛ ne ɔbrɛ hunu kɛseɛ.+

22 Na sɛ onipa brɛ ne ho yɛ adwuma na n’akoma pere adwuma a ɔyɛ no owia ase ho a, ɛdeɛn na ɔnya?+ 23 Yea ne ahometeɛ nko ara na ɛwɔ n’adwuma mu, ne nna nyinaa,+ na ɛduru anadwo nso a, n’akoma ntumi nna.+ Yei nso yɛ ahuhudeɛ ara kwa.

24 Onipa wɔ hɔ yi, biribi pa bi nni hɔ mma no sɛ ɔbɛdidi na wanom na wama ne kra ahunu adepa, ne brɛ mu.+ Yei nso mahunu, na menim sɛ ɛfiri Onyankopɔn nsam.+ 25 Na hwan na ɔdidi+ nom yie sene me?+

26 Deɛ ɔyɛ onipa pa nokorɛ Nyankopɔn anim+ no, ɔma no nyansa ne nimdeɛ ne anigyeɛ,+ na ɔdebɔneyɛfoɔ deɛ, adwuma a ɔde ama no ne sɛ ɔmmoaboa ano mfa mma onipa pa no.+ Yei nso yɛ ahuhudeɛ ne adehunu akyiridie.+