“Sɛ Wugye Me Nhoma a, Me Nso Megye Wo De”

Eyi ne asɛm a afiewuranom binom ka. Yɛmfa yɛn nhoma ahorow a yɛde sua Bible no nsesa nyamesom nhoma biara a ɛtrɛw atoro nkyerɛkyerɛ mu. Enti, yɛbɛyɛ dɛn de anifere ayi saa asɛm no ano? (Rom. 1:25) Yebetumi aka sɛ: “Meda wo ase wɔ nea woaka no ho. Dɛn na nhoma yi ka fa sɛnea adesamma betumi anya wɔn haw ano aduru no ho? [Twɛn ma ommua. Sɛ ɔka sɛ kenkan ne nhoma no na woanya mmuae no a, wubetumi akae no sɛ bere a womaa no nhoma no, wudii kan kaa nea ɛwom kyerɛɛ no. Afei kenkan Mateo 6:9, 10 anaa ka mu nsɛm kyerɛ no.] Yesu kyerɛe sɛ Onyankopɔn Ahenni bɛma Onyankopɔn apɛde ayɛ hɔ wɔ asase so. Enti nyamesom nhoma a ɛtwe adwene si Onyankopɔn Ahenni so nkutoo na mekenkan. Sɛ ɛrenhaw wo a, metumi de Bible no akyerɛ wo nneɛma pɔtee bi a Onyankopɔn Ahenni bɛyɛ no bi.”