¿Mi xuʼ xavalbe ti xbat xchiʼinote?

Oy ermanoetik ta epal tsobobbaile mu masuk stakʼ xcholik mantal ta skoj ti oy xchamelik ti xlik-xkaj noʼoxe o ta skoj ti molmeʼelik xae (2 Cor. 4:16). ¿Mi xuʼ xavalbe ti xbat xchiʼinot ta yakʼel chanubtasel ta Vivlia li buchʼu jech svokole? Mi mu stakʼ xlokʼ ta sna li jcholmantale, xuʼ van te xbat avakʼ chanubtasel ta sna. Xuʼ van xachapanbe yorail sventa xacholik mantal jayibuk noʼox ora o xbat achaʼvulaʼanik jun o chaʼvoʼuk krixchano o ti xapasik xchaʼtosale. Ep jcholmantaletik ti molmeʼelik xae xtojobik lek ta cholmantal. Ti jech chavakʼ persa spasele maʼuk noʼox tstabeik sbalil li molmeʼeletike, xuʼ xatabe sbalil ek (Rom. 1:12). Jech chavakʼ ta ilel ti kʼanvanemote, vaʼun te chakʼbot sutel xkʼexol Jeova ti jech chavakʼ persa spasele (Prov. 19:17; 1 Juan 3:17, 18).