Dwom

68 Ma Onyankopɔn nsɔre, ma n’atamfo mmɔ nhwete,

Na ma wɔn a wɔkyiri no no nnwane mfiri n’anim.+

 2 Sɛdeɛ mframa bɔ wisie kɔ no, pamo wɔn saa ara;

Sɛdeɛ egya nane ɛwoɔkyɛm no,

Ma nnebɔneyɛfoɔ nyera mfiri Onyankopɔn anim saa ara.+

 3 Ateneneefoɔ deɛ, ma wɔnni ahurisie,+

Ma wɔn ho nsɛpɛ wɔn Onyankopɔn anim,

Na wɔmfa anigyeɛ mmɔ ose.

 5 Onyankopɔn a ɔte ne kronkronbea no,+

Ɔno ne nnyanka agya ne akunafoɔ kamafoɔ.*+

 6 Onyankopɔn ma deɛ ɔnni boafoɔ nya fie tena mu;+

Wɔn a wɔda afiase mpo, ɔma wɔnya wɔn ho tete, na ɛsi wɔn yie.+

 7 O Onyankopɔn, berɛ a wodii wo man anim no,+

Berɛ a wode wɔn faa serɛ so no, (Sela)

 8 Asaase wosoeɛ;+

Onyankopɔn nti, nsuo tɔ* firii soro;

Onyankopɔn, Israel Nyankopɔn nti, Sinai yi wosoeɛ.+

 9 O Onyankopɔn, wotɔɔ nsuo pii;

Berɛ a wo man* brɛeɛ no, womaa wɔn ahoɔden foforɔ.

10 Wɔtenatenaa ntomadan mu;+

O Onyankopɔn, wo papayɛ nti womaa ohiani nyaa deɛ ɔhia.

11 Yehowa na ɔde ahyɛdeɛ ma ne nkurɔfoɔ;

Mmaa a wɔka asɛmpa no yɛ dɔm kɛseɛ.+

13 Ɛwom sɛ na moda abɔnten reto gya* deɛ,

Nanso aburuburo a dwetɛ dura ne ntaban ho,

Na sika kɔkɔɔ amapa dura ne ntakra ho na mode bɛba.

14 Berɛ a adeɛ nyinaa so Tumfoɔ no bɔɔ asaase no so ahemfo hweteeɛ no,+

Sukyerɛmma tɔɔ wɔ Salmon.*

15 Basan+ bepɔ yɛ Onyankopɔn bepɔ;*

Basan bepɔ yɛ bepɔ a nkokoɔ dɔɔso wɔ so.

16 O mmepɔ atenten, adɛn nti na mo ani bere

Bepɔ a Onyankopɔn ayi de ayɛ* ne tenabea+ no?

18 Woforo kɔɔ soro;+

Wode nkoa kɔeɛ;

Wode nnipa kɔyɛɛ akyɛdeɛ;+

O Yah Nyankopɔn, asoɔdenfoɔ+ mpo ka ho, sɛdeɛ ɛbɛyɛ a wobɛtena wɔn mu.

19 Yehowa a ɔsoa yɛn adesoa ma yɛn da biara+ no, ɔno na ayeyie nka no.

Ɔno ne yɛn nkwagyeɛ Nyankopɔn ankasa. (Sela)

20 Nokorɛ Nyankopɔn no ne yɛn nkwagyeɛ Nyankopɔn;+

Awurade Tumfoɔ Yehowa na ɔgye onipa firi owuo mu.+

21 Ampa ara, Onyankopɔn bɛyam n’atamfo ti pasaa;

Obiara a ɔbɛtena ne bɔne* mu no, ɔbɛbɔ ne tikwankoraa.+

22 Yehowa aka sɛ: “Basan na mede wɔn bɛfiri aba;+

Mede wɔn bɛfiri ɛpo bunu mu aba,

23 Na ama mogya afɔ wo nan ho,+

Na wo nkraman kɛtrɛma nso atafere atamfo mogya.”

24 O Onyankopɔn, wɔhu santen a wo nkurɔfoɔ ato;

Me Nyankopɔn, me Hene, ɛyɛ santen a ɛkɔ kronkronbea hɔ.+

25 Nnwontofoɔ no na wɔdi kan, na asankubɔfoɔ di akyire;+

Wɔn ntam na mmaayewa a wɔbɔ mpintin+ no di.

26 Monyi Onyankopɔn ayɛ wɔ asafo* kɛseɛ mu,

O mo a moyɛ Israel asefoɔ, monyi Yehowa ayɛ.+

27 Benyamin+ a ɔsua koraa no di nkurɔfoɔ so;

Yuda adehyeɛ ne wɔn dɔm a wɔteam nso saa ara;

Sebulon adehyeɛ ne Naftali adehyeɛ nso ka ho.

29 W’asɔrefie a ɛwɔ Yerusalem no nti,+

Ahemfo de akyɛdeɛ bɛbrɛ wo.+

30 Mmoa a wɔnenam demmire* mu,

Anantwinini+ kuo ne anantwie mma no, ka wɔn anim,

Kɔsi sɛ nkurɔfoɔ de dwetɛ bɛba abɛbɔ wɔn mu ase.

31 Nneɛma a wɔde kɔbere ayɛ bɛfiri Egypt aba;*+

Kus bɛyɛ ntɛm de akyɛdeɛ abrɛ Onyankopɔn.

32 O asaase so ahennie, monto dwom mma Onyankopɔn,+

Monto ayeyi nnwom* mma Yehowa; (Sela)

Ɔdi tumi kɛseɛ wɔ Israel so,

Na n’ahoɔden wɔ wiem.*

Ɔno ne Israel Nyankopɔn,

Na ɔno na ɔma ɔman no ahoɔden ne tumi.+