Yeremia
46 Yehowa asɛm a ɛbaa odiyifoɔ Yeremia nkyɛn wɔ amanaman no ho nie:+ 2 Egypt+ deɛ nie: Ɛfa Egypt hene Farao Neko+ asraafoɔ ho, Farao Neko a Babilon hene Nebukadnesar* dii ne so nkonim wɔ Asubɔnten Eufrate ho wɔ Karkemis wɔ Yuda hene Yehoiakim,+ Yosia ba no ahennie afe a ɛtɔ so nnan mu no:
4 Mo a motena apɔnkɔ so, momfa nhoma nsesa apɔnkɔ no ho na montenatena wɔn so.
Monnyinagyina hɔ na monhyehyɛ mo dadeɛ kyɛ.
Montwi mpea ho na monhyehyɛ mo akotaadeɛ.
5 ‘Adɛn nti na mehunu sɛ wɔabɔ hu yi?
Wɔresan wɔn akyi, na wɔn mmarima a wɔnim ko no, wɔayɛ wɔn pasaa.
Wɔde hu adwane, wɔn mmarima a wɔnim ko no antwa wɔn ani.
Ehu wɔ baabiara,’ Yehowa asɛm nie.
6 ‘Ahoɔherɛfoɔ rentumi nnwane, na mmarima a wɔnim ko no rentumi mfiri hɔ nkɔ.
Wɔasuntisunti ahwehwe ase+
Wɔ atifi fam, wɔ Asubɔnten Eufrate ho.’
7 Hwan na ɔreba te sɛ Asubɔnten Nil,
Te sɛ nsubɔnten a emu nsuo rebu fa so yi?
8 Egypt foro ba te sɛ Asubɔnten Nil,+
Ɔba te sɛ nsubɔnten a emu nsuo rebu fa so.
Na ɔka sɛ, ‘Mɛforo akɔ na mayiri akata asaase no so.
Mɛsɛe kuro no ne emufoɔ.’
9 Apɔnkɔ, momforo nkɔ!
Nteaseɛnam, monnye bum!
Momma mmarima a wɔnim ko no nkɔ wɔn anim,
Kus ne Put mmarima a wɔkurakura akyɛm,+
10 “Saa da no yɛ Awurade Tumfoɔ, asafo Yehowa da, awerɛdi da a ɔde bɛtua n’atamfo ka. Na sekan bɛdi nam amee, na ɛbɛnom wɔn mogya nso amee. Ɛfiri sɛ Awurade Tumfoɔ, asafo Yehowa bɛbɔ afɔreɛ* wɔ atifi fam asaase no so, Asubɔnten Eufrate+ ho.
Woama wo nnuro adɔɔso kwa,
Ɛfiri sɛ ayaresa biara nni hɔ mma wo.+
Ɛfiri sɛ ɔsabarima sunti ɔsabarima,
Na wɔn mmienu nyinaa bom hwe ase.”
13 Asɛm a Yehowa ka kyerɛɛ odiyifoɔ Yeremia nie. Ɛfa Babilon hene Nebukadnesar* a ɔbɛba abɛsɛe Egypt asaase no+ ho:
14 “Momfa nto dwa wɔ Egypt, na mommɔ no dawuro wɔ Migdol.+
Mommɔ no dawuro wɔ Nof* ne Tapanes.+
Monka sɛ, ‘Monnyinagyina hɔ, na monyɛ krado,
Ɛfiri sɛ wɔn a atwa wo ho ahyia nyinaa, sekan bɛdi wɔn nam.
15 Adɛn nti na wɔapra wo mmarima a wɔn ho yɛ den no kɔ yi?
Wɔantumi annyina,
Ɛfiri sɛ Yehowa apia wɔn agu fam.
16 Wɔn mu bebree suntisunti, na wɔhwehwe ase.
Obiara ka kyerɛ ne yɔnko sɛ:
“Sɔre! Ma yɛnsan nkɔ yɛn nkurɔfoɔ nkyɛn ne yɛn abusuafoɔ asaase so,
Ɛsiane atirimuɔden sekan no nti.”’
18 ‘Mete ase yi deɛ,’ Ɔhene a ne din de asafo Yehowa no asɛm nie,
‘Ɔbɛba* te sɛ Tabor+ a ɛsi mmepɔ mu
Ne Karmel+ a ɛsi po ho no.
19 Hyehyɛ wo nneɛma a wode bɛtu akɔ obi man so,
O ɔbabaa a wote Egypt.
21 Asraafoɔ a wabɔ wɔn paa a wɔwɔ wɔn mu no mpo te sɛ anantwie mma a wɔadɔre sradeɛ;
Wɔn nso adane wɔn ho abom adwane.
22 ‘Ne nne te sɛ ɔwɔ a ɔtwe ne ho ase,
Ɛfiri sɛ wɔde nkuma reba ne so ahoɔden so,
Te sɛ mmarima a wɔrebu nnua.*
23 Ɛkwan biara nna ne kwaeɛ mu, nanso wɔbɛbu agu,’ Yehowa asɛm nie.
‘Ɛfiri sɛ wɔdɔɔso sene ntutummɛ; wɔn dodoɔ nni ano.
24 Egypt babaa ani bɛwu.
Wɔde no bɛhyɛ atifi famfoɔ nsa.’+
25 “Asafo Yehowa, Israel Nyankopɔn no aka sɛ: ‘Afei mede m’ani rebɛsi Amon+ a ɔfiri Noh*+ no so, ne Farao so, ne Egypt so, ne n’anyame so,+ ne n’ahemfo so, aane, mede m’ani bɛsi Farao ne wɔn a wɔde wɔn ho to ne so nyinaa so.’+
26 “‘Na mede wɔn bɛhyɛ wɔn a wɔpɛ sɛ wɔkunkum wɔn* no nsa, Babilon hene Nebukadnesar*+ ne ne nkoa nsa. Nanso ɛno akyi no, nnipa bɛsan atena mu bio te sɛ kane no,’ Yehowa asɛm nie.+
Na Yakob bɛsan aba, na ne ho bɛdwo no, na watena hɔ dwoodwoo,
Na obiara renhunahuna wɔn.+
28 Enti m’akoa Yakob, nsuro,’ Yehowa asɛm nie, ‘ɛfiri sɛ meka wo ho.
Mɛtene wo so sɛdeɛ ɛfata;+
Meremma womfa wo ho nni da.’”