Yesaia

32 Hwɛ! Ɔhene+ bi bɛdi adeɛ tenenee mu,+

Na aberempɔn nso bɛdi tumi atɛntenenee mu.

 2 Wɔn mu biara bɛyɛ sɛ mframa ano hintabea,

Ne ahum ano dwankɔbea,

Asaase a ɛso awo so nsutene,+

Ne asaase wesee so botan kɛseɛ nwunu.

 3 Na wɔn a wɔhunu adeɛ no, wɔrenka wɔn ani mfemfam so bio,

Na wɔn a wɔte asɛm no bɛwɛn wɔn aso.

 4 Wɔn a wɔn ho pere wɔn no akoma bɛdwendwene nimdeɛ ho,

Na wɔn a wɔworo dodoɔ no kɛtrɛma bɛkasa yɔɔ ama emu ada hɔ.+

 5 Wɔremfrɛ ogyimifoɔ sɛ ɔyamyɛfoɔ bio,

Na deɛ ɔnka mmara no, wɔremfrɛ no otitire;

 6 Ɛfiri sɛ ogyimifoɔ bɛka agyimisɛm,

Na n’akoma bɛsusu bɔne,+

Sɛdeɛ ɛbɛyɛ a ɔbɛma nkurɔfoɔ atwe wɔn ho afiri Yehowa ho* na wɔaka Ne ho nsɛmmɔne,

Na wama deɛ ɛkɔm de no* yafunu ada mpan,

Na wama nsuo abɔ deɛ sukɔm de no.

 7 Na obi a ɔnka mmara deɛ, n’akwan* yɛ bɔne;+

Ɔma nkurɔfoɔ yɛ aniwudeɛ,

Na ɔde atosɛm sɛe mmɔborɔwafoɔ,+

Berɛ a ohiani ka nokorɛ mpo.

 8 Nanso ɔyamyɛfoɔ deɛ, ɔdwene ayamyɛ,

Na ayamyɛ* mu ara na ɔbɛgyina.

10 Akyɛ koraa afe ne nna kakra, mo a hwee mfa mo ho no, mo ho bɛpopo,

Ɛfiri sɛ berɛ a wɔde tete bobe bɛba awieeɛ no, na mommoaa hwee ano.+

Monyi mo ho nyinaa,

Na momfa awerɛhoɔ ntoma* nsi mo asene.+

12 Momfa mo nsa mmobɔ mo koko ntwa adwo,

Mo mfuo fɛfɛɛfɛ ne mo bobe a ɛso aba ho.

13 Ɛfiri sɛ nkasɛɛ ne nwura bɛgye me man asaase afa;

Ɛbɛgye anigyeɛ afie nyinaa

Ne ahurisie kuro no afa.+

14 Ɛfiri sɛ wɔagya abankɛseɛ no ato hɔ;

Wɔagya kuro a dede wom no ato hɔ.+

Ofel+ ne ɔwɛn aban* adane ɛserɛ daa,

Na serɛ so mfunumu bɛdi hɔ agorɔ,

Na nnwan adidi hɔ,+

15 Kɔsi sɛ wɔbɛhwie honhom afiri soro agu yɛn so,+

Na serɛ no adane turo,

Na wɔabu turo no sɛ kwaeɛ.+

16 Afei atɛntenenee bɛtena serɛ no so,

Na tenenee atena turo no mu.+

17 Nokorɛ tenenee de asomdwoeɛ bɛba,+

Na aba a nokorɛ tenenee bɛso bɛyɛ kommyɛ ne ahotɔ akɔsi daa.+

18 Me manfoɔ bɛtena asomdwoeɛ tenabea,

Ahotɔ fie, ne kommyɛ ahomegyebea.+

19 Nanso asukɔtweaa bɛsɛe kwaeɛ no,

Na wɔbɛbrɛ kuro no ase korakora.

20 Anigyeɛ ne mo a mogu aba wɔ nsuo nyinaa ho,

Na mogyaa nantwie ne afunumu ma wɔnantenante.”+