Yeremia
3 Nkurɔfoɔ bisa sɛ: “Sɛ ɔbarima gyaa ne yere, na ɔbaa no firi ne nkyɛn kɔyɛ ɔbarima foforɔ yere a, ɔbarima no bɛtumi akɔ ne nkyɛn bio anaa?”
Wɔde efĩ pɔtɔɔ aka asaase no, ɛnte saa?+
“Wo ne adɔfoɔ pii asi tuutuu;+
Afei na woresan aba me nkyɛn?” Yehowa asɛm nie.
2 “Ma w’ani so, na hwɛ nkokoɔ a ɛso ayɛ kwabokwabo no.
Ɛhe na wɔntoo wo mmonnaa?
Wotenaa kwankyɛn twɛn wɔn,
Te sɛ obi a ɔdi atutena* wɔ serɛ so.
Wokɔ so de wo tuutuusie ne w’amumuyɛ
Gu asaase no ho fĩ.+
5 Sɛ obi de asɛm hyɛ ne mu afebɔɔ,
Anaa ɔnya obi ho menasepɔ daa a, ɛyɛ anaa?’
Asɛm a woka nie,
Nanso bɔne biara a ɛde bɔne no, woyɛ bi.”+
6 Ɔhene Yosia+ berɛ so no, Yehowa ka kyerɛɛ me sɛ: “‘Israel a ɔnni nokorɛ no, woahunu deɛ wayɛ? Waforo kɔ bepɔ biara a ɛkorɔn so, na wakɔ dua kusuu biara ase akɔsi tuutuu.+ 7 Deɛ ɔyɛeɛ yi nyinaa akyi, daa na meka kyerɛ no sɛ ɔnsan mmra me nkyɛn,+ nanso wansan amma; na Yuda kɔɔ so de n’ani hwɛɛ ne nuabaa nkontomponi no.+ 8 Berɛ a mehuu saa no, megyaa Israel a wanni nokorɛ no awareɛ+ ɛsiane n’awaresɛeɛ nti,+ na memaa no awaregyaeɛ krataa.* Nanso ne nuabaa nkontomponi Yuda ansuro; ɔno nso kɔ kɔsii tuutuu.+ 9 Ɔbuu ne tuutuusie no sɛ ɛnyɛ hwee, na ɔguu asaase no ho fĩ daa, na ɔne aboɔ ne nnua sɛee awareɛ.+ 10 Wei nyinaa akyi no, ne nuabaa nkontomponi Yuda amfa n’akoma nyinaa ansan amma me nkyɛn, na mmom ɔbɛdaadaa me,’ Yehowa asɛm nie.”
11 Ɛnna Yehowa ka kyerɛɛ me sɛ: “Israel a wanni nokorɛ no akyerɛ sɛ ɔtene* koraa sene nkontomponi Yuda.+ 12 Kɔ na kɔka asɛm yi kyerɛ atifi famfoɔ sɛ:+
“‘“San bra, O ɔkobɔfoɔ Israel,” Yehowa asɛm nie.’+ ‘“Meremmuna nkyerɛ mo,+ ɛfiri sɛ meyɛ ɔnokwafoɔ,” Yehowa na aka.’ ‘“Meremfa nhyɛ me mu afebɔɔ. 13 Ɛno ara ne sɛ, gye wo bɔne tom, ɛfiri sɛ woate Yehowa wo Nyankopɔn so atua. Wode wo ho* maa ahɔhoɔ* wɔ nnua kusuu nyinaa ase, nanso me deɛ, moantie m’asɛm,” Yehowa asɛm nie.’”
14 “Mma akobɔfoɔ ee, monsan mmra,” Yehowa asɛm nie. “Ɛfiri sɛ mabɛyɛ mo wura ankasa,* na kuro biara mu, mɛfa onipa baako, na abusua biara mu, mɛfa nnipa mmienu, na mede mo bɛba Sion.+ 15 Na mɛma mo nnwanhwɛfoɔ a wɔbɛyɛ deɛ m’akoma pɛ,+ na wɔde nimdeɛ ne nhunumu bɛyɛn mo. 16 Mobɛdɔɔso na moaso aba wɔ asaase no so saa berɛ no,” Yehowa asɛm nie.+ “Wɔrenka bio sɛ, ‘Yehowa apam adaka!’ Ɛremma akomam, wɔrenkae, wɔn ani rennyina, na wɔrenyɛ adaka no bio. 17 Saa berɛ no, wɔbɛfrɛ Yerusalem sɛ Yehowa ahennwa;+ na wɔbɛboaboa aman nyinaa ano abɛhyia ama Yehowa din wɔ Yerusalem,+ na wɔrenyɛ asoɔden nni wɔn akoma bɔne no akyi bio.”
18 “Saa berɛ no, Yuda fie ne Israel fie bɛbɔ anan anante,+ na wɔn mmienu bɛfiri atifi asaase so akɔ asaase a mede maa mo agyanom sɛ wɔn agyapadeɛ no so.+ 19 Mekaa no me tirim sɛ, ‘Hwɛ sɛdeɛ mede wo kaa mma ho na memaa wo asaase pa, agyapadeɛ a ɛyɛ fɛ a ɛwɔ amanaman* mu no!+ Ná m’adwene nso yɛ me sɛ mobɛfrɛ me, ‘Me Papa!’ na morensan mfiri m’akyi. 20 ‘Ampa ara, sɛdeɛ ɔyere twa nkontompo gya ne kunu* hɔ no, saa ara na mo nso, moatwa me nkontompo, O Israel fie,’+ Yehowa asɛm nie.”
21 Wɔte nnyegyeeɛ bi wɔ nkokoɔ a ɛso ayɛ kwabokwabo no so,
Ɛyɛ Israelfoɔ sũ ne wɔn adesrɛ,
Ɛfiri sɛ wɔakyea wɔn akwan;
Wɔn werɛ afi Yehowa wɔn Nyankopɔn.+
22 “Mma akobɔfoɔ ee, monsan mmra.
Mɛsa mo yareɛ, na moammɔ ko bio.”+
“Yɛn nie! Yɛaba wo nkyɛn,
Ɛfiri sɛ wo, O Yehowa, wone yɛn Nyankopɔn.+
23 Ampa ara, nkokoɔ ne mmepɔ so gyegyeegye yɛ nnaadaa.+
Ampa ara, Yehowa yɛn Nyankopɔn ne Israel nkwagyeɛ.+