Yeremia
2 Yehowa ka kyerɛɛ me sɛ: 2 “Kɔ, na kɔka gu Yerusalem asom sɛ, ‘Deɛ Yehowa aka nie:
“Mekae ɔdɔ a na wodɔ me* wɔ wo mmabaaberɛ mu,+
Ɔdɔ a wonya maa me berɛ a mede m’ano too wo so sɛ mɛware wo no,+
Mekae sɛdeɛ wodii m’akyi wɔ serɛ no so,
Asaase a wɔnnuaa aba wɔ so no.+
3 Ná Israel yɛ kronkron ma Yehowa,+ ɔyɛ ne nnɔbaeɛ a ɛdi kan a ɔtwaeɛ.”’
‘Obiara a ɔbɛmene no no bɛdi fɔ.
Mmusuo na ɛbɛba wɔn so,’ Yehowa na aka.”+
4 Montie Yehowa asɛm, O Yakob fie,
Ne Israel fie mmusua nyinaa.
5 Deɛ Yehowa aka nie:
“Bɔne bɛn na mo agyanom huu wɔ me ho,+
A enti wɔtwee wɔn ho firii me ho koraa saa,
6 Wɔammisa sɛ, ‘Yehowa wɔ he,
Deɛ ɔyii yɛn firii Egypt asaase so+
A ɔdii yɛn anim faa serɛ so no,
Deɛ ɔde yɛn faa asaasetraa so+ ne amena mu,
Deɛ ɔde yɛn faa asaase a nsuo nni so+ na ɛso yɛ sum kabii so,
Deɛ ɔde yɛn faa asaase a onipa biara mfaa so da,
A ɔdasani biara ntenaa so da so no?’
Nanso mobaeɛ no, mobɛguu m’asaase no ho fĩ;
M’agyapadeɛ no, modanee no akyiwadeɛ.+
8 Asɔfoɔ no ammisa sɛ, ‘Yehowa wɔ he?’+
Wɔn a wɔkyerɛkyerɛ Mmara no nso, na wɔnnim me,
Nnwanhwɛfoɔ no tee me so atua,+
Adiyifoɔ no hyɛɛ nkɔm wɔ Baal din mu,+
Na wɔn* a wɔamfa mfasoɔ biara ammrɛ wɔn no, wɔn na wɔdii wɔn akyi.
10 ‘Mo deɛ, montwam nkɔ Kitimfoɔ mpoano nsaase*+ so nkɔhwɛ.
Aane, monsoma nkɔ Kedar+ nkɔhwehwɛ mu yie;
Monkɔhwɛ sɛ biribi saa asi pɛn a.
11 Ɔman bi asesã n’anyame akɔfa deɛ ɛnyɛ anyame pɛn anaa?
Nanso me man asesã m’animuonyam akɔfa deɛ mfasoɔ biara nni so.+
13 ‘Ɛfiri sɛ me man ayɛ bɔne mmienu:
Me a meyɛ nkwa nsutire no, wɔagya me hɔ,+
Na wɔakɔtutu wɔn ankasa mmura,*
Mmura a apaapae a nsuo ntumi nnyina mu.’
14 ‘Adɛn, Israel yɛ akoa? Anaa ɔyɛ akoa a wɔwoo no wɔ ne wura fie?
Ɛnneɛ adɛn nti na nkurɔfoɔ de no rekɔyɛ akoa yi?*
Wɔama n’asaase adane biribi a ɛyɛ hu.
Wɔahye ne nkuro, na obiara nte mu.
16 Nnipa a wɔwɔ Nof*+ ne Tapanes+ adidi wo tiri ho ama wo tiri so apa.
17 Ɛnyɛ wo ara na woakɔfa wei abɛto wo ho so?
Ɛyɛ Yehowa wo Nyankopɔn a wogyaa ne hɔ+
Berɛ a ɔne wo nam kwan so no nti na aba saa.
19 W’amumuyɛ bɛtene wo so,
Na wo ara wo nkontompo akasa akyerɛ wo.
Hwɛ na hunu sɛ ɛyɛ bɔne, na ɛyɛ nwono paa+
Sɛ wobɛgya Yehowa wo Nyankopɔn hɔ;
Me ho suro biara nni wo mu,’+ Awurade Tumfoɔ, asafo Yehowa na aka.
Nanso wokaa sɛ: “Merensom wo.”
21 Meduaa wo sɛ bobe kɔkɔɔ a ɛyɛ;+ deɛ meduaeɛ nyinaa yɛ aba pa.
Enti ɛyɛɛ dɛn na woafifi abɛyɛ bobe bɔne a menhunuu bi da wɔ m’anim yi?’+
22 ‘Na sɛ wode soda* ne samina adeɛ ma dware mpo a,
Wo bɔne rentumi mpepa mfiri m’anim,’+ Awurade Tumfoɔ Yehowa na aka.
23 Wosɔre a wose, ‘Menguu me ho fĩ.
Baal anyame nso, menkɔdii wɔn akyi.’
Hwɛ ɔbra a wobɔɔ* wɔ ɛbɔn no mu.
Dwene deɛ woayɛ no ho.
Wote sɛ yoma bedeɛ a ne ho yɛ hare,
A ɔtu mmirikahunu di akɔneaba wɔ n’akwan so.
24 Woayɛ sɛ ɛserɛ so afunumu* a ɔnim serɛ so yie,
N’akɔnnɔ sɔre a,* ɔhuahua pɛ ɔbarima.
Sɛ ne berɛ so sɛ wɔforo no a, hwan na ɔbɛtumi asi no kwan?
Wɔn a wɔrehwehwɛ no no, ɛnhia sɛ wɔn mu biara ha ne ho.
Ne berɛ* so a, wɔbɛhu no.
25 Hwɛ na ankɔba sɛ wo nan bɛsisi fam,
Na hwɛ wo menem yie na sukɔm anne wo.
Nanso wokaa sɛ, ‘Mfasoɔ biara nni so!+
26 Sɛdeɛ wɔkye korɔmfoɔ a n’ani wuo no,
Saa ara na Israel fie ani awuo;
Wɔn, wɔn ahemfo, ne wɔn mpanimfoɔ,
Ne wɔn asɔfoɔ ne wɔn adiyifoɔ nyinaa ani awu.+
27 Wɔka kyerɛ dua sɛ, ‘Me papa ne wo,’+
Na wɔka kyerɛ ɛboɔ sɛ, ‘Wo na wowoo me.’
Na me deɛ, wɔn akyi na wɔdane kyerɛ me, na ɛnyɛ wɔn anim.+
Wɔkɔ amanehunu mu deɛ a, wɔbɛka sɛ,
‘Sɔre na gye yɛn!’+
28 W’anyame a woyɛ faeɛ no wɔ he?+
Sɛ wɔbɛtumi agye wo wɔ w’amanehunu berɛ mu a, ma wɔnsɔre.
O Yuda, sɛdeɛ wo nkuro dɔɔso no, saa ara na w’anyame adɔɔso.+
29 ‘Adɛn nti na mokɔ so bɔ me soboɔ?
Adɛn nti na mo nyinaa moate me so atua?’+ Yehowa asɛm nie.
30 Matwe mo mma aso, nanso ɛyɛ kwa.+
31 O awoɔ ntoatoasoɔ, monnwene Yehowa asɛm ho.
Adɛn, mayɛ sɛ serɛ so ama Israel anaa?
Anaa madane asaase a aduru sum ama Israel ho yera no?
Adɛn nti na me man yi aka sɛ, ‘Yɛtumi kyinkyini sɛdeɛ yɛpɛ.
Yɛremma wo nkyɛn bio’?+
32 Ɔbaabunu werɛ bɛtumi afi n’agudeɛ anaa?
Na ayeforɔ werɛ betumi afi n’abɔsoɔ* a ɔde siesie ne ho n’ayeforɔ da anaa?
Nanso me ara me man deɛ, wɔn werɛ afi me nna pii.+
33 O ɔbaa, ɛkwan a wobɛfa so anya ɔdɔfoɔ deɛ, wonim yɛ oo!
34 Wo ntaadeɛ mpo, ahiafoɔ* a wɔdi bem mogya akekã mu,+
Ɛwom sɛ manhunu sɛ wɔrebubu akɔ mu;
Wɔn mogya akekã w’ataadeɛ mu nyinaa.+
35 Na woka sɛ, ‘Medi bem.
Megye di sɛ n’abufuo adane afiri me so.’
Afei deɛ, mede atemmuo reba wo so,
Ɛfiri sɛ woka sɛ, ‘Menyɛɛ bɔne.’
36 Ɛkwan a wonam so no nyɛ. Enti adɛn na wobu no ade ketewaa bi?
37 Wei nso nti, wode wo nsa bɛgu wo ti na woapue,+
Ɛfiri sɛ Yehowa apo wɔn a wode wo ho ato wɔn so no;
Wɔrentumi mma ɛnsi wo yie.”