Чирайлиқ бағ

ПАҺ, бу рәсимдики мәнзиригә қараңа! Немә дегән чирайлиқ, һә! От-чөп, дәл-дәрәқ, гүл-гия вә барчә җан-җаниварларға қарап беқиң. Бу рәсимдин пил билән ширни тапаламсиз?

Мошу чирайлиқ бағ қандақ пәйда болғанду? Худа йәр шарини биз үчүн қандақ тәйяр қилған? Биз бирликтә көрүп бақайли.

Авал, Худа йәр йүзини қаплайдиған от-чөпләрни яратти. Андин кейин, һәр түрлүк чоң-кичик өсүмлүк, чатқаллар вә дәл-дәрәқләрни яратти. Шулар йәр йүзини чирайлиқ көркәм қияпәткә кәлтүргән еди. Һәтта шуларниң башқа пайдилиқ тәрипи бар. Уларниң арисидики нурғунлири шерин тәмлик йемәкликләрни бериду.

Кейинчә, Худа суда үзидиған белиқлар вә асманда учидиған қушларни яратти. Чоң-кичик җан-җаниварларни, иштлар, мөшүкләр вә атларни яратти. Өйиңизниң әтрапида қандақ җаниварлар яшайду? Шу барлиқ нәрсиләрни, Пәрвәрдигар биз үчүн яратқан, буниң үчүн хошал болушимиз керәк, шундақму?

Ахирида, Худа йәр йүзидики бир бөләк җайни алаһидә қилип яратти. У шу җайни Ерәм бағ, дәп атиди. Шу җай мукәммәл яритилған, шуңа, у йәрдики һәммә нәрсә бәк чирайлиқ еди. У җай дәл җәннәт. Муқәддәс Китап җәннәтни Фират дәриясиға йеқин йәрдә дәп тилға алған. Биләмсиз, шу дәрия қәйәрдә? Хәритигә қарисиңиз, бүгүнки күндә у дәрия еқининиң оттура шәриқ районида ақидиғанлиғини көрәләйсиз. Җәннәт йәр йүзидә болған! Алла пүткүл йәр шариниң дәл өзи яратқан шу гөзәл бағ җәннәттәк болушини арзу қилған еди.

Бирақ, бу рәсимдики баққа йәнә бир қетим қарап беқиң. Пәрвәрдигар неминиң кам екәнлигини көрди, сиз биләмсиз? Биз бирликтә көрүп бақайли.