Yeremia
49 Deɛ Yehowa aka afa Ammonfoɔ ho nie:+
“Israel nni mma mmarima anaa?
Anaa ɔnni obi a ɔbɛdi n’adeɛ?
Na adɛn nti na ne nkurɔfoɔ akɔtenatena Israel nkuro mu yi?”
2 “‘Enti hwɛ! Nna bi reba,’ Yehowa asɛm nie,
‘Na mɛma wɔate ɛko totorobɛnto* nnyegyeeɛ a ɛtia Ammonfoɔ+ kuro Raba,+
Na ɛbɛdane aboɔ asum hɔ,
Na wɔde gya bɛto ɛho nkuro mu.’
‘Na Israel bɛgye ne nkuro afiri wɔn a wɔbɛfaa ne nkuro no nsam,’+ Yehowa na aka.
3 ‘O Hesbon, su teateam, ɛfiri sɛ wɔasɛe Ai!
Raba ho nkuro, monteateam.
Momfirafira awerɛhoɔ ntoma.*
Monsu nteateam na monni akɔneaba wɔ nnwammuo a wɔde aboɔ ayɛ mu,
Ɛfiri sɛ wɔbɛtu Malkam ase akɔ obi man so,
Ɔne n’asɔfoɔ ne ne mpanimfoɔ nyinaa na ɛbɛkɔ.+
4 Adɛn nti na wode w’asaasetraa* hoahoa wo ho?
Adɛn nti na wode w’asaasetraa a nsuo sene fa so no hoahoa wo ho, O ɔbabaa nkontomponi?
Wode wo ho ato w’agyapadeɛ so,
Na woka sɛ: “Hwan na ɔbɛba me so?”’”
5 “‘Hwɛ, mede biribi a ɛyɛ hu reba wo so,’ Awurade Tumfoɔ, asafo Yehowa asɛm nie.
‘Ɛbɛfiri wɔn a wɔatwa wo ho ahyia no nyinaa hɔ aba.
Na wɔbɛbɔ mo ahwete baabiara,
Na obiara remmoaboa wɔn a wɔredwane no ano.’”
6 “‘Nanso akyire yi, mɛsan aboaboa Ammonfoɔ a wɔkyee wɔn kɔeɛ no ano,’ Yehowa asɛm nie.”
7 Deɛ asafo Yehowa aka afa Edom ho nie:
“Nyansa biara nni Teman bio anaa?+
Afotu pa ayera afiri wɔn a wɔwɔ nteaseɛ no nkyɛn anaa?
Wɔn nyansa adane adehunu* anaa?
8 Monnwane, monsan mo akyi!
O Dedanfoɔ, monkɔ na monkɔtena ɛbɔn mu!+
Ɛfiri sɛ sɛ berɛ so sɛ mede m’ani si Esau so a,
Mede amanehunu bɛba ne so.
9 Sɛ wɔn a wɔtete bobe ba wo so a,
Anka wɔrennya bi wɔ aseɛ mma nkurɔfoɔ mmɛsesa anaa?
Na sɛ awifoɔ ba anadwo a,
Deɛ wɔpɛ nko ara na wɔbɛsɛe no.+
10 Nanso mɛma Esau ho ada hɔ.
Mɛma obiara ahunu ne hintabea,
Sɛdeɛ ɛbɛyɛ a ɔrentumi mfa ne ho nsie.
12 Na deɛ Yehowa aka nie: “Hwɛ! Sɛ wɔn a wɔmmuu wɔn atɛn sɛ wɔnnom kuruwa no ano mpo bɛnom a, ɛnneɛ wo na wobɛfa wo ho adi anaa? Woremfa wo ho nni, ɛfiri sɛ wopɛ oo, wompɛ oo, wobɛnom.”+
13 “Maka me ho ntam,” Yehowa asɛm nie, “Bosra bɛdane biribi a ɛyɛ hu,+ n’anim bɛgu ase, ɛbɛsɛe pasaa, na ayɛ nnome. Na ne nkuro nyinaa bɛdane amamfo afebɔɔ.”+
14 Mate amanneɛbɔ bi afiri Yehowa hɔ.
Wasoma obi kɔ amanaman no mu sɛ:
“Mommoaboa mo ho na monkɔ ne so;
Monsiesie mo ho nkɔko.”+
16 Ahopopoɔ a womaa no baa nkurɔfoɔ so no adaadaa wo,
W’akomam ahantan adaadaa wo,
Wo a wote abotan so,
Na wote kokoɔ a ɛkorɔn so.
Sɛ woayɛ wo pirebuo wɔ sorosoro te sɛ ɔkɔdeɛ mpo a,
Mɛyi wo afiri hɔ asi fam,” Yehowa asɛm nie.
17 “Edom bɛdane biribi a ɛyɛ hu,+ na obiara a ɔbɛtwam wɔ hɔ no bɛtɛɛ n’anom ahwɛ no, na wadi ne ho fɛ,* mmusuo a ɛbɛba ne so no nyinaa nti. 18 Sɛdeɛ wɔbutuu Sodom ne Gomora ne ɛho nkuro no,”+ Yehowa asɛm nie, “saa ara na obiara rentena Edom, na onipa biara rensoɛ hɔ.+
19 “Hwɛ! Obi bɛforo abɛto ahyɛ adidibea a wɔabɔ ho ban no so te sɛ gyata+ a ɔfiri Yordan kwaeɛbirentuo mu, nanso mɛma no adwane* afiri hɔ ntɛm. Na mɛma deɛ wɔayi no no adi ne so. Hwan na ɔte sɛ me, na hwan na ɔne me bɛdi asie? Odwanhwɛfoɔ bɛn na ɔbɛtumi agyina m’anim?+ 20 Enti mmarima, montie pɔ a Yehowa abɔ wɔ Edom ho; na deɛ wabɔ ne tirim sɛ ɔbɛyɛ Temanfoɔ nie:+
Deɛ ɛteɛ biara, wɔbɛtwe nnwan mma no ase akɔ.
Wɔn nti, ɔbɛma wɔn tenabea asɛe pasaa.+
21 Wɔahwe ase birim ama asaase awoso.
Wɔreteateam!
Dede no akɔduru Ɛpo Kɔkɔɔ no ho tɔnn.+
Saa da no, Edom mmarima a wɔnim ko no akoma
Bɛyɛ sɛ ɔbaa a awoɔ aka no akoma.”
“Wɔagu Hamat+ ne Arpad anim ase,
Ɛfiri sɛ wɔate asɛmmɔne bi.
Ehu aka wɔn paa.
Ɛpo rebu fa so, na wɔrentumi mma no nyɛ dinn.
24 Damasko abam abu.
Wadane ne ho redwane, nanso ehu akyekyere no.
Amanehunu ne yea aba ne so,
Te sɛ ɔbaa a awoɔ aka no.
25 Adɛn nti na wɔnnyaa ayeyie kuro no ntoo hɔ,
Ahurisie kuro no?
26 Ɛfiri sɛ ne mmeranteɛ bɛtotɔ wɔ ne mmɔnten so,
Na asraafoɔ no nyinaa bɛwuwu saa da no,” asafo Yehowa asɛm nie.
28 Ɛfiri sɛ Kedar+ ne Hasor ahennie a Babilon hene Nebukadnesar* sɛee no no, deɛ Yehowa aka afa ho nie:
“Monsɔre, momforo nkɔ Kedar,
Na monkɔsɛe wɔn a wɔtete Apueeɛ no.
29 Wɔbɛfa wɔn ntomadan ne wɔn nnwan
Ne wɔn ntomadan ho ntoma ne wɔn nneɛma nyinaa akɔ.
Wɔbɛfa wɔn yoma afiri wɔn ho akɔ,
Na wɔbɛsu akyerɛ wɔn sɛ, ‘Ehu wɔ baabiara!’”
30 “Monnwane, monkɔ akyirikyiri!
O Hasorfoɔ, monkɔ na monkɔtena ɛbɔn mu,” Yehowa asɛm nie.
“Ɛfiri sɛ Babilon hene Nebukadnesar* abɔ mo ho pɔ bi,
Na wadwene mo ho adwemmɔne.”
31 “Monsɔre, momforo nkɔ ɔman a ɛte hɔ asomdwoeɛ mu no so,
Ɔman a ɛte hɔ dwoodwoo no!” Yehowa asɛm nie.
“Ɛnni apono na ɛnni nnadeɛ a wɔde bram apono akyi; wɔn nko ara na wɔte hɔ.
32 Nkurɔfoɔ bɛfom wɔn yoma,
Na wɔafa wɔn nyɛmmoa bebrebe no akɔ.
Na mede mmusuo bɛfiri afã nyinaa aba wɔn so,” Yehowa asɛm nie.
33 “Na Hasor bɛdane sakraman atenaeɛ,
Na ɛbɛyɛ amamfo daa.
Obiara rentena hɔ,
Na onipa biara rensoɛ hɔ.”
34 Yehowa asɛm a ɛbaa odiyifoɔ Yeremia nkyɛn wɔ Elam+ ho, Yuda hene Sedekia+ ahennie mfitiaseɛ nie: 35 “Deɛ asafo Yehowa aka nie, ‘Hwɛ merebɛbubu Elam agyan,+ deɛ wɔn ahoɔden gyina so* no. 36 Mede mframa nnan bɛfiri ɔsoro afanan aba Elam so, na mɛbɔ wɔn ahwete mframa yi nyinaa mu. Ɔman biara nni hɔ a Elamfoɔ a wɔabɔ wɔn ahwete no bi renkɔ so.’”
37 “Na mɛbubu Elamfoɔ wɔ wɔn atamfo anim, ne wɔn a wɔrehwehwɛ wɔn aku wɔn* no anim. Na mede mmusuo ne m’abufuhyeɛ bɛba wɔn so,” Yehowa asɛm nie. “Na mɛsoma sekan adi wɔn akyi akɔsi sɛ mɛhye wɔn nyinaa ase.”
38 “Na mede m’ahennwa bɛsi Elam,+ na mɛsɛe ɔhene ne ne mpanimfoɔ afiri hɔ,” Yehowa asɛm nie.
39 “Nanso awieeɛ nna no mu no, mɛboaboa Elamfoɔ a wɔakye wɔn kɔ no ano,” Yehowa asɛm nie.