Yeremia
4 “O Israel, sɛ wobɛsan w’akyi a,” Yehowa asɛm nie,
“Sɛ wobɛsan aba me nkyɛn
Na woayiyi w’abosom fĩ no afiri m’anim a,
Ɛnneɛ worenyɛ kobɔfoɔ bio.+
2 Na sɛ woka ntam
Wɔ nokorɛ, atɛntenenee, ne tenenee mu sɛ, ‘Sɛ́ Yehowa te ase yi!’ a,
Ɛnneɛ amanaman no nam ne so bɛnya nhyira,
Na wɔbɛhoahoa wɔn ho wɔ ne mu.”+
3 Na deɛ Yehowa aka akyerɛ Yudafoɔ ne Yerusalemfoɔ nie:
“Momfuntum asaase pa mfa,
Na ɛnsɛ sɛ mokɔ so dua adeɛ wɔ nkasɛɛ mu bio.+
4 Montwa twetia mma Yehowa,
Na montwa mo akoma twetia,+
Mo Yuda mmarima ne Yerusalemfoɔ,
Anyɛ saa a, nneɛma bɔne a moyɛ nti,
M’abufuo bɛdɛre sɛ egya,
Na ɛbɛhye a obiara rentumi nnum no.”+
5 Monka wɔ Yuda, na mommɔ no dawuro wɔ Yerusalem.
Monteam na mommɔ abɛn wɔ asaase no so baabiara.+
Monteam dendeenden, na monka sɛ: “Mommoaboa mo ano,
Na momma yɛnnwane nkɔ nkuro a wɔabɔ ho ban no mu.+
6 Momma ahyɛnsodeɛ* so na momfa ani nkyerɛ Sion.
Mompɛ baabi nhinta, na monnnyina hɔ.”
Ɛfiri sɛ mede amanehunu firi atifi fam reba,+ ɔsɛeɛ kɛseɛ bi.
Watu afiri ne tenabea sɛ ɔrebɛma w’asaase ayɛ tantaantan.
Ɔbɛsɛe wo nkuro pasaa, na obiara rentena mu.+
8 Wei nti momfira awerɛhoɔ ntoma,*+
Monni awerɛhoɔ* na monsu nteateam,
Ɛfiri sɛ Yehowa abufuhyeɛ no nnane mfirii yɛn so.
9 “Saa da no,” Yehowa asɛm nie, “ɔhene akoma bɛtu,+
Na atitire nso akoma bɛtu;
Asɔfoɔ bɛbɔ hu, na adiyifoɔ ho bɛdwiri wɔn.”+
10 Ɛnna mekaa sɛ: “Ao, Awurade Tumfoɔ Yehowa! Ampa, woadaadaa ɔman yi+ ne Yerusalem paa. Wokaa sɛ: ‘Mobɛnya asomdwoeɛ,’+ nanso sekan na ɛda yɛn menem.”*
11 Saa berɛ no, wɔbɛka akyerɛ ɔman yi ne Yerusalem sɛ:
“Mframa a emu yɛ hyeɛ bɛfiri serɛ so nkokoɔ a ɛso ayɛ kwabokwabo so,
Na ɛbɛbɔ afa me man babaa* so;
Ɛremma mmɛhu hwiit so, na ɛremmɛyiyi mu fĩ.
12 Mɛma mframa a ano yɛ den paa afiri saa mmeaeɛ hɔ aba.
Afei mɛka atemmusɛm agu wɔn so.
N’apɔnkɔ ho yɛ hare sene akɔdeɛ.+
Asɛm ato yɛn, ɛfiri sɛ wɔasɛe yɛn awie!
14 O Yerusalem, hohoro w’akoma ho firi bɔne ho, sɛdeɛ ɛbɛyɛ a wɔbɛgye wo.+
Wobɛkɔ so adwene adwemmɔne akɔsi da bɛn?
16 Monka ho asɛm, aane, monka ho asɛm nkyerɛ amanaman;
Mommɔ no dawuro nkyerɛ Yerusalem.”
“Atɛfoɔ* firi akyirikyiri asaase bi so reba,
Na wɔbɛma wɔn nne so atia Yuda nkuro.
17 Wɔfiri afã ne afã nyinaa ba ne so te sɛ awɛmfoɔ a wɔwɛn afuo,+
Ɛfiri sɛ wate me so atua,”+ Yehowa asɛm nie.
18 “Wɔde wo ara w’abrabɔ ne wo nneyɛɛ bɛba wo so.+
Mmusuo a ɛbɛba wo so no yɛ nwono sɛ!
Ɛfiri sɛ awura w’akoma mu tɔnn!”
19 Me nsono mu oo! Me nsono mu oo!*
Mete yea kɛse wɔ m’akomam.*
M’akoma rebɔ paripari wɔ me mu.
20 Amanehunu rekɔ, na amanehunu reba; ɛno ara na yɛteɛ,
Ɛfiri sɛ wɔasɛe asaase no nyinaa.
Mpofirim ara na wɔsɛee me ntomadan,
Prɛko pɛ na wɔsɛee ntoma a wɔde ayɛ me ntomadan no.+
Wɔyɛ mma agyimifoɔ a wɔnni nteaseɛ.
Ɛba bɔne a, wɔn ani ate,*
Na papa deɛ, wɔnnim ho hwee.”
23 Mehwɛɛ asaase no, na hwɛ! na hwee nni so, na na asɛe pasaa.+
Mehwɛɛ ɔsoro, na na ne hann nni hɔ bio.+
Yehowa na ɔyɛeɛ,
N’abufuhyeɛ nti na ɔyɛeɛ.
Wɔakɔhyehyɛ adɔtɔ mu,
Na wɔaforo abotan.+
Kuro biara ada mpan,
Na onipa biara nte mu bio.”
30 Afei a wɔayɛ wo pasaa yi, deɛn na wobɛyɛ?
Kane no, wofiraa ntoma kɔkɔɔ,
Wode sika kɔkɔɔ agudeɛ hyehyɛɛ wo ho,
Wokekaa w’ani ase* tumm sɛdeɛ ɛbɛyɛ a w’ani mma bɛpuepue yie.
Nanso w’ahosiesie no nyinaa ankɔsi hwee,+
Ɛfiri sɛ wɔn a wɔpɛ wo no mpo apo wo.
31 Mete nne bi te sɛ ɔbaa yarefoɔ nne,
Me ho yera me te sɛ ɔbaa a ɔrewo n’abakan,
Ɛyɛ Sion babaa nne; ɔhome a ɛnsi so.
Watrɛ ne nsam, na ɔka sɛ:+
“Asɛm ato me, ɛfiri sɛ awudifoɔ nti mabrɛ!”*