Nsɛm a Yebetumi Aka

De afi Bible adesua ase wɔ Memeneda a edi kan wɔ March mu

“Nnipa pii di Yesu awoda, nanso wususuw sɛ ɛho hia sɛ yɛkae ne wu?” Twɛn ma ommua. Afei fa March 1 Ɔwɛn-Aban no ma ofiewura no na munsusuw asɛm a ɛwɔ asɛmti ketewa a edi kan wɔ kratafa 16 ase, ne anyɛ yiye koraa no kyerɛw nsɛm a ɛwom no mu biako ho. Yɛ nhyehyɛe san kɔsra no na munsusuw asɛmmisa a edi hɔ no ho.

The Watchtower March 1

“Asɔre ahorow pii na ɛwɔ hɔ. Ɛsono emu biara gyidi ne akwan a wɔfa so som. Wususuw sɛ obiara a ɔka sɛ ɔyɛ Kristoni no yɛ Kristoni ampa? [Twɛn ma ommua.] Yesu kaa ade biako a ɛma yehu nokware Kristofo ho asɛm wɔ ha. [Kenkan Yohane 13:34, 35.] Nsɛmma nhoma yi ka nsɛm anum a Yesu kae a ɛboa ma yehu ne nokware akyidifo ho asɛm.”

Awake! March

“Yɛne yɛn afipamfo resusuw su bi a ɛhaw adwene ho. Ɛte sɛ nea nkurɔfo pii bo taa fuw ntɛmntɛm nnɛ. Wususuw sɛ dɛn na ɛma ɛba saa? [Twɛn ma ommua.] Hwɛ biribi a Bible ka fa abufuw ho. [Kenkan Dwom 37:8.] Nsɛmma nhoma yi ma yehu nea ɛma seesei nkurɔfo pii bo fuw ntɛmntɛm saa no bi ne sɛnea yebetumi ahyɛ yɛn abufuw so.”