Ɔsɛnkafoɔ
1 Dawid ba, ɔsɛnkafoɔ*+ a ɔdii hene wɔ Yerusalem no,+ ne nsɛm nie.
6 Mframa kɔ anaafoɔ, na ɛtwa ne ho kɔ atifi;
Ɛtwa ne ho frɛdɛfrɛdɛ; mframa kɔ so ara twa ne ho.
7 Nsubɔnten* nyinaa tene kɔgu po mu, nanso ɛpo nyɛ ma da.+
Baabi a nsubɔnten no firi ba no, ɛhɔ ara na ɛsan kɔ, na asan afiri hɔ aba bio.+
8 Adeɛ nyinaa yɛ ɔbrɛ nko ara;
Obiara ntumi nka ho asɛm mpo.
Ani hwɛ adeɛ a, ɛmmee,
Na aso nso tie asɛm a, ɛnyɛ ma.
9 Deɛ aba pɛn no, ɛno ara na ɛbɛsan aba,
Na deɛ wɔayɛ pɛn no, ɛno ara na wɔbɛsan ayɛ bio;
Ade foforɔ biara nni wiase.+
10 Ɛdeɛn paa na ɛwɔ hɔ a obi bɛtumi aka sɛ, “Hwɛ, adeɛ yi yɛ ade foforɔ”?
Ɛwɔ hɔ firi teteete;
Ɛwɔ hɔ dadaada ansa na yɛreba.
11 Obiara nkae tetefoɔ;
Na nkyirimma nso, obiara renkae wɔn,
Wɔn a wɔbɛdi wɔn akyi aba nso renkae wɔn.+
12 Me ɔsɛnkafoɔ no, medii Israel so hene wɔ Yerusalem.+ 13 Mede sii m’ani so sɛ biribiara a wɔyɛ wɔ ɔsoro ase,+ kyerɛ sɛ, adwumahunu a Onyankopɔn de ama nnipa a ɛgye wɔn adwene no, mede nyansa+ bɛsua ho adeɛ na mahwehwɛ mu.
15 Deɛ akyea no, wɔrentumi ntene no,
Na deɛ ɛnni hɔ nso, wɔrentumi nkan mma no nyɛ yie.
16 Ɛnna mekaa no wɔ m’akomam sɛ: “Hwɛ! Mahunu nyansa pii asene wɔn a wɔdii me kan wɔ Yerusalem nyinaa,+ na m’akoma anya nyansa ne nimdeɛ pii.”+ 17 Mede m’akoma hwehwɛɛ nyansa ne adammɔ* ne nkwaseasɛm.+ Na wei nso yɛ ahuhudeɛ, na ɛyɛ ɔbrɛguo.*