18 Weinom na di no Yehowa wo Nyankopɔn anim. Faako a Yehowa wo Nyankopɔn bɛkyerɛ no,+ ɛhɔ na di; wo ne wo mma mmarima, wo mma mmaa, wo nkoa ne wo mfenaa, ne Lewifoɔ a wɔwɔ mo nkuro* mu no. Biribiara a wobɛyɛ biara, ma w’ani nnye wɔ Yehowa wo Nyankopɔn anim.

22 Mahu sɛ adepa biara nni hɔ sene sɛ onipa bɛnya anigyeɛ afiri n’adwuma mu,+ ɛfiri sɛ ɛno ne n’akatua.* Na ne kɔ akyi no, hwan na ɔbɛtumi ama wahunu deɛ ɛbɛsi wɔ n’akyi?+

15 Enti mekaa sɛ anigyeɛ yɛ,+ ɛfiri sɛ adepa biara nni hɔ mma onipa wɔ wiase sene sɛ ɔbɛdidi na wanom na wagye n’ani. Berɛ a onipa yɛ adwumaden wɔ ne nkwa nna mu,+ nna a nokorɛ Nyankopɔn no de ama no wɔ wiase no, ɛsɛ sɛ ɔgye n’ani nso.

17 Nanso ɔkɔɔ so dii ne ho adanseɛ,*+ ɛfiri sɛ ɔyɛɛ nneɛma papa. Ɛne sɛ, ɔmaa nsuo tɔ firii soro maa mo, ɔmaa mo mmerɛ a aduane ba,+ ɔmaa mo aduane di meeɛ, na ɔde anigyeɛ hyɛɛ mo akoma ma.”+