Nea Yɛbɛka Afa Yɛn Nsɛmma Nhoma Ho

Ɔwɛn-Aban Oct. 1

“Animdefo kyerɛ sɛ dwuma a agyanom di wɔ abusua mu no ho hia paa. Wususuw sɛ dɛn na ɛma obi yɛ agya pa? [Twɛn ma ommua.] Yesu kaa sɛnea n’Agya nhwɛso boaa no no ho asɛm. [Kenkan Yohane 5:19.] Ɔwɛn-Aban yi ka nneɛma asia a ehia sɛ agyanom di ho dwuma ho asɛm.” Fa asɛm a ɛwɔ kratafa 18 no kyerɛ no.

Awake! Oct.

“Nnipa a wɔwɔ ɔsom ahorow mu no adwene nhyia wɔ sɛnea Onyankopɔn te ankasa no ho. Nanso, dɛn na Yesu ka faa Onyankopɔn ho? Tie nea ɔkae wɔ Yohane 4:24. [Kenkan.] Wɔakyerɛkyerɛ nea Bible ka wɔ asɛmmisa, ‘Onyankopɔn Te Dɛn?’ no mu wɔ nkratafa abien pɛ mu.” Fa asɛm a ɛwɔ kratafa 24 ne 25 no kyerɛ no.

Ɔwɛn-Aban Nov. 1

“Sɛ nnipa pii susuw ɔdɔ a Onyankopɔn wɔ ne ayayade a wɔkyerɛ sɛ ɔbɛyɛ nkurɔfo daa no ho a, wɔnte ase. Wudwen ho dɛn? [Twɛn ma ommua.] Bible ka ma emu da hɔ pefee sɛ Onyankopɔn nyɛ otirimɔdenfo a ɔmmfa bɔne mmfiri. [Kenkan Hesekiel 18:23.] W’ani begye Kyerɛwnsɛm a wɔakyerɛkyerɛ mu wɔ nsɛmma nhoma yi mu no ho.”

Awake! Nov.

“Nkurɔfo taa susuw sɛ sɛ obi gye din, onya sika pii, anaa onya tumi a, ɛnna ɛkyerɛ sɛ wayɛ yiye. Wususuw sɛ dɛn na ɛkyerɛ sɛ obi ayɛ yiye? [Twɛn ma ommua.] Tie nea Bible ka sɛ ɛma obi di yiye. [Kenkan Dwom 1:1-3.] Nsɛmma nhoma yi ka nneɛma asia a sɛ obi yɛ a ɛbɛma wadi yiye no ho asɛm.” Twe adwene si asɛm a ɛwɔ kratafa 6 no so.