Kʼuxi xuʼ jcholtik mantal ta mexa o ta yavil vun ti stakʼ jochele

Li cholmantal ta mexaetik o ta yavil vunetik ti stakʼ jochele toj jtunel sventa xojtikinik-o mantal li krixchanoetike (Juan 6:​44). Jaʼ yuʼun laj yichʼik albel li moletik ta tsobobbail ti akʼo xchapanik cholmantal ti bu ch-echʼ epal krixchanoetik ti jaʼ onoʼox te chcholik mantal li tsobobbaile. Ta skoj ti stakʼ noʼox tukiel ta anil li mexaetik o li yavil vunetik ti stakʼ jochele, mu skotoluk velta skʼan kʼanel permiso ta stojolal li j-abteletike. ¿Buchʼutik xuʼ xcholik mantal te? Jaʼik li buchʼutik oy spʼijilike, ti lekikuk ta kʼelel li spat xokonik xchiʼuk ti lekuk snaʼ xkʼopojike. Li avi une, ta xkalbetik batel skʼoplal li kʼusitik xuʼ jpastik xchiʼuk li kʼusitik mu xuʼ jpastike. Mi la jpastik li tojobtaseletik taje, jaʼ me tskoltautik sventa lekuk xijtojob li ta cholmantal ta mexa o ta yavil vunetik ti stakʼ jochele.