65 Deɛ enti a ɛte saa ne sɛ, na Yehowa aka afa wɔn ho sɛ: “Sɛdeɛ ɛteɛ biara, wɔbɛwuwu wɔ serɛ no so.”+ Enti wɔn mu ɔbarima baako mpo anka, gye Yefune ba Kaleb ne Nun ba Yosua.+

11 ‘Mmarima a wɔfiri Egypt baeɛ a wɔadi mfeɛ 20 rekɔ nyinaa renhunu asaase a mekaa Abraham ne Isak ne Yakob ntam sɛ mede bɛma wɔn no,+ ɛfiri sɛ wɔamfa wɔn akoma nyinaa anni m’akyi. 12 Kaleb,+ Kenisini Yefune ba no, ne Nun ba Yosua+ nko ara na wɔbɛhunu asaase no, ɛfiri sɛ wɔde wɔn akoma nyinaa dii Yehowa akyi.’+

34 “Yehowa tee deɛ mokaeɛ nyinaa. Enti ne bo fuiɛ na ɔkaa ntam sɛ,+ 35 ‘Awoɔ ntoatoasoɔ bɔne yi mu barima baako mpo renhu asaase pa a mekaa mo agyanom ntam sɛ mede bɛma wɔn no,+ 36 gye Yefune ba Kaleb. Ɔno na ɔbɛhunu, na mede asaase a ɔkɔɔ so no bɛma ɔne ne mma, ɛfiri sɛ ɔde n’akoma nyinaa* adi Yehowa akyi.+ 37 (Mo nti, Yehowa bo fuu me mpo, na ɔkaa sɛ, “Wo nso worenkɔ hɔ bi.+ 38 Nun ba Yosua a ɔgyina w’anim yi+ na ɔbɛkɔ asaase no so.+ Hyɛ no den,*+ ɛfiri sɛ ɔno na ɔbɛma Israelfoɔ afa asaase no.”)