Deuteronomium
5 Afei Mose frɛɛ Israelfoɔ nyinaa+ ka kyerɛɛ wɔn sɛ: “Israel, montie ahyɛdeɛ ne atemmusɛm+ a mereka agu mo asom nnɛ yi. Monsua na monni ne nyinaa so.+ 2 Yehowa yɛn Nyankopɔn ne yɛn yɛɛ apam wɔ Horeb.+ 3 Ɛnyɛ yɛn nananom na Yehowa ne wɔn yɛɛ apam yi, na mmom yɛn a yɛte ase nnɛ yi. 4 Yehowa firi gya mu ne mo kasaa animu ne animu wɔ bepɔ no so.+ 5 Saa berɛ no me na na megyina Yehowa ne mo ntam.+ Na mekaa Yehowa anom asɛm kyerɛɛ mo, (ɛfiri sɛ na mosuro gya no na moankɔ bepɔ no so,)+ na ɔkaa sɛ,
6 “‘Mene Yehowa wo Nyankopɔn+ a ɔyii wo firii Egypt nkoafie.+ 7 Nnya anyame foforɔ biara m’ani so.+
8 “‘Nyɛ ohoni biara+ anaa biribi a ɛwɔ soro anaa asase so anaa deɛ ɛwɔ nsuo mu wɔ asase ase nsɛsoɔ+ biara mfa. 9 Nkoto wɔn na nsom wɔn,+ ɛfiri sɛ me Yehowa wo Nyankopɔn, meyɛ Onyankopɔn a mempɛ sɛ me ne obi bɛkyɛ ɔsom a mode ma me no.+ Na agyanom a wɔtan me deɛ, mede wɔn bɔne ho asotwe ba wɔn mma ne wɔn mmanana ne wɔn nanankansowanom mpo so;+ 10 na wɔn a wɔdɔ me na wɔdi me mmara soɔ deɛ, meyi m’adɔeɛ adi kyerɛ wɔn kɔsi awoɔ ntoatoasoɔ a ɛtɔ so apem so.+
11 “‘Mfa Yehowa wo Nyankopɔn din nni agorɔ,+ na Yehowa remma deɛ ɔde ne din di agorɔ no mfa ne ho nni.+
12 “‘Di homeda na yɛ no kronkron sɛdeɛ Yehowa wo Nyankopɔn ahyɛ woɔ no.+ 13 Adwuma biara a wowɔ yɛ no, fa nnansia yɛ ne nyinaa.+ 14 Na da a ɛtɔ so nson no yɛ homeda ma Yehowa wo Nyankopɔn.+ Nyɛ adwuma biara;+ wo oo, wo babarima anaa wo babaa oo, w’akoa anaa w’afenaa oo, wo nantwie oo, w’afunumu oo, w’afieboa oo, ɔhɔhoɔ a ɔwɔ wo kurom oo, obiara nnyɛ adwuma.+ Ɛbɛma w’afenaa ne w’akoa ahome sɛ wo.+ 15 Na kae sɛ na woyɛ akoa Egypt asase so+ na Yehowa wo Nyankopɔn de nsa a ɛyɛ den ne basa a watene mu yii wo firii hɔ.+ Ɛno nti na Yehowa wo Nyankopɔn ahyɛ wo sɛ di homeda no.+
16 “‘Di wo papa ne wo maame ni,+ sɛdeɛ Yehowa wo Nyankopɔn ahyɛ woɔ no, na wo nna aware na asi wo yie,+ asase a Yehowa wo Nyankopɔn de rema woɔ no so.
20 “‘Nni wo yɔnko ho adansekunumu.+
21 “‘Mma w’ani mmmere wo yɔnko yere.+ Na mma w’ani mmmere wo yɔnko fie anaa n’asase anaa n’akoa anaa n’afenaa anaa ne nantwie anaa n’afunumu. Mma w’ani mmmere wo yɔnko biribiara.’+
22 “Yehowa firi gya ne mununkum kumɔnn ne sum mu de nne kɛseɛ kaa nsɛm yi+ kyerɛɛ asafo no nyinaa wɔ bepɔ no so, na wamfa hwee anka ho. Akyire yi ɔtwerɛ guu aboɔpono mmienu so de maa me.+
23 “Berɛ a bepɔ no redɛre+ na motee nne bi firii sum mu no, mobaa me nkyɛn, mo mmusua mu atitire ne mo mpanimfoɔ nyinaa. 24 Na mokaa sɛ: ‘Hwɛ, Yehowa yɛn Nyankopɔn ada n’animuonyam ne ne kɛseyɛ adi akyerɛ yɛn, na yɛate ne nne wɔ gya mu.+ Ɛnnɛ yɛahunu sɛ Onyankopɔn bɛtumi ne onipa akasa ama no akɔ so atena nkwa mu.+ 25 Adɛn nti na ɛsɛ sɛ yɛtena hɔ ma egya kɛseɛ yi bɛhye yɛn ma yɛwuwuo?+ Sɛ yɛte Yehowa yɛn Nyankopɔn nne bio a, yɛbɛwuwu.+ 26 Onipa bɛn na wate Onyankopɔn teasefoɔ no nne+ wɔ gya mu sɛ yɛn na ɔda so te aseɛ? 27 Enti wo mmom bɛn hɔ kɔtie deɛ Yehowa yɛn Nyankopɔn bɛka nyinaa, na deɛ Yehowa yɛn Nyankopɔn bɛka akyerɛ woɔ biara, bɛbɔ yɛn amanneɛ,+ na yɛbɛtie na yɛadi so.’
28 “Yehowa tee deɛ moka kyerɛɛ me no nyinaa. Enti Yehowa ka kyerɛɛ me sɛ, ‘Mate asɛm a ɔman yi aka akyerɛ woɔ no. Deɛ wɔaka nyinaa yɛ.+ 29 Sɛ anka wɔbɛnya akoma a ɛte saa de asuro me+ na wɔadi me mmara nyinaa so+ daa a, hwɛ sɛdeɛ ɛbɛsi wɔne wɔn mma nyinaa yie daa!+ 30 Kɔka kyerɛ wɔn sɛ: “Monkɔ mo ntomadan mu.” 31 Na wo deɛ, gyina me nkyɛn ha na menkyerɛ wo mmara nsɛm ne ahyɛdeɛ ne atemmusɛm a wode bɛkyerɛkyerɛ wɔn+ ama wɔadi soɔ asase a mede ama wɔn sɛ wɔmfa no so.’ 32 Monhwɛ sɛ mobɛyɛ deɛ Yehowa mo Nyankopɔn ahyɛ mo nyinaa.+ Mommmane nnkɔ nifa anaa benkum.+ 33 Ɛkwan a Yehowa mo Nyankopɔn ahyɛ sɛ momfa soɔ no, monhwɛ sɛ mobɛfa soɔ.+ Moyɛ saa a, mobɛnya nkwa na asi mo yie+ na mo nkwa aware asase a morekɔfa no so.