Wubetumi Ato Nsa Afrɛ Wɔn?

Asafo pii wɔ adawurubɔfo a ɔyare anaa onyin nti wontumi nyɛ pii wɔ asɛnka adwuma no mu. (2 Kor. 4:16) So wubetumi ato nsa afrɛ wɔn mu biako ma ɔne wo akɔyɛ Bible adesua? Sɛ ɔdawurubɔfo no ntumi nkɔ baabiara a, ebia wubetumi akɔyɛ adesua no wɔ ne fie. Ɛwom a, so wubetumi ayɛ nhyehyɛe akɔfa ɔdawurubɔfo bi a onni ahoɔden ne no akɔyɛ afie afie asɛnka kakra anaa sankɔhwɛ biako anaa abien bi? Adawurubɔfo a wɔn mfe akɔ anim no mu pii wɔ osuahu pii wɔ asɛnka mu. Enti ɛnyɛ wɔn nkutoo na mmɔden a wobɛbɔ ne wɔn akɔ asɛnka no bɛhyɛ wɔn nkuran, wo nso wubenya so mfaso. (Rom. 1:12) Bio nso, Yehowa betua mmɔden a wobɛbɔ sɛ wobɛda ɔdɔ a ɛte saa adi akyerɛ wɔn no so ka.—Mmeb. 19:17; 1 Yoh. 3:17, 18.