K’usi xuʼ jchanbetik skʼoplal

Li kʼusitik xuʼ xichʼ pasel xchiʼuk li alab nichʼnabiletike

Li totil meʼiletike jaʼ sbainojik xchanubtasel ta sventa Jeova li yalab xnichʼnabike (Efes. 6:4). Sventa spas yuʼunike, li s-organisasion Jeovae ep mantaletik slokʼesoj tal. ¿Kʼusi xuʼ spasik sventa lekuk stunesike?

• Kʼelo kʼusi xuʼ xa xchanbe skʼoplal. Li ta jw.org yichʼoj tal videoetik xchiʼuk kʼusitik xuʼ xchanik li ololetik xchiʼuk li kerem tsebetike.a Sventa xatae, batan ti bu chal «Chanubtaseletik ta Vivlia», mi laje «Kʼoxetik» o «Kerem tsebetik».

• Tʼujo li bu sta-o chavile. Li ta jvokʼ ti bu chal «Kʼoxetik» xie xuʼ te xatʼuj li kʼusitik mas chtun yuʼun chavil li akerem o atsebe.

• Loʼiltaik xchiʼuk li avalab anichʼnabe. Mu jaʼuk no’ox xatunes li videoetik o li yan kʼusitik te talem sventa xachʼaybe noʼox yoʼonton li akerem o atsebe. Jaʼ lek jmoj xachanbeik batel skʼoplal xchiʼuk koltao sventa xkʼot ta yamigo li Jeovae.