Nea Yɛbɛka Afa Yɛn Nsɛmma Nhoma Ho

Ɔwɛn-Aban Mar. 1

“Yɛte amanehunu, yare, ne owu ho asɛm da biara da. Wususuw sɛ bere bi bɛba a wobegye yɛn afi eyinom nyinaa mu? [Twɛn ma ommua.] Bible mu asɛm yi ama nnipa ɔpepem pii anya anidaso. [Kenkan Yohane 3:16.] Nsɛmma nhoma yi ka ‘Sɛnea Yesu Wu Betumi Agye Wo’ ho asɛm.”

Awake! Mar.

“Wususuw sɛ gyidihunu betumi apira yɛn anaasɛ asɛm biara nni ho? [Twɛn ma ommua.] Hyɛ asɛm a Bible ka yi nsow. [Kenkan Yesaia 65:11.] Nsɛmma nhoma yi ma yehu sɛ ebia gyidihunu gyina Bible nkyerɛkyerɛ so anaa.” Fa asɛm a ɛwɔ kratafa 10 no kyerɛ no.

Ɔwɛn-Aban Apr. 1

“Sɛ nkɔmhyɛ yi bam a, w’ani rennye? [Kenkan Yesaia 2:4. Afei twɛn ma ommua.] Hyɛ no nsow sɛ Onyankopɔn de ne ho begye nnipa nsɛm mu na ‘ɔbɛka aman bebree anim.’ Bible kyerɛ sɛ Onyankopɔn bɛko ɔko a etwa akodi nyinaa so a wɔfrɛ no Harmagedon. Nsɛmma nhoma yi kyerɛkyerɛ nea Harmagedon kyerɛ ne nea enti a ɛsɛ sɛ yɛhwɛ kwan mu.”

Awake! Apr.

“Wususuw sɛ yɛte bere a wɔka ho asɛm wɔ ha yi mu? [Kenkan 2 Timoteo 3:1-4. Afei twɛn ma ommua.] Ɛfata sɛ yɛma nna a edi akyiri no ho hia yɛn paa efisɛ nea ɛresisi no kyerɛ sɛ tebea pa bi bɛba asase so daakye. Nsɛmma nhoma yi kyerɛkyerɛ mu.”