20 Sɛ mede wɔn ba asaase a nufosuo ne ɛwoɔ abu so wɔ so+ sɛdeɛ mekaa ntam kyerɛɛ wɔn agyanom no,+ na wɔdidi mee na ɛsi wɔn yie* a,+ wɔbɛkɔ akɔdi anyame foforɔ akyi akɔsom wɔn, na wɔabu me animtia abu m’apam so.+

13 Yehowa nam n’adiyifoɔ ne adehunufoɔ no nyinaa so+ bɔɔ Israel ne Yuda kɔkɔ sɛ: “Montwe mo ho mfiri mo akwammɔne ho!+ Afei me mmara nsɛm, m’ahyɛdeɛ, ne mmara a mede maa mo agyanom na menam me nkoa a wɔyɛ adiyifoɔ no so de brɛɛ mo no nyinaa, monni so.” 14 Nanso wɔantie, na wɔyɛɛ asoɔden* te sɛ wɔn agyanom a wɔannye Yehowa wɔn Nyankopɔn anni no.+

26 “Nanso, wɔyɛɛ asoɔden na wɔtee wo so atua,+ na wo Mmara nso wɔpoeɛ.* W’adiyifoɔ a wɔkasa kyerɛɛ wɔn sɛ wɔnsan mmra wo nkyɛn no, wɔkunkum wɔn, na wɔbuu wo animtia kɛse.+