2 Beresosɛm
12 Bere a Rehoboam ahenni timii+ na ɔyɛɛ den no, ogyaw Yehowa mmara,+ na Israel nyinaa+ nso kaa ne ho. 2 Na Ɔhene Rehoboam+ ahenni afe a ɛto so anum mu no, Egypt hene Sisak+ baa Yerusalem so (efisɛ wɔanni Yehowa nokware),+ 3 na ɔde nteaseɛnam+ apem ahanu ne apɔnkɔsotefo mpem aduosia na ɛbae; nnipa a wɔne no fi Egypt bae no de, wɔn dodow nti, wɔantumi ankan wɔn+—Libiafo+ ne Sukiyimfo ne Etiopiafo.+ 4 Na ɔfaa Yuda nkurow a ɛyɛ den+ no, na ɔbae ara beduu Yerusalem.+
5 Ɛnna odiyifo Semaia+ baa Rehoboam ne Yuda mpanyimfo a Sisak nti wɔaboaboa wɔn ano wɔ Yerusalem no nkyɛn, na ɔbɛka kyerɛɛ wɔn sɛ: “Nea Yehowa aka ni, ‘Mo de, moagyaw me,+ na me nso, magyaw mo+ ahyɛ Sisak nsa.’” 6 Ɛnna Israel mpanyimfo ne ɔhene no brɛɛ wɔn ho ase,+ na wɔkae sɛ: “Yehowa teɛ.”+ 7 Na Yehowa hui+ sɛ wɔabrɛ wɔn ho ase no, Yehowa asɛm baa Semaia+ nkyɛn sɛ: “Wɔabrɛ wɔn ho ase,+ enti merensɛe wɔn, na ɛyɛ kakra a mɛma wɔafi mu afi, na m’abufuw remfa Sisak nsa so nhwie ngu Yerusalem so.+ 8 Nanso wɔbɛyɛ ne nkoa+ na wɔahu nsonsonoe a ɛwɔ me som+ ne nsase no so ahenni som mu.”+
9 Enti Egypt hene Sisak+ baa Yerusalem so, na ɔfaa Yehowa fie akorade+ ne ahemfie hɔ akorade+ no. Ɔfaa biribiara; ɔfaa sika akyɛm a Solomon yɛe no+ nso. 10 Ɛno nti Ɔhene Rehoboam yɛɛ kɔbere akyɛm de sii ananmu, na ɔde hyɛɛ ammirikatufo+ a wɔwɛn+ ahemfie pon ano+ no mpanyimfo nsa. 11 Na bere biara a ɔhene bɛba Yehowa fie hɔ no, ammirikatufo no ba bɛsesaw, na wɔsan de kɔ awɛmfo dan no mu.+ 12 Esiane sɛ ɔhene brɛɛ ne ho ase nti, Yehowa abufuw fii no so,+ na wampɛ sɛ ɔsɛe wɔn pasaa.+ Afei nso, ohuu adepa wɔ Yuda.+
13 Na Ɔhene Rehoboam maa ne tumi yɛɛ den Yerusalem, na ɔtoaa so dii ade. Rehoboam+ bedii ade no, na wadi mfe aduanan biako, na odii ade mfe dunson wɔ Yerusalem, Israel mmusuakuw no nyinaa kurow+ a Yehowa paw sɛ ne din ntena hɔ+ no. Ne maame din de Naama+ a ɔyɛ Ammonni.+ 14 Nanso ɔhene no yɛɛ bɔne,+ efisɛ wanyɛ n’adwene sɛ ɔde ne koma nyinaa bɛhwehwɛ Yehowa.+
15 Rehoboam ho nsɛm nyinaa, ne mfiase kosi n’awiei,+ wɔakyerɛw ne nyinaa wɔ odiyifo Semaia+ ne ɔdehufo Ido+ nsɛm a wɔahyehyɛ no mu. Na akodi bɛdaa Rehoboam+ ne Yeroboam+ ntam wɔn nna nyinaa. 16 Na Rehoboam ne n’agyanom kɔdae,+ na wosiee no wɔ Dawid Kurow+ mu, na ne ba Abia+ bedii n’ade.