Ɔsɛnkafoɔ

1 Dawid ba, ɔsɛnkafoɔ*+ a ɔdii hene wɔ Yerusalem+ no nsɛm nie. 2 “Ahuhudeɛ mu ahuhudeɛ!”+ ɔsɛnkafoɔ no na ɔseɛ, “ahuhudeɛ mu ahuhudeɛ! Adeɛ nyinaa yɛ ahuhudeɛ!”+ 3 Mfasoɔ bɛn na onipa nya wɔ adwuma a ɔbrɛ yɛ+ no owia ase nyinaa mu?+ 4 Awoɔ ntoatoasoɔ kɔ,+ na awoɔ ntoatoasoɔ ba,+ na asase deɛ, ɛtim hɔ daa.+ 5 Awia nso pue, na ɛkɔtɔ;+ ɛde ahoperɛ kɔ n’afã, na ɛhɔ na ɛsan pue fire.+

6 Mframa bɔ kɔ anafoɔ, na ɛtwa ne ho kɔ atifi.+ Ɛtwa ne ho frɛdɛfrɛdɛ,+ na ɛsan twa kɔntɔnkrɔn+ bɛsi n’ananmu.

7 Nsubɔnten+ nyinaa sene kɔgu po+ mu, nanso ɛpo nyɛ mã+ da. Baabi a nsubɔnten no firi ba no, ɛhɔ ara na ɛsan korɔ, na asan afiri hɔ aba.+ 8 Adeɛ nyinaa yɛ ɔbrɛ nko;+ obiara ntumi nka ho asɛm. Aniwa hwɛ adeɛ a ɛmmee,+ na asõ nso tie asɛm a ɛmmrɛ.+ 9 Deɛ aba no, ɛno ara na ɛbɛba;+ na deɛ wɔayɛ no, ɛno ara na wɔbɛyɛ; enti ade foforɔ biara nni owia ase.+ 10 Ɛdeɛn na ɛwɔ hɔ a obi bɛtumi aka ho asɛm sɛ: “Hwɛ ade foforɔ a aba”? Ɛno ara na ɛwɔ hɔ firi tete;+ deɛ aba biara wɔ hɔ ansa na yɛreba.+ 11 Nkaeɛ biara nni hɔ mma tetefoɔ no, na nkyirimma nso rennya nkaeɛ bi.+ Wɔn a wɔbɛba wɔn akyi nso rennya nkaeɛ bi mma wɔn.+

12 Me, ɔsɛnkafoɔ no, medii Israel so hene wɔ Yerusalem.+ 13 Na mede m’akoma sii so sɛ mɛpɛ nyansa+ akyiri kwan na mahwehwɛ mu ahunu biribiara a wɔyɛ no ɔsoro ase no mu—ɔbrɛdwuma a Onyankopɔn de ama adasamma sɛ wɔnyɛ no.+ 14 Na mehunuu nnwuma a wɔyɛ no owia ase nyinaa,+ na hwɛ! adeɛ nyinaa yɛ ahuhudeɛ ne adehunu akyiridie.+

15 Deɛ akyea no, wɔrentumi ntene no,+ na deɛ ɛnni hɔ nso, wɔrentumi nkan. 16 Na me deɛ, mekaa no m’akomam+ sɛ: “Hwɛ! Mahunu nyansa pii asene wɔn a wɔdii m’anim Yerusalem+ nyinaa, na m’akoma ahunu nyansa ne nimdeɛ pii.”+ 17 Mede m’akoma hwehwɛɛ nyansa ne adammɔ,+ na mabɛhunu nkwaseasɛm;+ ɛno nso yɛ adehunu akyiridie.+ 18 Nyansa bebrebe de ahometeɛ bebree ba,+ enti deɛ ɔma ne nimdeɛ dɔɔso no ma ne yea dɔɔso.+