¡Chichʼ pukel ta noviembre li tratado Aʼyejetik sventa Ajvalilal yuʼun Dios num. 38!

1. ¿Kʼusitik tsjakʼbe sbaik ta sventa animaetik li krixchanoetike xchiʼuk kʼuxi tstabeik stakʼobil ta noviembre?

¹ Li lajele jaʼ yajkontra skotol krixchanoetik, mu ventauk li kʼusi xchʼunojike (1 Cor. 15:26). Ep buchʼutik tsjakʼbe sbaik bu oy li yutsʼ yalalik ti chamemike xchiʼuk mi ta to xchaʼkʼelik yan velta. Jaʼ yuʼun li tsobobbailetik ta spʼejel Balumile jun u tspukik li tratado Aʼyejetik sventa Ajvalilal yuʼun Dios num. 38 ti jaʼ sbi ¿Mi xuʼ to van xkuxiik yan velta li buchʼutik chamemike? Li kampanya taje chlik ta 1 yuʼun noviembre. Mi laj li kampanya ta sventa li tratadoe, ta tsʼakale chichʼ tunesel ta cholmantal.

2. ¿Kʼu yelan pasbil li tratado Aʼyejetik sventa Ajvalilal yuʼun Dios num. 38?

² Kʼuyelan pasbil. Li tratadoe xuʼ xichʼ puxel sventa ta yeloval xkom li sbie xchiʼuk li sjakʼobil liʼe: «¿Mi ta van xaval tana, moʼoj o yikʼaluk van?». Kʼalal tsjam tratado li yajval nae te chakʼ venta ti tstakʼ Vivlia li sjakʼobil te chvinaj li ta sbi tratadoe xchiʼuk ti kʼuxi tstabe sbalil li kʼusi chal Vivliae. Te chakʼ venta xtok ti kʼu yuʼun xuʼ xchʼun li kʼusi chal Vivliae. Ta spat li tratadoe te oy jun sjakʼobil ti chakʼbe snop li yajval nae xchiʼuk ti oyuk ta yoʼonton xchanel mase.

3. ¿Kʼuxi chichʼ pukel li tratado Aʼyejetik sventa Ajvalilal yuʼun Dios num. 38?

³ Kʼuyelan chichʼ pukel. Li kampanya taje xkoʼolaj jech kʼuchaʼal chichʼ pukel li uni vunetik sventa Snaʼobil slajel Cristoe xchiʼuk li vunetik sventa Mukʼta Tsobajel ta oxib kʼakʼale. Li moletik ta tsobobbaile jaʼ chalik kʼuxi chichʼ abtelanel yosilal cholmantal jech kʼuchaʼal laj yichʼ alel li ta karta ta 1 yuʼun avril ta 2013. Li tsobobbailetik ti jutuk yosilal cholmantal yuʼunike xuʼ skoltaik yan tsobobbail ti nopol noʼoxe xchiʼuk ti ep yosilal bu chcholik mantale. Skʼan me svules ta sjolik ti jaʼ noʼox xuʼ stsakik ti kʼu yepal chtun yuʼunik ta jujun xemana li tratadoe. Kʼalal mi laj xaʼox kabtelantik skotol yosilal cholmantal ta naetik li ta yorail kampanyae xuʼ jtunestik kʼalal ta jcholtik mantal ta buyuk noʼox xchiʼuk ta grupo li tratadoe. Mi laj xaʼox yichʼ pukel skotol tratado kʼalal skʼan toʼox xlaj li ue jaʼ chichʼ akʼel li vunetik sventa noviembree. Li ta baʼyel sabadoe jaʼ noʼox ta xichʼ akʼel li tratadoe, maʼuk ti ta xichʼ likesel chanubtasel ta Vivliae. Mi sta-o chkiltike xuʼ xichʼ akʼel revistaetik xtok li ta sabado xchiʼuk domingoe. ¿Mi yakal chachapan aba sventa xa-abtej lek li ta kampanyae?