Hiob

13 “Ampa, m’ani ahunu wei nyinaa,

M’aso ate, na mate aseɛ.

 2 Deɛ monim no, me nso menim;

Monkyɛn me.

 3 Me deɛ, adeɛ nyinaa so Tumfoɔ no ankasa na mepɛ sɛ me ne no kasa;

Onyankopɔn na mepɛ sɛ meyi m’ano wɔ n’anim.+

 4 Mo deɛ, atorɔ na mode adware me;

Mo nyinaa moyɛ ayaresafoɔ hunu.+

 5 Sɛ moka mo ano tom a,

Anka ɛbɛkyerɛ sɛ monim nyansa.+

 6 Mepa mo kyɛw, montie m’anoyie,

Na montie m’ano asɛm.

 7 Mobɛka asɛm a ɛnyɛ nokorɛ ahyɛ Onyankopɔn ano anaa?

Anaa mobɛka nnaadaasɛm wɔ Onyankopɔn din mu?

 8 Moakɔgyina n’akyi?*

Anaa mopɛ sɛ moka nokorɛ Nyankopɔn no asɛm ma no?

10 Sɛ moyɛ sɛ mobɛyɛ animhwɛ wɔ kokoam a,+

Sɛdeɛ ɛteɛ biara, ɔbɛtwi mo anim;

11 N’animuonyam kɛkɛ remma monsuro anaa?

Na ne ho hu rentɔ mo so?

12 Mo anyansasɛm* yɛ abebusɛm hunu; ɛte sɛ nsõ.

Nsɛm a mode yi mo ho ano no* yɛ mmerɛ sɛ dɔteɛ.

14 Adɛn nti na ɛsɛ sɛ mede me ho to ɔhaw mu?*

Na adɛn nti na ɛsɛ sɛ mede me nkwa* to me nsam?

15 Sɛ ɔbɛku me mpo a, mɛkɔ so ara atwɛn;+

Mɛka m’asɛm* wɔ n’anim.

16 Anka ɔbɛgye me nkwa,+

Ɛfiri sɛ ɔbɔnefoɔ* biara rentumi mma n’anim.+

17 Montie m’asɛm yi yie;

Monyɛ aso ntie m’ano asɛm.

18 Hwɛ, seesei maboaboa m’asɛm ano rekɔ asɛnnibea;

Menim sɛ medi bem.

20 O, Onyankopɔn, nneɛma mmienu pɛ na mepɛ sɛ woyɛ ma me,

Sɛdeɛ ɛbɛyɛ a meremfa me ho nsie wo:

21 Yi wo nsa duruduro no firi me so kɔ akyirikyiri,

Na mma wo ho hu nnhunahuna me.+

22 Ɛbɛyɛ a, kasa ma menyi ano,

Anaa ma menkasa, na wo yi ano.

24 Adɛn nti na wode w’anim asie+

Na wobu me sɛ wo tamfo?+

25 Ahaban a mframa rebɔ no yi na wobɛhunahuna no?

Anaa ɛserɛ* a awoɔ yi na wobɛdi akyire?

26 Ɛfiri sɛ daa wotwerɛtwerɛ me ho nsɛm yayaaya,

Na woma metua bɔne a meyɛɛ no me mmeranteberɛm no ho ka.

27 Wode me nan abɔ dua mu,

W’ani di m’akwan nyinaa akyi,

Na baabi a mede me nan si biara, wohyɛ hɔ nso.

28 Enti onipa porɔ* te sɛ biribi a aporɔ atete;

Ɔporɔ te sɛ ataadeɛ a nweweboaa aweɛ.