AIDS, Mogya A Wɔde Ma Ne Yehowa Adansefo

“Wɔ afe a etwaam no mu no, asiane a ɛne wɔ a AIDS wɔ mogya ne nneɛma a wɔde mogya yɛ mu no ama ehu a aka ‘mogyakorabea so ahwɛfo’ no ayɛ kɛse. Mogya mu nhwehwɛmu foforo (ne ɔyare no bi a wɔanhu wom a ɛnyɛ nokware) a ama wɔatumi ahu wɔn a wɔyare AIDS no ntumi mma wonhu sɛ ɛnyɛ nea aboawa a ɔma nkurɔfo nya ɔyare no ntumi nkɔ ɔman no mogya a wɔde asie no mu. Nea ɛne eyi bɔ abira no, esiane ɔyare no a wɔkyerɛ sɛ wɔahu wɔ nnipa bi ho a ɛnyɛ nokware a ɛka ho nti, nhwehwɛmu ahorow yi de wɔn a wɔde wɔn mogya ma afoforo no to asiane a ɛne ka a wɔde wɔn bɛka wɔn a wɔyare AIDS no ho. Ebia eyi de ɔhaw a emu yɛ den bɛba obi a ɔde ne mogya ma afoforo no so wɔ asetra, adwuma ne nhomasua mu. Wɔ computer bere yi mu no, mmɔden ahorow a wɔbɔ sɛ wɔbɛkora kokoam nsɛm so no ntumi nyɛ yiye . . . Wonim [nnuruyɛfo a wɔyɛ AIDS ho adwuma no] biribi fa mogya a ɔmanfo de ma ne AIDS ho . . . So wɔmpɛ sɛ wobegye atom sɛ afei de nyansahu mu adanse gyina sɔre a Yehowa Adansefo (nnipa a nnɛyi nnuruyɛfo anya wɔn ho tan kɛse) sɔre tia mogya a ‘wɔde ma esiane wɔn nyamesom nti no akyi?”​—The Peoples Doctor, Aduruyɛ ho atesɛm krataa ma adutɔfo, po 9, No. 5, a Oduruyɛfo Robert S. Mendelsan kyerɛwee.