Yɛ Akwampae Adwuma No Bi Fa Yi Yehowa Ayɛ

Yehowa yɛɛ nneɛma pa pii maa Israelfo no, enti na wobetumi ahwɛ nea wayɛ ama wɔn no so ayi no ayɛ. Oyii wɔn fii Egypt, na ogyee wɔn fii Farao ne n’asraafo nsam! (Ex 15:1, 2) Ɛnnɛ nso, Yehowa yɛ nneɛma pa pii ma n’asomfo. Yɛbɛyɛ dɛn akyerɛ sɛ yɛn ani sɔ nea Yehowa ayɛ ama yɛn no?—Dw 116:12.

Ɔkwan baako ne sɛ, yɛbɛyɛ akwampae boafo anaa daa kwampaefo. Wubetumi abɔ Yehowa mpae sɛ ɔmma wunnya akwampae adwuma no ho akɔnnɔ ne ahoɔden a wode bɛyɛ. (Flp 2:13) Nea ebinom yɛ ne sɛ, wodi kan yɛ akwampae boafo de sɔ wɔn ho hwɛ. Sɛ edu March ne April anaa ɔmansin sohwɛfo bɛsra mo a, wubetumi de nnɔnhwerew 30 anaa 50 ayɛ akwampae boafo. Sɛ woyɛ akwampae boafo adwuma no bi na wubehu anigye a ɛwɔ mu a, ebetumi aka wo ama woabɛyɛ daa kwampaefo. Anuanom a wɔde nnɔnhwerew pii yɛ adwuma anaa wɔn a wonni ahoɔden papa mpo atumi abɛyɛ akwampaefo. (mwb16.07 8) Yehowa fata sɛ yeyi n’ayɛ! Enti momma yɛmfa yɛn ahoɔden nyinaa nyi no ayɛ.—1Be 16:25.

HWƐ VIDEO A YƐATO DIN ANUANOM MMIƐNSA BI A WƆWƆ MONGOLIA NO. WUWIE A, BUA NSƐMMISA A EDIDI SO YI:

• 

  Nsɛnnennen bɛn na yɛn nuanom mmea mmiɛnsa bi hyiae ansa na wɔretumi abɛyɛ akwampaefo?

• 

  Nhyira bɛn na Yehowa de ama wɔn?

• 

  Wogu so reyɛ akwampae adwuma no, hokwan bɛn na wonyae?

• 

  Nea wɔyɛe no, ɛkaa afoforo sɛn?