Nea Yɛbɛka Afa Nsɛmma Nhoma Ho

Ɔwɛn-Aban Oct. 15

“Dɛn na ebehia na ama yɛanya wiase a anigye kɛse wom? [Twɛn ma ommua.] Onipa asɔ nniso pii ahwɛ sɛnea ɛbɛyɛ na nneɛma ayɛ yiye. Nanso hwɛ Onyankopɔn adwene wɔ eyi ho. [Kenkan Yeremia 10:23.] Asɛm yi kyerɛ ‘Nea Ɛbɛma Yɛanya Wiase a Anigye Wom’ ne sɛnea eyi bɛba nnansa yi ara.”

Nyan! Nov. 8

“So wubegye atom sɛ nnipa a wɔwɔ hɔ nnɛ no hyia ahokyere sen bere biara a atwam? [Twɛn ma ommua.] Bible no kaa eyi ho asɛm siei. [Kenkan 2 Timoteo 3:1.] Asetra mu yɛ den paa ma nnipa pii na ɛma wɔpa abaw. Nsɛmma nhoma yi de nkuranhyɛ ankasa ma. Ɛkyerɛ sɛnea yɛbɛko atia abasamtu na ama asetra ayɛ nea ɛfata.”

Ɔwɛn-Aban Nov. 1

Sɛ woka asɛm bi a asi a ɛhaw adwene wie a, bisa sɛ: “Dɛn nti na nkurɔfo yɛ nneɛma bɔne a ɛte saa? Ɛsɛ sɛ yɛn nyinaa hu papa ne bɔne, nanso nkurɔfo da so ara yɛ nneɛma bɔne. Dɛn ntia? [Sɛ obua wie a, kenkan Adiyisɛm 12:9.] Nsɛmma nhoma yi kyerɛkyerɛ sɛnea yɛbɛbɔ yɛn ahonim ho ban na ama yɛanya ahobammɔ mu.”

Nyan! Nov. 8

“Ɛda adi sɛ wugye tom sɛ yɛte basabasayɛ bere mu. [Sɛ obua wie a, kenkan 2 Timoteo 3:3.] Wɔtaa yɛ ‘keka’ wɔ abusua no mu mpo. Asɛm a ɛne ‘Mmoa a Ɛwɔ Hɔ Ma Mmea a Wɔhwe Wɔn’ yi ka asɛm bi a ɛma yenya anidaso. Ebia wunim obi a wubetumi ne no akenkan.”