Yeremia
1 Hilkia a ɔka asɔfoɔ a wɔwɔ Anatot+ ho wɔ Benyamin asaase so no, ne ba Yeremia* nsɛm nie. 2 Yehowa ka kyerɛɛ no wɔ Amon+ ba Yosia+ a na ɔyɛ Yuda hene no berɛ so, wɔ n’ahennie afe a ɛtɔ so 13 mu. 3 Nsɛm no bi nso baa ne nkyɛn wɔ Yuda hene Yehoiakim+ a ɔyɛ Yosia ba no berɛ so bɛsii Yuda hene Sedekia+ a ɔyɛ Yosia ba no ahennie afe a ɛtɔ so 11 awieeɛ, de bɛsii berɛ a wɔsoaa Yerusalemfoɔ kɔeɛ wɔ bosome a ɛtɔ so nnum+ no mu.
4 Yehowa ka kyerɛɛ me sɛ:
Mede wo yɛɛ odiyifoɔ maa amanaman no.”
6 Ɛnna mekaa sɛ: “O Awurade Tumfoɔ Yehowa!
Mennim kasa,+ ɛfiri sɛ meyɛ abɔfra.”*+
7 Ɛnna Yehowa ka kyerɛɛ me sɛ:
“Nka sɛ, ‘Meyɛ abɔfra.’
Mmom obiara a mɛsoma wo ne nkyɛn no, kɔ,
Na asɛm biara a mɛhyɛ wo no, ka.+
9 Ɛnna Yehowa tenee ne nsa kaa m’ano.+ Na Yehowa ka kyerɛɛ me sɛ: “Mede me nsɛm ahyɛ w’anom.+ 10 Hwɛ, ɛnnɛ da yi, mede wo asi amanaman ne ahennie ahodoɔ so sɛ tutu na bubu, sɛe na dwiri gu, si na dua.”+
11 Na Yehowa asɛm san baa me nkyɛn sɛ: “Yeremia, deɛn na wohunu yi?” Na mekaa sɛ: “Mehunu aborɔfo nkateɛ dua* nkorabata bi.”
12 Ɛnna Yehowa ka kyerɛɛ me sɛ: “Woahu no yie, na me nso, m’ani wɔ m’asɛm ho,* na mɛhwɛ ama no ayɛ hɔ.”
13 Yehowa ka kyerɛɛ me ne mprenu so sɛ: “Deɛn na wohunu yi?” Na mekaa sɛ: “Mehunu dadesɛn* a biribi rehuru wom* a ano akyea hwɛ anaafoɔ fam.” 14 Ɛnna Yehowa ka kyerɛɛ me sɛ:
“Atifi fam na wɔbɛhwie amanehunu no afire,
Na ɛbɛgu asaase no so nnipa nyinaa so.+
15 Ɛfiri sɛ ‘merefrɛ mmusua a ɛwɔ atifi fam ahennie mu no nyinaa,’ Yehowa na aka,+
‘Na wɔbɛba; obiara de n’ahennwa bɛba
Abɛsi Yerusalem kuro apono ano,+
Ne n’afasuo nyinaa ho,
Ne Yuda nkuro nyinaa ho.+
16 Na mɛka m’atemmuo wɔ bɔne a wɔayɛ nyinaa ho akyerɛ wɔn,
Ɛfiri sɛ wɔagya me hɔ,+
Na wɔhye afɔrebɔdeɛ ma anyame foforɔ,+
Na wɔkoto wɔn ankasa nsa ano adwuma.’+
Nsuro wɔn,+
Anyɛ saa a, mɛma woabɔ hu wɔ wɔn anim.