Топан сүйидин, Мисирдин қутқузулуп чиқишқичә

Топан сүйидә пәқәт сәккиз киши аман қалған еди. Амма, вақит өтүп адәмләр көпийип, йәр йүзи сан-санақсиз кишиләр билән толди. Топан сүйидин кейин, 352 жил өтүп, Ибраһим туғулди. Биз Худаниң өз вәдисини орунлап, Ибраһимни Исһақ исимлиқ бир оғулға егә қилғанлиғи; кейин Пәрвәрдигар, Исһақниң икки оғлидин Яқуп исимлиқ бирини таллиғанлиғи һәққидә көрүп өтимиз.

Яқуп 12 оғул, бир қанчә қиз пәрзәнтлик болуп, чоң аилә қурған еди. Яқупниң 10 оғли өзлириниң кичик иниси Йүсүпни өч көргән вә Мисирға қуллуққа сетивәтти. Кейин, Йүсүп Мисир падишасиниң баш вәзири болди. Жутта қаттиқ ачарчилиқ болғанда, Йүсүп өз акилириниң қәлбиниң өзгәргән яки өзгәрмигәнлигини синап көрди. Әң ахирида, Яқупниң пүтүн аилисидикиләр, йәни Исраиллар Мисир жутиға көчүп барди. Бу вақиә Ибраһим туғулуп, 290 жилдин кейин йүз бәргән еди.

Исраиллар 215 жил Мисир зиминида яшиған еди. Йүсүп өлгәндин кейин, улар шу зиминда қулға айлинип қалди. Кейин, Муса туғулди вә Алла исраилларни қутқузуп Мисирдин елип чиқиш үчүн уни пәйғәмбәрликкә таллиди. 2-қисим җәми 857 жиллиқ тарихни өз ичигә алған.