«Һаятимиз вә хизмитимиз. Иш дәптири» үчүн мәлумат мәнбәлири
© 2024 Watch Tower Bible and Tract Society of Pennsylvania
1—7 ИЮЛЬ
ХУДА СӨЗИДИКИ ҒӘЗНӘ | ЗӘБУР 57—59
Йәһва Худаниң хәлқигә қарши турғанлар Уни рәнҗитиду
bt 220, 221-б., 14, 15-абз.
14 Истипан өлүштин авал, җасурлуқ билән гувалиқ бәрди (Әлч 6:5; 7:54—60). Шуниңдин кейин, җамаәттикиләр қаттиқ тәқипкә учриди, шуңа улар Йәһудийә вә Самарийәгә қечип кәтти. Лекин бу вәз хизмитини тохтитип қалалмиди. Филип Самарийәгә көчүп берип Мәсиһ тоғрилиқ вәз қилинғанлиғи яхши нәтиҗигә елип кәлди (Әлч 8:1—8, 14, 15, 25). Башқа мәсиһийләр тоғрилиқ мундақ йезилған: «Кипр вә Антакяғичә берип, йәһудийлардин башқа һечкимгә бу сөзни ейтмиди. Амма уларниң арисидин Кипр һәм Киренадин болған бәзи адәмләр Антакияға келип, грекчә сөзләйдиғанларға Һакимдаримиз Әйса Мәсиһ һәққидики хуш хәвәрни җакалап, сөһбәтләшти» (Әлч 11:19, 20). Шу вақиттики зиянкәшлик Падишалиқ хәвирини ейтишқа мүмкинчилик яратти.
15 Совет Иттипақидиму шундақ болған. Һөкүмәтләр Йәһва гувачилирини Сибирьға сүргүнгә әвәткән. Болупму, бу 1950-жилларда кәң көләмдә йүз бәргән. Уларни һәрқандақ җайларға орунлаштурған, шуңа хуш хәвәр һәммә яққа тарқилип кәткән. 10000 миң километр жирақлиққа берип, вәз қилиш үчүн гувачилар йетәрлик ахча тапалматти! Лекин һөкүмәтләр өз пулини чиқирип, уларни пүтүн мәмликәтләрдә әвәтти. «Бир бурадәр ейтип бәргәндәк, Сибирьда яшаватқан миңлиған сәмимий адәмләр һәқиқәтни билишигә һөкүмәтләр өзлири буниңға төһпә қошқан».
Роһий гөһәрләрни издәйли
w23.07 18, 19-б., 16, 17-абз.
16 Көңлүңиз тәврәнмәс мәһкәм болсун. Давут падиша Йәһваға болған тәврәнмәс сөйгүсини ипадилигәндә, мундақ җакалиған: «Егәм мениң, жүригим чиңдалди» (Зәб. 57:7). Бизму Йәһваға ишәнч қилип, қәлбимизни тәврәнмәс мустәһкәм қилалаймиз. (Зәбур 112:7ни оқуң). Илгири тилға елинған Бобқа немә ярдәм бәргәнлигини көрүп бақайли. Дохтур униңға зөрүр тепилғанда қан қуюшқа тәйяр екәнлигини ейтқандин кейин, у дохтурға дәрһал җавап берип, әгәр һәрқандақ бир вәзийәттә қан қуюшқа һәрикәт қилмақчи болса, шу һаман өзиниң дохтурханидин чиқип кетидиғанлиғини ейтқан. Кейин Боб мундақ дегән: «Мән қилчиму иккиләнмидим вә әнсирмидим».
17 Боб тәврәнмәй мәһкәм турған, чүнки у дохтурханиға келиштин бурунла қәтъий қарар қилған еди. Биринчидин, у Йәһва Худани хурсән қилишқа арзу қилған. Иккинчидин, у һаят вә қанниң муқәддәслиги һәққидә Муқәддәс китап вә униңға асасланған нәшрий материалларни еһтиятчанлиқ билән тәтқиқ қилған. Үчинчидин, у Йәһваниң қанунлириға бойсунса, Йәһва уни мукапатлайдиғанлиғиға ишәнгән. Бизму қандақ синақларға дуч келишидин қәтъийнәзәр, көңлүмизни тәврәнмәс мәһкәм қилалаймиз.
8—14 ИЮЛЬ
ХУДА СӨЗИДИКИ ҒӘЗНӘ | ЗӘБУР 60—62
Йәһва Худа бизни қоғдайду, мәһкәм қилиду һәм бехәтәрлик бериду
it «Мунарә»
Йәһва Худаға ишәнч көрситип вә Уни тиңшиғанлар Давут ейтқандәк бехәтәрликтә болиду: «Чүнки Сән [Йәһва] панагаһим, дүшмәнниң көзидә Сән мениң чиң мунарим» (Зб 61:3). Худа исминиң мәнасини чүшәнгәнләр һәм бу исимға таянған вә һаятида бу исмини һөрмәтләйдиғанларға қорқушниң һеч һаҗити йоқ, чүнки «Йәһваниң исми — мустәһкәм мунар» (П.н 18:10; С1я 17:45—47ни селиштуруң).
it «Чедир»
«Чедир» дегән сөзниң башқиму мәнаси бар. Адәттә адәм чедирда дәм алиду, һава райи яхши болмиғанда чедир униңға пана болиду (Яр 18:1). Адәм бириниң чедириға кәлсә, у һөрмәтлик меһман болидиғанлиғиға вә һәммә шараит ясап беридиғанлиғиға ишәшлик болған. Демәк Вәһий 7:15тә бүйүк көпчилик адәмләр тоғрилиқ ейтип, Худа уларниң үстигә өз чедирини яйиду дегән сөзләр Худа уларға ғәмхорлуқ қилип, қоғдалайдиғанлиғини билдүриду (Зб 61:3, 4). Йәшая Худаниң символлуқ аяли Сионниң өз оғуллири үчүн чедирни кәңәйтиши үчүн тәйярлиқ қилидиғанлиғини язған (Йша 54:2). Демәк, у балилириға һимайә болидиған йәрни кәңәйтмәк болған.
w02 4/15 16-б., 14-абз.
14 Худаниң қанунлири ишәнчлик вә һеч өзгәрмәйду. Бизниң хатирҗәмсиз вақтимизда Йәһва Худа — әбәттин әбәткичә турақлиқ ғар таш (Зәбур 90:2). У Өзи тоғрилиқ: «Мән — Йәһва болғанлиқтин, һеч өзгәрмәймән»,— дәп ейтқан (Малаки 3:6). Дайим өзгирип туридиған адәмләрниң нормилириға қариғанда, Муқәддәс китапта йезилған Худаниң нормиси һечқачан өзгәрмәйду (Яқуп 1:17). Мәсилән, көплигән жиллар давамида психологлар: «Балини тәрбийилигәндә һеч немигә чәк қоймаңлар»,— дәп нәсиһәт берип кәлгән. Әнди шу психологларниң бәзилири өзлириниң көзқарашлирини өзгәртип, бурун бәргән нәсиһәтлириниң хата екәнлигини етирап қилди. Мошу соалға тегишлик мошу дунияниң нормилири билән қаидилири пат-пат өзгирип туриду. Йәһва Худаниң Сөзи болса, һечқачан өзгәрмәйду. Муқәддәс китап қанчә әсирләр бойи балиларни меһир-муһәббәт билән тәрбийиләшкә нәсиһәт берип келиватиду. Әлчи Паул язған: «Атилар, балилириңларни териктүрмәңлар, бәлки уларни Йәһва буйриғандәк тәрбийиләңлар һәм нәсиһәт бериңлар» (Әфәсликләргә 6:4). Йәһва Худаниң нормилириға тайинишқа болидиғанлиғимизни билгинимиз қандақ яхши, чүнки улар өзгәрмәйду!
Роһий гөһәрләрни издәйли
w22.08 10-б., 6-абз.
6 Йәһва сизни өзигә дуа қилишқа дәвәт қилиду, У сизниң немә қиливатқанлиғиңизни көрүп туриду вә һәрқачан дуалириңизға қулақ салидиғанлиғиға капаләт бериду (Сал. 1-х. 5:17). У хошаллиқ билән Өз хизмәтчилириниң дуалириға қулақ салиду (Пәнд н. 15:8). Ялғузлуқ һис қилған чағлириңизда Илияс пәйғәмбәргә охшаш ич-бағриңизни Йәһваға төкүп бериң (Зәбур 62:8ни оқуң). Униңға ғәм-әндишилириңизни вә һис-туйғулириңизни ейтип бериң. Өзүңизни ялғуз яки беарам һис қилғанда, немә қилишиңизни билиш үчүн Йәһвадин ярдәм сораң. Мәсилән, мәктәптә гувалиқ бәргәндә ялғуз яки қорқунуч һис қилсиңиз, Йәһва Худадин көзқаришиңизни ипадиләш үчүн җасарәт беришни өтүнүң. Һәтта Униңдин иман-етиқадиңизни пәм-парасәтлик билән чүшәндүрүш үчүн даналиқ сорисиңиз болиду (Луқа 21:14, 15). Әгәр өзүңизни чүшкүнлүккә чүшкәндәк һис қилсиңиз Йәһвадин етиқатта пишип йетилгән қериндашларға өз һис-туйғулириңизни ейтип беришиңизгә ярдәм қилишини өтүнүң. Сиз билән муңдашқан қериндашниң сизни чүшинишигә ярдәм қилишни сорисиңиз болиду. Йәнә Йәһваға жүрәк сөзлириңизни ейтип, Униң сизгә қандақ җавап қайтурғанлиғиға диққәт қилиң вә башқиларниң ярдимини қобул қилиң. Шундақ болғанда, өзүңизни анчә бәк ялғуз һис қилмайсиз.
15—21 ИЮЛЬ
ХУДА СӨЗИДИКИ ҒӘЗНӘ | ЗӘБУР 63—65
«Сениң садиқ муһәббитиң һаятлиқтинму әвзәлдур»
w01 10/15 15, 16-б., 17, 18-абз.
17 Худаниң сизгә болған муһәббити қанчилик муһим? Силәрму Давут язғандәк туйғуни һис қиливатамсиләр? «Сениң садиқ муһәббитиң һаятлиқтинму әвзәлдур, Шуңа еғизлирим дайим Сени мәдһийиләйду. Сени пүткүл өмрүм махтаймән. Исмиңни чақирип, Асманға қоллиримни дуада көтиримән» (Зәбур 63:3, 4). Раст ейтқанда, мошу дунияда Худаниң меһир-муһәббити билән адил достлуғидин артуқ немә бар?! Мәсилән, мошу дуниядики тапавити яхши иштин Худа билән йеқин мунасивәттә болушниң ярдими арқилиқ көңлүмиз тоқ болуп, бәхитлик болуштин артуқ немә бар? (Луқа 12:15). Бәзибир мәсиһийләр Йәһва Худадин үз өрүш яки өлүп қелишни таллашқа тоғра кәлгән. Мәсилән, Иккинчи дуния уруши вақтида нацитларниң концлагерьлирида болған нурғунлиған Йәһва гувачилири мошундақ әһвалларға пат-пат чүшүп қалатти. Қериндашлиримизниң бәзилири өлүшкә тоғра кәлсиму, Худаниң меһир-муһәббитидә қелишини әвзәл көргән. Худаниң меһир-муһәббитидә қалғанлар мошу зулум дуния берәлмәйдиған мәңгү келәчәкни Худа берәләйдиғанлиғиға ишәшлик болалайду (Марк 8:34—36). Лекин мәсилә пәқәт мәңгү һаят әмәс.
18 Йәһва Худасиз мәңгү һаят кәчүрүш мүмкин әмәс, шундақ болсиму Яратқучисиз мәңгү һаятниң қандақ болидиғанлиғини тәсәввур қилип көрүңа. Һаятимиз һеч мәнасиз болатти. Йәһва Худа Өзиниң хәлқигә мошу ахирқи күнлири қанаәтлинәрлик иш бериватиду. Шуңлашқа, биз шуниңға ишинимизки, Улуқ Иҗра Қилғучи Йәһва Худа бизгә беридиған мәңгүлүк һаятта, үгинидиған вә шуғуллинидиған һәйран қаларлиқ нурғун есил ишлар болиду (Вәз 3:11). Алдимиздики миң жиллар давамида қанчә нәрсиләрни тәтқиқ қилған билән, биз һечқачан «Худа байлиғиниң һәм даналиғиниң, һәм илиминиң чәксиз» чоңқурлиғиниң түвигә йетәлмәймиз (Римлиқларға 11:33).
w19.12 28-б., 4-абз.
Худаға миннәтдар болуш яки шүкүр ейтиш алаһидә муһим. Худа бәргән вә бериватқан роһий вә җисманий соғилар һәққидә ойлайдиғанлиғиңиз сөзсиз (Қ. шәр. 8:17, 18; Әлч. 14:17). Лекин Худаниң қилған яхшилиқлири тоғрилиқ үзәки ойлапла қоймай, йеқинлириңизға вә сизгә бәргән көп бәрикәтләр үстидин чоңқур ойлашқа вақит бөлүң. Йәһва Худаниң мәртлиги һәққидә ойлисақ, Униңға болған миннәтдарлиғимиз техиму күчийип, У бизни қанчилик яхши көридиғанлиғи вә қәдирләйдиғанлиғини һис қилимиз (Йоһ. 1-х. 4:9).
w15 10/15 24-б., 7-абз.
7 Оқуш үчүн көп күч чиқиришниң һаҗити йоқ, зәң қоюп ойлинишқа болса, күч чиқириш керәк. Немә үчүн? Сәвәви мукәммәлсиз адәмниң мийиси күч селишни тәләп қилмайдиған оңай ишларға алдирайду. Шуңа әң яхшиси — анчә һерип қалмиған чағда, көңлиңиз чечилип кәтмәйдиған теч йәрдә ойлиниш яхши. Зәбур язғучиси кечидә, орнида йетип, ойланған (Зәб. 63:6). Ойлаш қабилийити мукәммәл болған Әйсаму, теч йәрдә ойлинип, дуа қилиш әң яхши екәнлигини чүшәнгән (Луқа 6:12).
w09 7/15 16-б., 6-абз.
6 Адәттә биз өзүмиз яхши көридиған мавзуларға сөзләшни яқтуримиз. Һәтта шу тоғрилиқ ағиз-ағзимға тәгмәй сөзләймиз. Қайси бир адәмни яхши көргәндиму, у һәққидә башқиларға ейтқумиз келивериду. Уни махтап, һөрмәтләп, қоғдап сөзләймиз. Сәвәви униму башқилар яхши көрүп қелишини халаймиз.
Роһий гөһәрләрни издәйли
w07 11/15 15-б., 6-абз.
Бир нәрсини йеңидин салғандин, бузған оңай. Мошу принцип қандақ сөзләйдиғанлиғимизғиму бағлиқ. Мукәммәлсиз болғанлиқтин һәммимиз хаталишимиз. Сулайман падиша: «Йәрдә һәқанний, пәқәт яхшилиқ қилип, гуна өткүзмәйдиған бирму киши йоқ»,— дәп язған (Вәз 7:20). Башқиларниң хаталиқлирини байқап, сүйәктин өтидиған сөзләр билән көңүлни ағритиш оп-оңай (Зәбур 64:2—4). Яхши сөзләрни ейтиш үчүн күч селиш керәк.
22—28 ИЮЛЬ
ХУДА СӨЗИДИКИ ҒӘЗНӘ | ЗӘБУР 66—68
Йәһва Худа һәр күни жүкимизни көтириду
w23.05 12-б., 15-абз.
15 Йәһва һәрдайим дуалиримизға алаһидә йоллар билән җавап бәрмәйду. Бәргән җаваплири дайим асмандики Атимизға садақәтмәнлигимизни сақлишимизға ярдәм бериду. Шуңа Йәһваниң дуалириңизға җавап қайтурғанлиғини көрүп йетишкә тиришиң. Йоко исимлиқ қериндаш өз дуалириға Йәһва җавап бәрмигәндәк һис қилған. Бирақ у өзиниң Йәһвадин немиләрни сорап дуа қилғанлиғини дәптәргә йезишқа башлиған. Мәлум вақит өткәндин кейин, у өзи язғанлириға қарап, көпинчә дуалириға Йәһваниң җавап қайтурғанлиғини, һәтта бәзи җавапларни өзиниң унтуп қалғанлиғини көрүп йәткән. Бәзидә биз тохтап, Йәһваниң дуалиримизға қандақ җавап бәргәнлиги үстидә чоңқур ойлинишимиз керәк (Зәб. 66:19, 20).
w10 12/1 23-б., 6-абз.
Йәһва Худа роһиниң илһами билән хасийәтлик нахшиларни яки зәбур күйлирини яздурған. Исраиллиқлар уларни диний мәйрәмлиридә ейтатти. Тул аяллар билән житим балилар шу нахшиларни ейтқанда, уларниң көңүллири қанчилик хошал болатти дәңа! Чүнки шу нахшилар Йәһва Худаниң «Ата», шундақла «Һимайичиси» екәнлиги уларни қоғдайдиғанлиғини есигә селип туратти (Зәбур 68:5; 146:9). Бизму балисини ялғуз тәрбийиләп жүргән ата-аниларға яр-йөләк болалаймиз. Ейтқан иллиқ сөзлиримиз уларниң жүригидә жиллар давамида қелиши мүмкин. Балилирини ялғуз тәрбийиләп кәлгән Рут қериндишимиз 20 жил өтсиму, тәҗрибилик бир дадиниң: «Сән икки оғлуңни шундақ яхши тәрбийиләватисән. Колуңни ташлавәтмә» дегән сөзлири техичә есидә. Рут: «Бу сөзләр мени бәл бағлап мәһкәм турушқа ярдәм қилди»,— деди. «Давалайдиған тил — һаятлиқ дәриғи» вә бизниң сөзлиримиз балилирини ялғуз тәрбийиләватқан ата-аниға қаттиқ илһам бериши мүмкин (Пәнд-нәсиһәтләр 15:4).
w09 4/1 31-б., 1-абз.
«У житимларниң Атиси..., Худа Өзиниң муқәддәс маканида» (Зәбур 68:5). Бу сөзләр Йәһва Худа йесир-житимларға йеқин екәнлигини көрситиду. У бир ата-анисини яки иккилисидин айрилған балиға ғәмхорлуқ қилидиғанлиғи, исраилларға бәргән қанундин көриниду.
w23.01 19-б., 17-абз.
17 Зәбур 40:5ни оқуң. Таққа чиққучиларниң мәхсити — тағ чоққисиға йетип бериш. Бирақ улар бәзидә йолда тохтап, гөзәл мәнзириләрни тамашә қилиду. Шуниңға охшаш, қийинчилиққа бәрдашлиқ бериватқанда, дайим тохтап Йәһваниң сизгә қандақ ярдәм бериватқанлиғи һәққидә ойлинишқа вақит чиқириң. Һәр күни кәчтә өзүңиздин шундақ сорап көрүң: «Бүгүн мән Йәһваниң бәрикитини көрдүмму? Гәрчә дуч кәлгән қийинчилиқлар йәнила давам қиливатқан болсиму, Йәһва мениң бәрдашлиқ беришимгә қандақ ярдәм бериватиду?» Һәр күни қилған ишлириңизға қарап, Йәһва Худа қайси бир ишиңизни оңушлуқ қилғанлиғини көрүшкә тиришиң.
Роһий гөһәрләрни издәйли
w06 6/1 10-б., 5-абз.
Қедимий Исраилда һәдийә сүпитидә берилгән адәмләр кимләр болған? Улар Вәдә қилинған зиминни йеңип алғанда тутқунға елинғанларниң арисидики әр кишиләр болған. Кейинирәк улар лавийларниң ярдәмчиси болуп тәйинләнгән (Әзра 8:20).
29-ИЮЛЬ—4-АВГУСТ
ХУДА СӨЗИДИКИ ҒӘЗНӘ | ЗӘБУР 69
Зәбурниң 69-бабидики пәйғәмбәрлик сөзләр Әйсаниң һаятида қандақ орунланди?
w11 8/15 11-б., 17-абз.
17 Мәсиһкә сәвәпсиз өч болиду (Зәб. 69:4). Әлчи Йоһан Әйсаниң сөзлирини кәлтүрүп мундақ деди: «Әгәр мән уларниң арисида башқа һечким қилмиған ишларни қилмиған болсам, улар гунасиз болатти. Бирақ улар ишлиримни көргән болсиму, бәрибир мени һәм Атамни өч көрүп кәтти. Лекин буниң билән уларниң Қанунида: “Һеч сәвәпсиз мени өч көрди”, дегән сөзләр әмәлгә ашти» (Йоһан 15:24, 25). «Қанун» Язмиларниң һәммә қисмини билдүриду (Йоһан 10:34; 12:34). Инҗилда болупму, йәһудий рәһбәрлири Әйсани өч көргәнлигиниң дәлиллириму нурғун. Мәсиһ: «Бу дуниядики кишиләр силәргә һәргиз өч болмайду; лекин мени өч көриду. Чүнки мән уларниң қилмишлирини рәзил дәп гувалиқ бериватимән»,— дәп ейтқан (Йоһан 7:7).
w10 12/15 8-б., 7, 8-абз.
7 Әйса пак ибадәтни қоғдиғанлиғи униң бир вақиәсидин көриниду. Бу вақиә хизмитиниң бешида б.м. 30-жили Өтүп кетиш һейтида болған. Әйса вә униң шагиртлири Йерусалимдики ибадәтханисида, «топақ, қой һәм кәптәр сатқучиларни һәм у йәрдә олтирип, пул алмаштурудиған кишиләрни көрди». Әйса буниңға қандақ қариди вә шагиртлириға қандақ тәсират қалдурди? (Йоһан 2:13—17ни оқуң).
8 Әйсаниң иш-һәрикәтлирини көргәндә шагиртлири Давутниң ейтқан пәйғәмбәрлик сөзлирини есиға алди. «Чүнки өйүң үчүн қизғинлиқ мени йәватиду» (Зәб. 69:9). Немә үчүн шагиртлири дәл мошу сөзләрни есиға алди? Чүнки пәқәт мошундақ қизғинлиғи бар адәмла тәвәккәл вә хәтәрлик ишларни қилалайду. Ибадәтханидики сода-сетиқни һоқуқи бар диний рәһбәрләр қоллиған. Әйса уларниң ишлирини паш қилип, уларниң дүшмини болуп қалди. Шагиртлар бу вақиәдин Әйсаниң Худа өйи үчүн қизғинлиғини көрсәткәнлиги, йәни пак ибадәтни қизғин қоғдаватқанлиғини ениқ көрди.
g95 10/22 31-б., 4-абз.
Бәзи кишиләр Зәбур китавидики «жүригимни таза вәйран қилди, мән һалсизландим» дегән пәйғәмбәрлик сөзләргә мас, Әйса жүриги йерилғанлиқтин өлүп кәтти дәп ойлайду (Зәбур 69:20). Бу сөзләрни удул чүшинимиз керәкму? Шундақ чүшинишкиму болиду. Сәвәви өлмәй туруп униң җениму, тениму қаттиқ азапланған еди (Мәтта 27:46; Луқа 22:44; Ибранийларға 5:7). Ләшкәрләрдин бири униң биқиниға нәйзисини санчиғанда, униңдин «қан вә су» еқип чиққанда жүриги йерилип кәткәндин болуши керәк. Жүрәкниң өзи яки униң асасий қан томурлири йерилип кәткәндә, қан көкрәк бошлуғиға яки перикардиға (жүрәк чөрисидики халтичигә) қуюлиду. Шуңа әскәрләр нәйзини Әйсаниң тениниң қайси йеригә урсиму, униңдин қан вә суға охшаш суюқлиқ чиқатти (Йоһан 19:34).
it «Оға өсүмлүк»
Мәсиһкә мунасивәтлик пәйғәмбәрлик сөзләрниң биридә тамақниң орниға оға берилиду дейилгән (Зб 69:21). Бу сөзләр Әйсани түврүккә есиштин авал униңға аччиқ нәрсә қошулған шарапни бәргәндә орунланди. Мәс қилидиған бу шарапни Әйсаниң азавини басидиғанлиғи үчүн бәргән болуши керәк. Бирақ у тәмини тартқандин кейин, ичишкә унимиди. Мошу тоғрилиқ язғанда Мәтта (27:34) аччиқ нәрсә дәп тәрҗимә қилинған грекларниң «холе» (удул мәнада «өт») сөзини қолланған, дәл мошу сөз Грек Септуагинтидики Зәбур 69:21дә учришиду. Лекин Марк китавида «мурмәкки» тоғрилиқ йезилиду (Мк 15:23), шуңа бәзилири Әйсаға бәргән «оға» яки «аччиқ нәрсә» бу мурмәкки болған дәп ойлайду. Шарапқа «аччиқ нәрсә» яки «мурмәкки» қошулған болуши мүмкин.
Роһий гөһәрләрни издәйли
w99 1/15 18-б., 11-абз.
11 Көплигән адәмләр Худадин бирнәрсә сораш үчүнла дуа қилиду. Лекин Йәһва Худани яхши көргәнликтин, биз шәхсий дуада, көпчилик алдида ейтқан дуайимизда Уни махтап, Униңға миннәтдарлиқ билдүрүшимиз керәк. Әлчи Паул мундақ дәп язған: «Һечнәрсидин әндишә қилмаңлар, бәлки һәммә нәрсидә дуа һәм илтиҗада Худаға миннәтдарлиқ билән илтимаслириңларни ечиңлар һәм һәрқандақ ой-пикирдин үстүн туридиған Тәңриниң течлиғи жүрәклириңларни, һәм әқиллириңларни Мәсиһ Әйсада сақлайду» (Филипиликләргә 4:6, 7). Дуада өтүнүшимиз билән ихтияримизни ейтиштин йәнә, роһий вә җисманий бәрикәтлиримиз үчүн рәхмәт ейтишимиз керәк (Пәнд-нәсиһәтләр 10:22). Зәбур язғучиси: «Худайиңға қурбанлиққа мәдһийә әкәл Вә Илаһиңниң алдида вәдилириңни орунла»,— дәп ейтқан (Зәбур 50:14). Давутниң нахша сүпитидә ейтқан жүрәкни тәвритидиған дуасида: «Пәрвәрдигаримниң исмиға апирин! Нахшамда Уни мәдһийиләймән»,— дәп ейтқан (Зәбур 69:30). Бизму көпчиликниң алдида яки шәхсий дуа ейтқанда шундақ қилишимиз кәрәк әмәсму?
5—11 АВГУСТ
ХУДА СӨЗИДИКИ ҒӘЗНӘ | ЗӘБУР 70—72
«Келәчәктики келидиған әвлатларға» Худаниң қудрити тоғрилиқ ейтиң
w99 9/1 18-б., 17-абз.
17 Шәйтанниң қапқиниға чүшүп қалмаслиқ үчүн бизгә дайим һошияр болушимиз муһим вә бәзидә батурлуқму керәк. Бәзидә сизгә сиз билән қурдаш болған адәмләргила әмәс, пүтүн дунияға қарши турушқа тоғра келиду. Зәбур язғучиси: «Худайим, Сән мени кичигимдин үгәттиң, шуңа Һазирғичә мән карамәтлириңни вәз қиливатимән» (Зәбур 71:5, 17). Давут өзиниң батурлуғи билән тонулған. Бирақ униңда бу хисләт қачан пәйда болған? Яш чеғидин! Даңлиқ болуштин авал у Ғолиятқа қариши чиқмай турупла, Давут батурлуғини көрсәткән. У дадисиниң маллирини беқип жүргәндә шир билән ейиқни өлтүрүвәткән еди (Самуилниң 1-язмиси 17:34—37). Шундақ қилип, Давут өзиниң батурлуғи үчүн пәқәт Йәһва Худағила борчи екәнлигини көрситип, «саңа өсмүр чеғимдин тайинип келиватимән»,— деди. Йәһва Худаға таянғанлиқитин, Давут һәрқандақ синақларда чидап кәлгән. Әгәр Йәһва Худаға үмүт қилған болсиңиз, Униң сизгиму дунияни йеңивелишиңизгә батурлуқ билән күч беридиғанлиғи сөзсиз (Йоһанниң 1-хети 5:4).
g04 10/8 23-б., 3-абз.
Зәбур язғучиси мундақ дәп дуа қилған: «Қериғинимдиму мени ташлимиғина, Һалим қалмиғанда, ваз кәчмигинә» (Зәбур 71:9). Йеши чоң етиқатдашилиримиз өзлирини көп нәрсә қилалмайдиғандәк сезиши мүмкин. Бирақ Худа садақәтмән хизмәтчилиридин һечқачан баш тартмайду. Зәбур язғучиси Йәһва Худа мени ташлап кетиду дәп ойлимиған, әксинчә, яшанғандиму Яратқучисиға техиму тайиниши керәклигини чүшәнгән. Биз шундақ садиқ болсақ, У бизни пүтүн һаятимиз бойи қоллап-қувәтләйду (Зәбур 18:25). Йәһва Худа бизни пат-пат етиқатдашлиримиз арқилиқ йөләйду.
w14 1/15 23-б., 4, 5-абз.
4 Нурғун жиллар хизмәт қилип тәҗрибә жиққан болсиңиз, өзүңиздин мундақ дәп сорап көрүң: «Техичә тимән вә күчниң барида йәнә немә қилсам болиду?» Сиз тәҗрибилик Худаниң хизмәтчиси болғанлиқтин, сиздә алаһидә пурситиңиз бар. Йәһва Худадин үгәнгәнлириңизни яшларға үгәтсиңиз болиду. Хизмәттә болған вақиәләрни ейтип, башқиларни илһамландуралайсиз. Давут падиша шундақ қилишқа мүмкинчилик сорап дуа қилған. У: «Худайим, Сән мени кичигимдин үгәттиң,... қериған вақтимда, ақчачлиқ болған Чеғимдиму, мени қалдурмиғина. Мән Сениң Булҗуңиңниң қувити һәққидә кәлгүси әвлатқа Баян қилишимға иҗазәт қилғина. Келәчәктә келидиған әвлатларға Сениң қадирлиғиң тоғрисида» ейтимән,— дәп язған (Зб 71:17, 18).
5 Жиллар бойи жиққан даналиғиңизни яшлар билән қандақ бөлүшсиңиз болиду? Уларни өйүңизгә чақирип, илһам беридиған мавзуға параңлишиң. Уларни вәз хизмитигә чақириң, сизниң Йәһва Худаға хошаллиқ билән хизмәт қиливатқанлиғиңизни улар көрсун. Қедимий заманда яшиған Елиху мундақ дегән: «Узун жиллар сөзлисун вә көпни көргәнләр даналиқни ачсун» (Ап 32:7). Әлчи Паул тәҗрибилик қериндашларни сөзи һәм ишлири билән башқиларни илһамландурушқа дәвәт қилип, мундақ дәп язған: «Яшанған аялларму... яхшилиққа үгәтсун» (Титқа 2:3).
Роһий гөһәрләрни издәйли
it «Фират»
Исраиллиқларға берилгән йәрниң чигариси. Йәһва Худа Ибраһим билән келишим түзүп: «Сениң әвладиңға мошу йәрни, йәни Мисир дәриясидин тартип улуқ Фират дәриясиғичә» беримән дәп вәдә қилған (Яритилиш 15:18). Бу вәдә биринчи қетим Давут вә Сулайман падишаларниң вақтида толуғи билән әмәлгә ашти. Шу чағда Исраил Зобаһ дөлитини өз территориясигә қошувалди. Зобаһниң чегариси болса, шималий Сүрийә тәрәпкә еқиватқан Фират дәриясиниң қирлириғичә йәткән (С2я 8:3; П1я 4:21; Т1я 18:3—8; Т2я 9:26).
12—18 АВГУСТ
ХУДА СӨЗИДИКИ ҒӘЗНӘ | ЗӘБУР 73, 74
Худаға хизмәт қилмайдиғанларға көрәлмәслик қиламсиз?
w20.12 19-б., 14-абз.
14 Зәбур 73-күйниң язғучиси Лавий әвладидин болған бири еди. Шуңа у мәркизий ибадәтханида хизмәт қилиштәк шан-шәрәплик вәзипигә егә болған. Амма һаятидики мәлум бир пәйтидә, у чүшкүнлүккә чүшкән еди. Немә үчүн? У рәзил вә һакавурларниң яманлиғиға әмәс, бәлки уларниң һаяти гүлләп риваҗ тапқиниға көрәлмәслик қилишни башлиған (Зәб. 73:2—9, 11—14). Қаримаққа, уларниң һәммә нәрсиси тәл-төкүсдәк болуп көрүнгән, у уларниң турмуши баяшат, раһәт-парасәткә толған, ғәм-қайғуси йоқ дәп ойлиған. Буларни көргән Зәбур язғучиси қаттиқ үмүтсизлинип, һәтта у мундақ дегән: «Аһ, һәқиқәтән бекардин-бекар көңлүмни пакландуруптимән, гунасиз туруп қолумни артуқчә жуюп кәптимән». Әмәлийәттә, у Худа йолидин чиқип кетишкә тасла қалған еди.
w20.12 19, 20-б., 15, 16-абз.
15 Зәбур 73:16—19, 22—25ни оқуң. Лавий Тәңриниң муқәддәс җайлириға киргән. Шу йәрдә етиқатдашларниң арисида болуп, течлиқта, алдирмай дуа қилип, өз әһвали тоғрисида мулаһизә қилалиған. Нәтиҗидә, у өзиниң әқилсизлиқ қилғанлиғини вә Худадин айриветидиған хәтәрлик йолға кирип кетиватқанлиғини чүшинишкә башлиған. У йәнә гуна қилғучиларниң тейилғақ йәрдә турғанлиғини вә уларниң жиқилип парә-парә болидиғанлиғини көрүп йәткән. Әнди униңға көрәлмәсликтин вә чүшкүнликтин қутулуши үчүн, униңда Йәһва Худаниңкигә охшаш нуқтәий нәзәр болуши керәк еди. У бундақ қилғинида, қайта хатирҗәм болуп, хошаллиқ тапқан. У мундақ дегән: «Йәрдиму Сәндин башқа һечким йоқ».
16 Биз үчүн савақ. Һечқачан рәзил адәмләрниң гүллинип риваҗ тапқандәк көрүнгән һаятиға ичи тарлиқ қилмайли. Уларниң мал-дунияси алдамчи, худди көләңгидәк тезла өтүп кетип, улар мәңгү яшалмайду (Вәз 8:12, 13). Әгәр сиз уларға ичи тарлиқ қилсиңиз, чүшкүнлүккә берилип, роһий җәһәттин аҗизлишип кетисиз. Рәзилләрниң гүлләнгәндәк көрүнгән һаятиға ичи тарлиқ қиливатқанлиғиңизни байқисиңиз, шу лавий кишидәк иш тутуң. Худаниң меһрибанлиқ билән бәргән нәсиһитигә қулақ селиң вә Йәһваниң ирадисини орунлаватқан адәмләр билән қоюқ арилишиң. Әгәр сиз Йәһва Худани һәммә нәрсидин бәкирәк яхши көрсиңиз, һәқиқий бәхиткә еришисиз һәм «һәқиқий һаятлиққа» йетәкләйдиған йолдин тейилип чиқип кәтмәйсиз (Тим. 1-х. 6:19).
w14 4/15 4-б., 5-абз.
5 Гуна билән вақитлиқ һөзүрлинишкә аздурулуп кәтмәслигим үчүн немә қилсам болиду? Гуна елип келидиған раһәт узаққа созулмайдиғанлиғини һечқачан унтумаң. «Дунияму һәм униң һәвәслириму өтүп» кетидиғанлиғиға ишинимиз (Йоһ. 1-х. 2:15—17). Товва қилмиған гунакарларниң келәчиги тоғрилиқ ойлиниң. Улар «Тейилғақ орунларда.... вәйран болушуп, өлиду» (Зәб. 73:18, 19). Гуна қилишқа аздурулғанда, «Мән өз келәчигимниң қандақ болушини халаймән?» дәп ойлинип көрүң.
w13 2/15 25, 26-б., 3—5 абз.
3 Зәбур язғучиси Йәһва Худаниң уни оң қолидин тутуп қоллайдиғанлиғиға вә шөһрәт яки һөрмәткә йәткүзидиғанлиғиға ишәнчисини билдүргән (Зәбур 73:23, 24ни оқуң). Йәһва Худа шундақ адәмләргә қандақ һөрмәт көрситәләйду? Өзиниң кичик пеил хизмәтчилирини шөһрәткә ериштүрүш үчүн һәрқандақ йолларни қоллиниду. Уларға Өз әркинлигини чүшинишкә ярдәм бериштә яки Өзи билән зич мунасивәттә болушиға мүмкинчилик бериватиду (Кор. 1-х. 2:7).
4 Йәһва Худа Өз хизмәтчилиригә шәрәплик «ғәзнә», яки вәз хизмәт ишини ишинип тапшурди (Кор. 2-х. 4:1, 7). Вәз хизмитини җакалаш арқилиқ биз һөрмәткә егә болимиз. Сәвәви Йәһва Худани мәдһийиләш үчүн вә башқиларға ярдәм бериш үчүн җан-җигәри билән мошу мәртивилик хизмәткә қошулғанларға У мундақ дәйду: «Мән Мени мәдһийилигәнләрни мәдһийиләймән» (Сам. 1-яз. 2:30). Биз Йәһва Худаниң алдида яхши намға вә қериндашларниң махтишиға егә болалаймиз (Пәнд н. 11:16; 22:1).
5 «Йәһва Худаға үмүт бағлап, Униң йоли билән жүридиғанларниң» келәчиги қандақ болиду? Муқәддәс китапта уларға берилгән вәдә йезилған: «Йәһвани күтүп, Униң йоли билән маң, У сени Көтирип, зиминниң егиси қилиду. Шу чағда Сән рәзилләрниң уҗуқтурулишини көрисән» (Зәб. 37:34). Һә, улар бебаһа мәртивиликкә егә болушиға яки мәңгү һаят кәчүрүшигә үмүт қилиду (Зәб. 37:29).
Роһий гөһәрләрни издәйли
w21.07 9-б., 5-абз
5 Худаниң рәһимдил болушни қанчилик яхши көридиғанлиғини Әйса һәрқандақ бир кишидин яхширақ билгән. Әйса йәр йүзигә келиштин бурун, асманда Атиси билән нурғун жиллар биллә болған (Пәнд н. 8:30, 31). Нурғунлиған вәзийәтләрдә Атисиниң гунакар инсанларға қандақ рәһим-шәпқәт көрсәткәнлигини ениқ көргән (Зәб. 78:37—42). У тәлим бәргәндә, һемишә Атисиниң бу гөзәл пәзилити һәққидә сөзлигән.
19—25 АВГУСТ
ХУДА СӨЗИДИКИ ҒӘЗНӘ | ЗӘБУР 75—77
Немишкә махтанчақ болмаслиғимиз керәк?
w18.01 28-б., 4, 5-абз.
Адәмләр арисидики пәриқни көрүң
4 Паул өзинила яхши көридиған вә пулхумар инсанлар һәққидә ейтқандин кейин, адәмләрниң өзигә ишинидиған, тәкәббур вә мәғрур болидиғанлиғини қошти. Мошу хисләтлири бар адәмләр сиртқи көрүнүши, қабилийити, дуния-мүлки вә җәмийәттики орни билән махтинип, өзлирини башқилардин жуқури қойиду. Мундақ адәмләр һәммидин бурун башқиларниң махтишиға еришишни халайду. Бир тәтқиқ қилғучи мәғрур адәм жүригидә Худаға әмәс, өзигә сәҗдә қилидиғанлиғини язған. Бәзибир адәмләрниң ейтишичә, тәкәббурлуқниң жиркинчилиги шунчә, һәтта тәкәббур адәм мошу хисләтни башқиларда көргәндә, уни яқтурмайду.
5 Йәһва Худа Муқәддәс китапта «тәкәббурлуқ билән қарайдиған көз» дәп тәсвирләнгән мәғрурлуқни өч көриду (Пәнд-нәсиһәтләр 6:16, 17). Һәқиқәтән, тәкәббурлуқ адәмни Худадин жирақлаштуриду (Зәбур 10:4). У — Иблисқа хас хисләт (Тимотийға 1-хәт 3:6). Әпсуски, Йәһваниң бәзибир садиқ хизмәтчилири тәкәббурлуқни жуқтурувалди. Мәсилән, Йәһуданиң падишаси Уззияни алайли. У жиллар давамида садиқлиқни сақлап кәлгән. Лекин Муқәддәс китапта «У қувәтләнгәндә өзи хараб болғидәк көңлиму тәкәббур болуп қалди. Өз Тәңриси Худавәндигә итаәтсизлик қилғанлиғи» йезилған. Уззия ибадәтханиға кирип, хушпурақ исриқни яндуридиған һоқуқи болмиған нәрсини қилди. Кейинирәк садиқ Хизқия падишаниңму тәкәббурлинип кәткән вақти болған (Тарихнамә 2-язма 26:16; 32:25, 26).
w23. 04 5-б., 11, 12-абз.
11 Бәзиләр өзини беғишлап, чөмдүрүлүшкә тәйяр болған болсиму, улар бу қәдәмни бесиштин иккилинип қалиду. Бәлким, улар: «Әгәр мән чөмдүрүлгәндин кейин еғир гуна өткүзүп қоюп, җамаәттин чиқирилсамчу?»— дәп ойлиши мүмкин. Әгәр сиз шундақ ой-пикирдә болсиңиз шуниңға ишиниңки, Йәһва сизгә һәммә ишта Уни хурсән қилиш үчүн тоғра йолда меңишиңизға ярдәм беридиған барлиқ нәрсиләрни бериду (Кол. 1:10). Худа йәнә тоғра ишларни қилишиңиз үчүн күч бериду. У Өзиниң башқа нурғун кишиләргиму шундақ ярдәм қилғанлиғини аллиқачан көрсәткән (Кор. 1-х. 10:13). Шу сәвәптин наһайити аз кишиләр җамаәттин чиқирилған. Йәһва Өз хәлқиниң Униңға садиқ болуп қелишиға ярдәм бериду.
12 Һәрбир мукәммәл болмиған инсан, хата ишларни қилишқа майил болиду (Яқуп 1:14). Амма езиқтурулушқа дуч кәлгәндә, қандақ һәрикәт қилиш өзүңизгә бағлиқ. Есиңиздә болсунки, қандақ яшашни пәқәт өзүңиз қарар қилалайсиз. Буниңға қарши көзқараштики бәзи кишиләр һис-туйғулиримизни вә иш-һәрикәтлиримизни өзүмиз контрол қилалмайсиз дейишиду. Амма уларниң көзқарашлири хата. Сиз хата арзу-һәвәслириңизни контрол қилишни үгинәләйсиз. Һәтта бәзидә шундақ аздурулушларға дуч кәлсиңиз, амма яман ишни қилмаслиқ таллалайсиз. Мәсилән, һәр күни Йәһваға дуа қилиш, Йәһваниң Сөзи болған Муқәддәс китапни шәхсий тәтқиқ қилип үгиниш яхши адитини давамлаштуруш, жиғилишлириға қатнишиш, өз иман-етиқадимиз һәққидә башқиларға ейтип бериш гуналардин сақлайду. Мошу қәдәм басқучларни бесиш, өзини беғишлаш қәсимигә садиқ яшишиңиз үчүн күч бериду. Йәнә шуни қәтъий унтумаңки, Йәһва сизниң қәсимиңизгә садиқ яшишиңизға ярдәм бериду (Гал. 5:16)
Роһий гөһәрләрни издәйли
w06 7/15 11-б., 3-абз.
Биз Худаниң хизмәтчилири болғанлиғимиз үчүн адәмләрниң бизгә ғәзәплинишигә Худа йол қойиду, лекин буниң нәтиҗиси яхши болиду. Бешимизға кәлгән һәрқандақ қийинчилиқ бизни бир нәрсигә үгитиду. Йәһва Худа бизниң бир нәрсигә үгинишимиз үчүн қийинчилиқ тартишимизға йол бериду, униңдин артуқ қийнилишимизға йол бәрмәйду (Петрусниң 1-хети 5:10). Қалған ғәзәпни Худа Өзи басиду. Әгәр тартқан азаптин өлүп қалсақчу? Буму Йәһва Худаға шан-шәрәп елип келиши мүмкин, чүнки һаятимизниң ахириғичә садиқ болуп қалғанлиғимизни көргәнләр Йәһва Худани мәдһийилиши мүмкин.
26-АВГУСТ—1-СЕНТЯБРЬ
ХУДА СӨЗИДИКИ ҒӘЗНӘ | ЗӘБУР 78
Исраилларниң вапасизлиғи биз үчүн савақ
w96 12/1 29—30 б.
Әпсус Исраил хәлқи Йәһва Худаниң қанунлирини унтуп, гуна қиливәргән. Буниң ақивети қандақ болған? Улар «қайта-қайта Худаға беқинмай, Исраил Муқәддисини териктүрәтти. Униң қолиниң күчигә сәл қарап, Апәттин қутулдуришини баһалимиди» (Зәбур 78:41, 42). Шундақ унтуғақ болғанлиқтин, Йәһва Худа уларни рәт қилди (Мәтта 21:42, 43).
Зәбур язғучиси биз үчүн яхши үлгә қалдурди. У мундақ язған: «Мән, Йәһ, Сениң ишлириңни хатирәмдә Сақлаймән, Сениң қедимда көрсәткән Мөҗүзилириңни әсләймән. Барлиқ паалийәтлириңгә чөкүп, Бүйүк ишлириң һәққидә ойлинимән» (Зәбур 77:11, 12). Мошу кәмгичә Йәһва Худаға садиқ хизмәт қилип келиватқанлиғимиз, Униң көрсәткән меһир-муһәббити тоғрилиқ чоңқур ойлинишимиз бизгә илһам бериду, жүригимизни разимәнчиликә толтириду вә давамлиқ садиқ хизмәт қилишиға дәвәт қилиду.
w06 7/15 17-б., 16-абз.
16 Наразилиқ билдүрсәк пәқәт өзүмизгә вә қийинчилиқлиримизға көңүл бөлүп, Худа хизмәтчилири сүпитидә еливатқан бәрикәтлиримизни унтуп қелишимиз мүмкин. Наразилиққа берилмәслик үчүн, Худа бәргән бәрикәтләрни әстә сақлишимиз муһим. Биздә көп бәрикәтләр бар. Мәсилән, һәрбиримиз Йәһва Худаниң исми билән атилиш шан-шәрипигә егә (Йәшая 43:10). Биз Униң билән зич мунасивәтни риваҗландуралаймиз вә «дуаларни Тиңшиғучиға» һәр вақитта мураҗиәт қилалаймиз (Зәбур 65:2; Яқуп 4:8). Бизниң һаятимиз һәқиқәтән мәналиқ, чүнки Йәһва Худаниң алий һөкүмранлиғи тоғрилиқ чоң мәсилини чүшинимиз һәм Худаниң һөкүмранлиғи тәрәптә туруш шан-шәрипигә егә (Пәнд-нәсиһәтләр 27:11). Биз дайим Падишалиқ хуш хәвирини ейталаймиз (Мәтта 24:14). Әйса Мәсиһниң төләм қурбанлиғи арқилиқ биз пак вижданға егә болдуқ (Йоһан 3:16). Бешимиздин қандақ қийинчилиқларни өткүзүшмизгә тоғра кәлсиму, мошу бәрикәтләргә еришәләймиз.
w11 7/1 10-б., 3, 4-абз.
Зәбур язғучиси: «Чөл-баяванда талай қетим улар Униңға қарши исиян көтәрди»,— дегән (40-айәт, ЙД). Келәрки айәттә: «Қайта-қайта Худаға беқинмай, Исраил Муқәддисини териктүрәтти», дәп йезилған (41-айәт). Бу сөзләрдин көргинимиздәк, исраиллиқлар қайта-қайта исиян көтәргән. Уларниң Худаға болған һөрмитиниң йоқлиғи вә итаәтчансизлиги Мисирдин чиқипла көрүнди. Улар Худаға ғуңушуп, Униң хәлқигә ярдәм берәләйдиғанлиғиға вә ярдәм беришини халайдиғанлиғиға гуман қилди (Санлар 14:1—4). Муқәддәс китап тәрҗиманларға беғишланған бир китапта «Униңға қарши исиян көтәрди» дегән сөзни шундақла «жүрәклирини Худаға қарши таш қилди» яки «Улар Худаға... “яқ” деди»,— дәп чүшәндүриду. Улар товва қилғанда, Йәһва Худа уларға рәһимлик көрситип, кәчүргән. Лекин улар қайта-қайта Униңға қарши чиққан (Зәбур 78:10—19, 38).
Улар қайта-қайта исиян көтәргәндә, Йәһва Худа қандақ туйғуда болған? 40-айәттә улар «Уни... рәнҗитти»,— дәп йезилған яки башқа тәрҗимидә «Униң... көңлигә азар бәрди». Бир китапта мундақ дейилгән: «Бу сөзләр ата-анисиға беқинмайдиған бала уларниң жүригини ағритиватқанлиғиға охшаш, ибранийларму Худаниң жүригини ағритқанлиғини билдүриду». Исраиллиқларму шундақ исиянчи балиға охшаш «Исраил Муқәддисини териктүрәтти» (41-айәт).
Роһий гөһәрләрни издәйли
w06 7/15 11-б., 4-абз.
Бу ибарә пәриштиләрниң тамиғи екәнлигини билдүрмәйду. «Асман нени» дегән сөз асмандин чүшкәнлигини билдүриду (Зәбур 105:40). Пәриштиләр асманда яшиғанлиқтин, «пәриштиләр нени» дегән ибарә пәқәт асманда яшайдиған Худаниң бәргәнлигини билдүрүши мүмкин (Зәбур 11:4). Шундақла, Йәһва Худа манна бериш үчүн пәриштиләрни қолланған болуши еһтимал.