Akʼo ta ilel ti cha kʼan ti Diose

Sventa mu xa chʼay jun avamikoe, skʼan cha loʼilaj xchiʼuk. Cha vaʼibe, xchiʼuk cha yaʼibot. Jech xtok lek cha kʼopoj ta stojolal ta yantik krixchanoetik. Jaʼ jech xkoʼolaj ta amikoinel ti Diose. Kʼelavil kʼusi chal li Biblia ta sventa liʼe.

Skotol kʼakʼal kʼopono ti Jeovae. “Kʼopanik Dios skotol ora.” (Romanos 12:12.)

Kʼelo li sKʼop Dios, li Bibliae. “Yuʼun skotol ti chʼul kʼop tsʼibabile, jaʼ yakʼoj ta naʼel stuk ti Diose. Jaʼ ta xtun kuʼuntik, yuʼun ta xi schanubtasotik, ta xakʼ jnaʼtik mi oy jmultik, ta xi stukʼibtasotik, ta xi stojobtasotik ta spasel ti kʼusi leke.” (2 Timoteo 3:16, Ch.)

Chanubtaso yantik ta sventa Diose. “Jaʼ yuʼun batanik ta spʼejel balumil, ba albeik jkʼop skotol li krixchanoetike, [...] chanubtasik jech cha kʼuchaʼal la jchanubtasoxuke yoʼ jech ta schʼunik eʼuk skotol li kʼustik laj kalboxuke.” (Mateo 28:19, 20, LS [SA].)

Nopajan ta yamikotak ti Diose. “Li bochʼo jaʼ chchiʼin li bochʼotik oy sbijilike ta xbijub batel ek.” (Proverbios 13:20.)

Batan ta tsobajeletik ta sNail Reino. “Akʼo jnoptik kʼux-elan tskʼan chkalbe jbatik, yuʼun jech koʼol akʼo kʼuxubinvankutik xchiʼuk koʼol akʼo jpastik kʼusitik lek, [...] jtsatsubtasbe jba koʼntontik.” (Hebreos 10:24, 25.)

Koltael sventa mu xpaj li abtelal yuʼun Reino. “Jech jujunoxuk akʼik ti kʼu yepal chlokʼ ta avoʼntonike. Mu me ta chibeteluk; mu me ta sujeluk xa vakʼik. Yuʼun jaʼ chkʼanat yuʼun Dios li bochʼo xkuxet noʼox yoʼnton chakʼe.” (2 Corintios 9:7.)