Hiob

 2 “Ampa, mo na monim;*

Mowu a na nyansa asa!

 4 Me ho ayɛ sere ama me nnamfo,+

Me a mesu frɛ Onyankopɔn sɛ ɔnnye me so no.+

 5 Deɛ n’asom adwo no no deɛ, ɔsere wɔn a wɔhunu amane;

N’adwene nyinaa ne sɛ, wɔn a wɔhinhim* no na wɔhunu amane.

 6 Akorɔmfo-werɛmfoɔ ntomadan wɔ hɔ dwoodwoo,+

Na wɔn a wɔhyɛ Onyankopɔn abufuo no wɔ ahobammɔ,+

Wɔn a wɔkura wɔn nyame wɔ wɔn nsam no.

 7 Wo deɛ, mepa wo kyɛw, bisa mmoa, na wɔbɛkyerɛ wo;

Bisa wiem nnomaa, na wɔbɛka akyerɛ wo.

 8 Anaasɛ dane w’ani hwɛ* asaase, na ɛbɛkyerɛ wo;

Na ɛpo mu mpataa bɛka akyerɛ wo.

 9 Wɔn mu hwan na ɔnnim sɛ

Yehowa nsa na ayɛ wei?

10 Ne nsam na ɔteasefoɔ biara nkwa* wɔ,

Na ne nsam na onipa biara* honhom* wɔ.+

11 Ɛnyɛ aso na ɛsɔ nsɛm hwɛ

Sɛdeɛ kɛtrɛma* ka aduane hwɛ no?+

12 Ɛnyɛ nkɔkoraa mu na nyansa wɔ?+

Na ɛnyɛ nyinkyerɛ mu na nteaseɛ wɔ?

13 Ɔno na nyansa ne kɛseyɛ wɔ no;+

Ɔno na afotuo ne nteaseɛ yɛ ne dea.+

14 Sɛ ɔdwiri biribi gu a, obiara rentumi nhyehyɛ;+

Deɛ wato mu no, onipa biara rentumi mmue.

15 Sɛ ɔma nsuo gyae tɔ a, biribiara hye;*+

Ɔgyaa nsuo mu a, ɛbu fa asaase so.+

16 Ɔno na ahoɔden ne nyansa wɔ no;+

Ɔno na deɛ ɔrefom kwan ne deɛ ɔma nkurɔfoɔ fom kwan nyinaa yɛ ne dea;

17 Ɔma afotufoɔ de wɔn nan sisi fam nante,*

Na ɔma atemmufoɔ dane nkwaseafoɔ.+

18 Ɔsanesane deɛ ahemfo de kyekyere nkurɔfoɔ no,+

Na ɔde abɔsoɔ* kyekyere ahemfo no asene.

19 Ɔma asɔfoɔ de wɔn nan sisi fam nante,+

Na ɔtu atumfoɔ a wɔn ase atim gu;+

20 Ɔma afotufoɔ anokwafoɔ nsɛm ka wɔn anom,

Na ɔgye nkɔkoraa* nyansa;

21 Ɔgu atitire anim ase,+

Na ɔma atumfoɔ tumi brɛ ase;*

22 Nneɛma a asie wɔ sum mu no, ɔyi pue,+

Na ɔma hann tɔ esum kabii so;

23 Ɔma aman yɛ akɛseɛ, sɛdeɛ ɛbɛyɛ a ɔbɛsɛe wɔn;

Ɔma aman trɛ, sɛdeɛ ɛbɛyɛ a ɔbɛtu wɔn afiri wɔn asaase so akɔ.

24 Ɔgye aman mpanimfoɔ nteaseɛ* firi wɔn nsam,

Na asaase a ɛda mpan a ɛnni anammɔnkwan na ɔma wɔkyinkyini so.+

25 Wɔde wɔn tiri pempem sum mu,+ baabi a hann nnie;

Ɔma wɔkyinkyini te sɛ mmarima a wɔaboro nsã.+