«Һаятимиз вә хизмитимиз. Иш дәптири» үчүн мәлумат мәнбәлири
© 2023 Watch Tower Bible and Tract Society of Pennsylvania
4—10 МАРТ
ХУДА СӨЗИДИКИ ҒӘЗНӘ | ЗӘБУР 16, 17
«Йәһва Рәббим, һаятимдики бар яхшилиғим Сениңдин»
w18.12 26-б., 11-абз.
Яшлар, силәр бәхитлик һаят кәчүрәләйсиләр
ЯХШИ ДОСТЛАРНИ ТАЛЛАҢ
11 Зәбур 16:3ни оқуң. Давут яхши достларни қандақ тепишни билгән. У Йәһвани яхши көридиған адәмләр билән дост болған вә бу униңға көп хошаллиқ әта қилди. Давут уларни «муқәддәс бәндиләр» дәп атиған, чүнки улар Йәһваниң әхлақий өлчәмлиригә мас һаят кәчүргән. Йәнә бир зәбур язғучиси достларни таллаш һәққидә Давутқа охшаш ойда болған. У мундақ дәп язған: «Мән Сениңдин әйминидиғанларниң вә Сениң әмирлириңни күзитидиғанларниң барлиғиға һәм дост, һәм сәпдашмән» (Зәбур 119:63). Авалқи мақалидә оқуғинимиздәк, сизму Йәһвани яхши көридиған вә Униңға итаәт қилидиған достларни тапалайсиз. Уларниң йеши һәрхил болуши мүмкин.
w14 2/15 29-б., 4-абз.
«Йәһваниң гөзәллигини көрүш»
Давут: «Йәһва — мениң мирасим, несивим һәм толған қачам. Сән варислиғимни чиң тутисән. Маңа гөзәл йәрләрдин өткән чәк берилди», — дәп нахша ейтқан (Зб 16:5, 6). Давут «мирасим», йәни Йәһва Худа билән яхши мунасивәткә егә болғини вә Униңға хизмәт қилиш пурсити үчүн миннәтдар болған. Бизму Давутқа охшаш қийинчилиқларни бешимиздин кәчүришимиз мүмкин, лекин бәрдашлиқ бәрсәк көп бәрикәтләргә еришимиз. Шуңа келиң пак ибадәттин һузур елип, Йәһва Худаниң роһий ибадәтханисиниң «гөзәллигини» көрәйли.
bh 116-б., 5-абз.
5 Пәрвәрдигар Йәһвә инсанларға немә дегән көңүл бөлгән, һә! У сиз муһтаҗ болғанда мәслиһәт көрситип, мәслиһәтләрни әмәлий ишләткиниңиздә ярдәм бериду. Тәңри сизниң синақларда бәрдашлиқ беришиңиз һәм йеңишиңиз үчүн ярдәм беришни халайду (Зәбур 55:22). Әгәр чин қәлбиңиздин Худаға хизмәт қилсиңиз, Зәбур язғучисиға охшаш ишәнч билән мундақ дәләләйсиз: “Мән һемишәм Худавәндини нәзәримдә сақлармән арий [һәқиқәтән] у өзи мениң оң йенимда болғач һеч жиқилмасмән” (Зәбур 16:8; 63:8). Әлвәттә, әгәр Пәрвәрдигар Йәһвәни хурсән қилип яшисиңиз, у сизгә ярдәм бериду. Амма, Худаниң бир дүшмини сизниң Худани хурсән қилидиған ишларни қилип яшишиңиз үчүн тосқунлуқ қилиду.
Роһий гөһәрләрни издәйли
w18.12 27-б., 16-абз.
ХУДА БӘРГӘН ӘРКИНЛИКНИ ҚӘДИРЛӘҢ
(Зәбур 16:2, 4ни оқуң). Өткән мақалидин билгинимиздәк, Худаниң қанун-принциплириға мас яшисақ, һәқиқий әркинликкә еришимиз. Биз яхшилиқни сөйүшни вә яманлиқтин нәпрәтлинишни үгәндуқ (Амос 5:15). Давут униңда бар яхши нәрсиләрниң һәммиси Йәһвадин кәлгәнлигини чүшәнгән. Йәһва һәрқачан яхшилиқ қилиду. Давут Худадин үлгә елиш үчүн көп күч чиқарған вә Йәһва яхши көргән нәрсиләрни яхши көргән. Худа өч көргән нәрсиләрни уму өч көргән. Уларниң бири — бутларға сәҗдә қилиш. Бутларға ибадәт қилиш адәмләрни һалакәткә йетәкләйду вә Йәһваға тәәллуқ шан-шәрәпни башқа бирсигә яки бирәр нәрсигә бериду (Йәшая 2:8, 9; Вәһий 4:11).
11—17 МАРТ
ХУДА СӨЗИДИКИ ҒӘЗНӘ | ЗӘБУР 18
«Йәһва... мениң Қутулдурғучим»
w09 5/1 14-б., 4, 5-абз.
Йәһва Худаниң хошаллиғи бизниң ғартешимиз
Шундақла Муқәддәс китап Йәһва Худани җансиз нәрсиләр билән тәсвирләйду. Мәсилән Худа — «Исраилниң мәзмут Ғартеши», «Ғартеши» вә «Һимайичиси» сүпитидә тәсвирләнгән (Самуилниң 2-язмиси 23:3; Зәбур 18:2; Қанун шәрһи 32:4). Уларниң қандақ охшашлиғи бар? Ғарташ бир йәрдә туруп һеч йәргә қозғалмайдиғанлиғиға охшаш, Йәһва Худа сиз үчүн мустәһкәм қорған болалайду.
5 Зәбур китавида Йәһва Худаниң шәхсниң һәртүрлүк қирлирини тәсвирләйдиған нурғун образлиқ сөзләр бар. Мәсилән, Зәбур 84:11-айәттә Йәһва «қуяш һәм қалқан» дәп тәсвирлигән, сәвәви У йоруқлуқ, һаят, күч-қудрәт вә һимайиниң мәнбәси. Зәбур 121:5-айәттә болса: «Йәһва — сениң Һимайичиң, У оң қолуң тәрәптә»,— дәп йезилған. Көләңгә бизни аптаптин қоғдиғанлиғиға охшаш, Йәһва Өз хизмәтчилиригә пана болуп, бизни қийинчилиқлардин қоғдап қалиду. У хизмәтчилирини «қоли» яки «қанити» астиға алиду (Йәшая 51:16; Зәбур 17:8; 36:7).
it «Аваз»
Аваз
Худа Өз хизмәтчилириниң авазини аңлайду. Худаға муқәддәс роһ вә һәқиқәткә лайиқ хизмәт қилидиғанларниң авазини аңлайдиғанлиғиға улар ишәнч қилалайду. Инсанлар қандақ тилда сөзлишидин қәтъийнәзәр, Худа уларниң авазини аңлайду. Һәтта адәм ичидә дуа қилсиму, униң жүригидә немә бар екәнлигини билидиған Худа уларниң дуасини аңлап, йәни адәмләрниң дуасиға диққәт ағдуриду (Зб 66:19; 86:6; 116:1; С1я 1:13; Нәһ 2:4). Худа қийналған, ярдәм сорайдиған адәмниң авазиға қулақ салиду. Шундақла Худа Униңға қарши чиққан вә Униң хизмәтчилиригә қарши яман ойларни ойлайдиған адәмләрниңму дуасини аңлайду, чүнки Худа уларниң нийәтлирини билиду (Яр 21:17; Зб 55:18, 19; 69:33; 94:9—11; Йр 23:25).
Ғәм-тәшвишни қандақ йеңәләйсиз?
2. Чоңқур ойлиниң. Өтмүшкә нәзәр селип, синақларға бәрдашлиқ беришиңизгә Йәһва Худаниң қандақ ярдәм бәргәнлигини есиңизгә алаламсиз? Пәрвәрдигар бизни вә өтмүштә яшиған хизмәтчилирини қандақ қоллап-қувәтлигәнлиги һәққидә чоңқур ойлансақ, көңлүмиз тинч-хатирҗәмликкә толиду вә Униңға болған ишәнчимиз ашиду (Зәб. 18:17—19). Джошуа исимлиқ ақсақал мундақ дегән: «Йәһва Худаниң қайси дуалиримға җавап бәргинини йезип қоюмән. Бу маңа Яратқучи Йәһвадин немини ениқ сориғинимни вә Униң мән муһтаҗ болған нәрсиләрни бәргән вақитларни әстә сақлишимға ярдәм бериду». Һәқиқәтән, Йәһваниң бизгә қилған яхшилиқлири һәққидә чоңқур ойлиниш ғәм-тәшвишләрни йеңишкә ярдәм бериду.
Роһий гөһәрләрни издәйли
it «Керублар»
Керублар
Бу керублар Йәһва Худаниң мунасивити билән бағлиқ болған. Мәсилән, Йәһва Худа мундақ дегән: «Мән саңа шу җайда, гува сандуғи ағзиниң үстидики икки Хурабинниң [Керубниң] арисида көрүнүп, саңа Исраил оғуллири үчүн барлиқ әмирләрни берип сөзлишимән» (Чқ 25:22; Сн 7:89). Шуниң үчүн Йәһва Худа керубларниң арисида олтарғанлиғи йезилған (С1я 4:4; С2я 6:2; П2я 19:15; Т1я 13:6; Зб 80:1; 99:1; Йша 37:16). Көчмә мәнада керублар Йәһва Худа башқурған һарвуни тәсвирлигән (Т1я 28:18), керубларниң қанатлири болса, илдамлиқ билән бехәтәрликни билдүрәтти. Шу сәвәптин Давут өзиниң нахшисида Йәһва ярдәмгә тез кәлгәнлигини тәсвирләш үчүн Тәңри керубқа олтирип, шамалниң қанатлирида ғуюлдап учуп кәлди дейилгән (С2я 22:11; Зб 18:10).
18—24 МАРТ
ХУДА СӨЗИДИКИ ҒӘЗНӘ | ЗӘБУР 19—21
«Асманлар Худаниң шөһритини җакалимақта»
Йәһва Худаниң шөһритини һәммиси җакалисун
Давут мәвҗудатларға қарап Йәһва Худа тоғрилиқ көпирәк билгән. Яш чеғида Давут атисиниң қой падилирини беқип, көп вақитни далада өткүзгән еди. Бәлким, у шу чағда Йәһва Худа яратқан нәрсиләр тоғрилиқ чоңқур ойлашқа башлиған. Мәсилән, Давут асманға қариғанда, пәқәт сансиз юлтузларнила әмәс, уларни яратқан Яратқучиниң хисләтлирини көргән. Давут мундақ язған: «Асманлар Худаниң шөһритини җакалимақта, Униң қоллириниң паалийәтлири тоғрисида көкләр баян қилмақта» (Зәб. 19:1, 2). Давут инсанларниң қандақ яритилғанлиғи тоғрилиқ ойлиғанда, Йәһва Худаниң қанчилик дана екәнлигини чүшәнгән (Зәб. 139:14). Давут Йәһва яратқан мәвҗудатлар тоғрилиқ мулаһизә қилғанда, өзиниң Худаниң алдида бәкму кичиккинә екәнлигини чүшинип йәткән (Зәб. 139:6).
w04 6/1 11-б., 8—10 абз.
Яратмилар Худаниң шөһритини шәрәпләйду!
8 Буниңдин кейин Давут Йәһва Худаниң башқа әҗайип яратмиси тоғрисида тәсвирлигән: «У [асманда] қуяшқа макан бәлгүлиди. У нека сарийидин той жигитидәк чиқмақта, шәрәплик батурдәк мусаписини жүгримәктә. Саманиң бир четидә униң чиқиши вә петиштә йоли түгәйду. Һечким иллиқлиғидин хали әмәс» (Зәбур 19:4—6).
9 Қуяшни башқа юлтузлар билән селиштурғанда у оттура юлтуз болуп һесаплиниду. Айлинип жүргән башқа планетиларға қариғада бу юлтузни улардин бәк йоған. Бир мәлуматниң мәнбәси бойичә қуяшниң салмиғи 2 миллиард, миллиард, миллиардлиған тоннини тәшкил қилиду. Бу пүткүл қуяш системисиниң салмиғи 99,9 пайиз болиду. Қуяшниң тартиш күчиниң ярдимидә, йәр шари радиуси 150 миллион километр келидиған орбитида, қуяштин жирақлашмайду яки униңға йеқинлашмайду.
10 Зәбур язғучи образлиқ тилни қоллинип, Қуяшни күндүзи упуқниң бир четидин иккинчи четигә жүгүрәп өтүп, кечиси өз җайиға қайтип кәлгәнлигини тәсвирләйду. Қуяш олтарғанда, адәмләр үчүн қуяш өз җайиға, йәни дәм елишқа кәткәндәк билиниду. Таң сәһәрдә шатлиқ нурини чечип чиққан қуяш, нека сарийидин чиққан той жигиткә охшайду. Давут қойчи болғанлиқтин, кечиси бәк соғ болидиғанлиғини биләтти (Яр 31:40). Қуяшниң шолиси униму, мәнзириниму қандақ илдам исситидиғанлиғини есиға алди. Қуяш һәр күни шәриқтин җәнубқа қарап жүгүрәп өтүштин һармайду, әксинчә әтиси өз йолини қайтилашқа тәйяр туридиғанлиғи айдин ениқ.
g95 11/8 7-б., 3-абз.
Дәвримиздики әң унтулған Рәссам
Тәбиәтниң һүнәр-сәнъитини техиму чоңқур чүшиниш бизни Яратқучимиз билән яхширақ тонушушқа ярдәм бериду. Әйса өзиниң шагиртлириға Җәлилийәниң әтрапида өсүватқан етиз гүллиригә қарап беқиңлар дегән. «Етиздики гүлләргә қарап үгиниңлар: улар ишлимәйду һәм тоқумайду, амма силәргә ейтимәнки, һәтта Сулайман падиша шан-шөһритиниң пәрвазида уларниң һәрбирсидәк кийинмигән еди» (Мт 6:28, 29). Етиздики ушшақ явайи гүлләрниң гөзәллиги, Худа адәмләрниң муһтаҗлиғиға бепәрва қаримайдиғанлиғини әслитиду.
Роһий гөһәрләрни издәйли
Йәһваниң нийити чоқум әмәлгә ашиду
5 Йәһва мәвҗудатлириниң һәрбиригә бәлгүлүк бир чәк қойған. У тәбиәт қанунлири билән әхлақий қанунларни орнатти. Мошу қанунларниң арқисида каинаттики мәвҗудатларниң һәммиси бир-бири билән уйғун һәрикәт қилиду (Зәбур 19:7—9). Каинатта һәр нәрсиниң өз орни билән атқуридиған роли бар. Мәсилән, тартиш күчи қануни атмосферани йәргә тартип туриду, океанларни вә униңдики суларниң көтирилиши вә тартилишини тәртипләйду. Тартиш күчи болмиса йәр йүзидә һаят мүмкин болмас еди. Каинаттики тәртип — Йәһваниң чәк қойғанлиғиниң нәтиҗиси. Буниңдин Худа йәрни вә инсанларни мәхсәт билән яратқанлиғи көрүниду. Биз вәз қилғанда адәмләргә мошу әҗайип каинатниң Яратқучисини тонуп-билишкә ярдәм беримиз (Вәһий 4:11).
25—31 МАРТ
ХУДА СӨЗИДИКИ ҒӘЗНӘ | ЗӘБУР 22
Әйсаниң өлүми тоғрилиқ алдин ейтилған пәйғәмбәрлик сөзләр
w21.04 30-б., 1-абз.
Оқурмәнләрниң соаллири
1 Әйса өлүми алдида қилған ахирқи сөзлиридин бир җүмлини Мәтта 27:46-айитидин оқалаймиз: «Илаһим, Илаһим, немишкә мени ташлавәттиң?» Мошу сөзлири арқилиқ Әйса Давутниң Зәбур 22:1-айитидә язған сөзлирини әмәлгә ашурған (Марк 15:34). Әйсаниң әшу сөзләрни нәқил кәлтүрүши, у үмүтсизләнгән яки вақтинчә етиқади аҗиз болған, дәп хуласә қилиш хата болиду. У немә үчүн өзиниң өлүш керәклигини вә өз ихтияри билән шундақ қилишиниң сәвәвини ениқ чүшәнгән (Мәт. 16:21; 20:28). Шундақла Әйса өлидиған вақтида, уни һимайә қилидиған қоршавни Йәһваниң елип ташлишиниң зөрүрлигини билгән еди (Аюп 1:10). Йәһва шундақ қилип Әйсани һимайә қилишни тохтатқан. Шундила Әйса, мәйли қандақ қийинчилиқ болсун, һәтта өлүм алдидиму садақәтмәнлигини сақлалайдиғанлиғини испатлалатти (Марк 14:35, 36).
w11 8/15 15-б., 13-абз.
Улар Мәсиһни тапти!
13 Давут Мәсиһни мазақ қилидиғанлиғи тоғрилиқ пәйғәмбәрлик сөзләрни ейтқан. (Зәбур 22:1ни оқуң). Түврүктә Әйса қийниливатқанда уни һақарәтлигән. Бу тоғрисида Мәтта мундақ дәп язған: «У җайдин өткән адәмләр башлирини чайқап, мундақ дәтти: «Һәй сән, мәркизий ибадәтханини бузуп үч күндә қурғучи, өзәңни қутқузғин! Әгәр Худаниң Оғли болсаң, азап түврүгидин чүшүп баққина!» Шуниңдәкла чоң роһанийлар ақсақаллар билән вә Тәврат устазлири униң үстидин күлишип: «Башқиларни қутқузған, өзини қутқузалмайдикән! У Исраил падишасимиш, әнди азап түврүгидин чүшүп бақсунчу, шуниңдин кейин биз униңға ишинимиз. У Худаға таянғанди, чүнки у: “Мән Худаниң Оғли”, дегән. Әгәр у Худаға әзиз болса, У уни һазир қутқузсун»,— дейишти (Мәтта 27:39—43). Әйса буниң һәммисини абройи билән көтәрди. Биз үчүн қандақ әҗайип үлгә дәңа һә!
w11 8/15 15-б., 14-абз.
Улар Мәсиһни тапти!
Мәсиһниң кийими үчүн чәк ташлайду. Зәбур язғучиси: ««Өз ара кийимлиримни бөлүватиду Вә улар һәққидә чәк ташлаватиду»,— дәп ейтқан (Зәбур 22:18). Дәл мошу сөзләр орунланди «Улар [Рим әскәрлири] уни түврүккә миқлиди, андин чәк ташлап, униң [Әйсаниң] сиртқи кийимини бөлүвелишти» (Мәт. 27:35; Йоһан 19:23, 24 ни оқуң).
Роһий гөһәрләрни издәйли
w22.04 7-б., 12-абз.
Сөзиңиздә үлгә боламсиз?
12 Һәммимиз жиғилишларда биргә нахша ейтсақ вә яхши тәйярлап кәлгән җавапларни бәрсәк, җамаәт жиғилишлиримизниң мувәппәқийәт өткүзүлүшигә өз һәссимизни қошалаймиз (Зәб. 22:22). Жиғилишларда нахша ейтиш вә җавап бериш бәзиләр үчүн қийин келиши мүмкин. Бу сизгиму қийинму? Әгәр шундақ болса, башқиларниң бундақ қорқунучни қандақ йәңгәнлигини билиш сизгиму ярдәм бериду.
1—7 АПРЕЛЬ
ХУДА СӨЗИДИКИ ҒӘЗНӘ | ЗӘБУР 23—25
«Йәһва — мениң Падичим»
w22 01 3, 4-б., 5, 6-абз.
«Йәһвани издигәнләрниң һечбир яхши нәрсиси кам болмас»
5 Давут Йәһваниң хизмәтчилириниң һечбир яхши нәрсиси кам болмас дегән сөзләрни қилғанда, у немини көздә тутқан? Бу соалға җавап тепишқа Зәбур 23-баптики сөзләрни муһакимә қилиш ярдәм бериду (Зәбур 23:1—6ни оқуң). Давут бу зәбурни мону сөзләр билән башлиған: «Йәһва — мениң Падичим. Мән муһтаҗлиқта болмаймән». Бу зәбурниң кейинки айәтлиридә Йәһвани өз Падичиси сүпитидә қобул қилған кишиниң мол бәрикәтләрдин һузур алидиғанлиғи йезилған. Йәһва уни «һәққанийәт йолида» башлайду. У яхши-яман пәйтләрдә Давутни садақәтмәнлик билән қоллап-қувәтлигән. Давут Йәһваниң «яп-йешил яйлақлирида» яшиғанда, қийинчилиқларға дуч келидиғанлиғини чүшәнгән. Бәзидә у өзини «өлүм сайиси болған җилғилардин» өткәндәк үмүтсиз һис қилған вә униң көп дүшмәнлири болған. Бирақ Йәһва униң Падичиси болғачқа, Давут һечқандақ хәтәрләрдин қорқмиған.
6 Демәк, Давутниң қайси җәһәттин яхши нәрсиси кам болмиған? Униң Йәһва билән йеқин мунасивәтни сақлиши үчүн зөрүр болған һәммә нәрсилири бар еди. Униң хошаллиғи маддий нәрсиләрниң көп болушиға бағлиқ болмиған. Йәһва тәминләп бәргән нәрсиләргә Давут қанаәт қилған. Униң үчүн әң муһими — Йәһваниң бәрикити вә һимайиси болған.
w11 5/1 31-б., 5-абз.
«Йәһва — мениң Падичим
Йәһва Худа бизни тәминләйду. Падичисиз қойлар өзлиригә тамақ тапалмиғандәк, бизму Худасиз роһий еһтияҗлиримизни қандураламаймиз (Мәтта 5:3). Йәһва Худа Өз хизмәтчилири үчүн җоза үстини молчилиқ билән растлаватиду (5-айәт). Муқәддәс китап вә тәтқиқ қилиш үчүн әдәбиятлар, мәсилән, мошуниңға охшаш әдәбият роһий еһтияҗлиримизни қанаәтләндүриду. Мошу әдәбиятлар арқилиқ һаятниң мәнаси немидә вә Худаниң биз үчүн болған ирадисини биләләймиз.
Роһий гөһәрләрни издәйли
w11 2/15 24-б., 1—3 абз.
Чин жүригиңиз билән адаләтликни яхши көрүң
ЙӘҺВА ХУДА Өзиниң Сөзи вә муқәддәс роһи арқилиқ хәлқини «һәққаний йоллирида» елип маңиду (Зәбур 23:3). Мукәммәлсизлигимиздин биз бу йолдин чиқип кетишимиз мүмкин. Бу йолға қайта туруш үчүн һеч немигә қаримастин күч чиқириш керәк. Бизгә һәққаний йолда утуқлуқ болуш үчүн немә ярдәм бериду? Әйсаға охшаш һәқиқәтни яхши көрүшимиз муһим (Зәбур 45:7ни оқуң).
2 «Һәққаний йоллирида» жүрүш дегән немини билдүриду? Бу Йәһва Худа Өзиниң һәққаний өлчәмлири бойичә орунлаштурған йоллар. «Һәққаний» дегән ибраний вә грек сөзи «тоғра вә дурус» дегән мәнани билдүриду вә шундақла әдәп-әхлақий өлчәмләргә риайә қилишқа дәвәт қилиду. Йәһва Худа «һәққанийлиқниң макани» дәп аталғанлиқтин, Униң хизмәтчилири торға йолни тепип меңиши үчүн Худаниң рәһбәрлигигә риайә қилиду (Йәр. 50:7).
3 Биз Худаниң һәққаний тәләплиригә риайә қилиш үчүн бар күчимиз билән тиришсақ, Униңға лайиқ болалаймиз (Қ. шәр. 32:4). Униң үчүн мүмкинқәдәр, Муқәддәс китаптин Йәһва Худа тоғрилиқ көпирәк билим елишимиз зөрүр. Йәһва Худа тоғрисида көп билгәнсири һәм һәр күни Униңға йеқинлашсақ, һәққанийлиқни бәк яхши көридиған болимиз (Яқуп 4:8). Һаятимизда муһим қарарларни чиқиришқа дуч кәлсәк, биз илһамландурулған Худа Сөзидики рәһбәрликкә бойсунушимиз керәк.
8—14 АПРЕЛЬ
ХУДА СӨЗИДИКИ ҒӘЗНӘ | ЗӘБУР 26—28
Давут нуқсансизлиғини қандақ мустәһкәмлигән?
w20.02 15-б., 9-абз.
Ичи тарлиқ билән күрәш қилип, инақлиққа интиләйли
9 Ичи тарлиқ қилишниң орниға кәмтәр болуш вә бариға шүкүр қилиш үчүн биз Йәһва Худаниң муқәддәс роһиниң ярдимигә муһтаҗ (Галатилиқларға 5:16; Филипиликләргә 2:3, 4ни оқуң). Муқәддәс роһ жүригимизниң чоңқур қатламлиридики ойлиримиз вә нийәтлиримизни тәкшүрүшкә ярдәм бериду. Худаниң ярдими билән биз яман ой-хияллар вә һис-туйғуларни яхши ой-пикирләр билән алмаштуралаймиз (Зәб. 26:2; 51:10). Һазир ичи тарлиқни йеңәлигән Муса пәйғәмбәр вә әлчи Паулниң мисаллирини көрүп чиқайли.
w18.10 7-б., 15-абз.
15 Яшлар тәңдашлириниң уларни қобул қилишини халайду. Шуңа улар һәтта иккиүз һәрикәт қилиши мүмкин. Улар аилиси вә етиқатдашлири билән болғанда, әхлақий җәһәттин пак көрүниду. Амма улар иҗтимаий алақә васитилирини ишләткәндә яки Йәһваға хизмәт қилмайдиған адәмләр билән болғанда, тамамән башқичә һәрикәт қилиду. Мәсилән, улар еғизини яман қилиши, әдәпсиз кийиниши, мәзмуни әхлақсиз нахшиларни тиңшиши, мәс болғичә һарақ ичиши, наркотик истимал қилиши, йошурун муһәббәтлишиши яки башқа әски ишларни қилиши мүмкин. Шундақ яшлар ата-анисини, етиқатдашлирини вә Йәһвани алдайду (Зәбур 26:4, 5). Бирақ Йәһва Уни пәқәт еғизидила мәдһийиләп, У өч көридиған ишларни қилидиған адәмләрни көриду (Марк 7:6). Шу сәвәптин: «Гуна қилғучиларға һәвәс қилма. Һәрдайим Пәрвәрдигардин қорқушта турғин»,— дегән сөзләргә қулақ селишимиз нәқәдәр яхши (Пәнд-нәсиһәтләр 23:17) (Изаһәткә қараң.).
w04 12/1 16-б., 17, 18-абз.
Һәққанийлиқниң йолида жүрүң
17 Исраилда Йәһва Худаға ибадәт қилишниң орни бу муқәддәс чедир билән қурбанлиқ елип келидиған җай болған. Бу җайни яхши көрүдиған Давут: «Йәһва! Мән ибадәтханидики маканиңни яхши Көримән вә Сениң шөһритиң Җайлашқан йәр-орнуңни сөйимән!»,— дәп дуа қилған (Зәбур 26:8).
18 Биз Йәһва Худа һәққидә билим алидиған орунларни яхши көримизму? Ибадәт өйи бүгүнки күндә дайим роһий тәлим беридиған һәқиқий ибадәт орни болуп һесаплиниду. Буниңдин сирт һәр жили регионлуқ, наһийилик конгресслар болуп туриду. Бу учришишларда Йәһва Худаниң нәсиһәтлири муһакимә қилиниду. Уларни бәк яхши көрсәк, учришишларға беришни яхши көрүп вә программиларни диққәт қоюп тиңшайдиған болимиз (Зәбур 119:167). Бизгә сәмимий ғәмхорлуқ қилидиған вә садақәтмәнлигимизни сақлап қелишқа ярдәм беришкә тәйяр етиқатдашлиримиз билән биллә болуш немә дегән яхши һә! (Ибранийларға 10:24, 25).
Роһий гөһәрләрни издәйли
w22.06 17-б., 13-абз.
Сөйгү-муһәббәт қорқунучни йеңишимизгә қандақ ярдәм бериду?
13 Зәбур 27:10 [26:10]ни оқуң). Биз бу айәттики әҗайип сөзләрдин тәсәлли тапалаймиз. Йәһва Худаниң бизгә болған чоңқур меһир-муһәббитини әстин чиқармисақ, һәрқандақ қаршилиққа дуч келиштин қорқмай, өзүмизни бехәтәр һис қилимиз. Биз Яратқучимизниң бәрдашлиқ бериш үчүн көрсәткән тиришчанлиғимизни мукапатлайдиғанлиғиға ишинимиз. Һечбир инсан бизниң җисманий, һиссий вә роһий еһтияҗлиримизни көйүмчан Атимиз Йәһвадәк тәминләп берәлмәйду. Жуқурида тилға елинған Биниам дәл шуни баштин өткүзгән
15—21 АПРЕЛЬ
ХУДА СӨЗИДИКИ ҒӘЗНӘ | ЗӘБУР 29—31
Йәһва Худа кимни яхши көрсә шуниңға тәрбийә бериду
it «Үз»
Үз
Бу сөз-ибариниң бирнәччә мәнаси бар. Йәһва Худа бирсидин үзини йошурғанда униңға рәһимлик қилмайдиғанлиғини яки қоллап-қувәтлимәйдиғанлиғини көрситиду. Қандақту бир адәм яки бир топ адәмләр, мәсилән Исраил хәлқи Униңға бойсунмиғанда Йәһва Худа улардин үзини йошурувалған (Ап 34:29; Зб 30:5—8; Йша 54:8; 59:2). Бәзидә Йәһва Худаниң үзини йошурғанлиғи бәлгүлигән вақит кәлмигичә, һәрикәт қилмайдиғанлиғини билдүргән (Зб 13:1—3). Давут гуналиримдин чирайиңни йошурғина дегән сөз билән Худадин кәчүрүм сориған (Зб 51:9; 10:11ни селиштуруң).
w20.02 25-б., 18-абз.
Йәһва Худа сизгә тәсәлли бериду
18 Җазани қобул қилиң. Йәһва Худа Натан пәйғәмбәрни Давутниң гунасини ашкарә қилиш үчүн әвәткәндә, Давут өзини ақлимиған яки гунасини еғир әмәстәк көрситишкә урунмиған. У пәқәт Батшебаниң еригила әмәс, әң муһими Йәһва Худаға қарши гуна қилғанлиғини дәрру бойниға алған. Давут Йәһва Худаниң җазасини қобул қилған вә Йәһва уни кәчүргән (Сам. 2-яз. 12:10—14). Шуңа биз еғир гуна қилип қойсақ, ақсақаллар билән сөзлишишимиз керәк (Яқуп 5:14, 15). Өзүмизни ақлашқа тиришмаслиғимиз лазим. Җаза мәйли қандақ болсун, уни қанчә тез қобул қилип, берилгән мәслиһәтләрни әмәлийәттә қоллансақ, шунчә тез течлиқ вә хошаллиққа еришимиз.
w21.10 6-б., 18-абз.
Һәқиқий товва қилиш дегән немә?
18 Җамаәттин чиқирилған бир киши өзиниң һәқиқий товва қилғанлиғини көрситиш үчүн, ибадәт жиғилишлириға давамлиқ қатнишиши, ақсақалларниң мәслиһәтлиригә қулақ селип, дуа қилиши вә Муқәддәс китапни оқушни давамлаштуруши керәк. У илгирики гунасини қайта тәкрарлашқа йетәкләйдиған вәзийәтләрдин өзини елип қечишқа тиришиши керәк. Әгәр у қайта Йәһва Худа билән болған мунасивитини яхшилашқа тиришса, у Йәһваниң уни тамамән кәчүридиғанлиғиға ишәнч қилалайду вә ақсақаллар униң җамаәткә қайтип келишигә ярдәм бериду. Ақсақаллар бир кишиниң һәқиқий товва қилған-қилмиғанлиғини билиш үчүн һәрикәт қилғанда, һәрбир вәзийәтниң охшимайдиғанлиғини билиду. Шуңа улар һәрбир вәзийәткә еһтиятчанлиқ билән қарап чиқиду. Улар алдирақсанлиқ билән һөкүм қилиштин сақлиниду.
Роһий гөһәрләрни издәйли
w06 5/15 19-б., 13-абз.
Зәбур китавидики пайдилиқ ой-пикирләр
Һакавурлар қайси мәнада җазалиниду? Адәм өзи билмәй хаталашқанда, Йәһва Худа уни тәрбийиләп җазалайду. Өзгүрүшни халимайдиған һакавур адәм толуғи билән җазалиниду (Пәнд-нәсиһәтләр 11:31; Петрусниң 1-хети 4:18).
22—28 АПРЕЛЬ
ХУДА СӨЗИДИКИ ҒӘЗНӘ | ЗӘБУР 32, 33
Немишкә еғир гунани етирап қилиш керәк?
w93 3/15 9-б., 7-абз.
Йәһва Худаниң меһир-шәпқити бизни үмүтсизликтин қоғдайду
7 Әгәр биз Йәһва Худаниң қануниға зит еғир гуна қилип қойсақ, уни өзүмиз иқрар қилишқа, һәтта Йәһва Худаниң алдида етирап қилишимиз асан болмаслиғи еһтимал. Шундақ вәзийәтләрдә немә ишлар йүз бериши мүмкин? Зәбур 32дә Давут етирап қилип: «Мән сүкүт сақлиғинимда, күндә товлишимдин Устиханлирим пүтүнләй қуруп кәтти, Чүнки кечә-күндүз Сениң қолуң үстүмдин Көтириклик еди. Яз аптивидә соғулғандәк, Һаятий ширнилирим қалмиди. (Селаһ)»,— дегән (3, 4-айәтләр). Давут өз гунайини йошуруп, вижданини тиңшимиғанда, интайин мағдирсизлинип, хошаллиқтин айрилған. Ғәм-қайғу уни шу қәдәр һалсизландурғанки, у қуруп кәткән дәрәққә охшап қалған. Нәтиҗидә у әқлий вә җисманий җапа тартқан. Қандақ болушидин қәтъий нәзәр, Давут хошаллиғидин мәһрум болған. Әгәр биз шундақ әһвалға чүшүп қалсақ, немә қилишимиз керәк?
w20.02 24-б., 17 абз.
Йәһва Худа сизгә тәсәлли бериду
17 Кәчүрүм сорап дуа қилиң. Давут әң ахирида Йәһва Худаға дуа қилған. У чин қәлбидин товва қилип, гуналирини бойниға алған (Зәбур 51:1—4ни оқуң). Бу униң көңлигә арамлиқ берип, уни хошал қилған (Зәб. 32:1, 2, 4, 5). Еғир гуна қилип қойсиңиз, уни йошурушниң орниға, Йәһва Худаға дуа қилип, гунайиңизни очуқ ейтиң. Шундақ қилсиңиз, көңлүңиз хатирҗәм болуп, вижданиңиз сизни қаттиқ азаплимайду. Лекин Йәһва Худа билән мунасивитиңизни қайта тикләшни халисиңиз, пәқәтла дуа қилиш йетәрлик әмәс.
w01 6/1 30-б., 1-абз.
Товва қилиш сағлам болушқа ярдәм бериду
Давут гунасини бойниға елип, өзини һеч немигә яримас дегән һис-туйғуға берилмигән. Униң язған зәбур нахшилирида гунасини иқрар қилип һәм давамлиқ Йәһва Худаға хизмәт қилишни қарар қилғанлиғини көрситиду. Мәсилән, Зәбур 32-бапни қараштурайли. 1-айәттә: «Кимниң қилмиши кәчүрүлсә вә кимниң гунайи Йепилса, шу киши бәхитликтур!», дегән сөзләрни оқуймиз. Гунайимиз қандақ болушидин қәтъий нәзәр, әгәр адәм гунасиға сәмимий товва қилса қайтидин бәхиткә еришиду. Давутқа охшаш шундақ сәмимийлик билән товва қилған адәм өзиниң иш-һәрикәтлиригә толуғи билән җавапкар болиду (Самуилниң 2-язмиси 12:13). У Йәһва Худаниң алдида өзини ақлимай, гунасини башқиларға артип қоймиған. 5-айәттә: «Ахири мән Саңа гунайимни ечип, әйивимни Йошурмидим. Мән: «Йәһваниң алдида Барчә қилмишлиримни ейтип берәй»,— дәп, Җүръәтләндим. Шуниң билән Сән мениңдин Гунайимниң әйивини еливәттиң», дәп ейтилған. Әгәр адәм гунасини чин жүригидин бойниға алса, бурун қилған гуналири үчүн Худаниң алдида униң виждани азапланмайду.
Роһий гөһәрләрни издәйли
w21.11 6-б., 14-абз.
Йәһваниң көрситидиған садиқ меһир-муһәббити
Йәһваниң садиқ сөйгү-муһәббити роһий җәһәттин қоғдайду. Давут Йәһваға дуа қилип, шундақ дегән: «Әй Пәрвәрдигар, Сән мениң панагаһимдурсән, Сақлайсән азаптин мени, Яңрар әтрапимда ниҗатлиқ нахшилири... Пәрвәрдигарниң мәңгүлүк [садиқ, ЙД] муһәббити қучақ ачар Униңға таянғанларға» (Зәб. 32:7, 10). Худди қедимки заманда шәһәрни қоршап турған сепил тамлар шу шәһәрниң хәлқини қоғдиғандәк, Йәһваниң садиқ сөйгү-муһәббити Униң билән болған мунасивитимизни бузидиған һәрқандақ хәтәрдин бизни қоғдайду. Униңдин башқа, садиқ меһир-муһәббәт Йәһвани бизни Өзигә йеқинлаштурушқа үндәйду (Йәр. 31:3).
29 АПРЕЛЬ—5 МАЙ
ХУДА СӨЗИДИКИ ҒӘЗНӘ | ЗӘБУР 34, 35
«Йәһвани һәр вақитта мәдһийиләймән»
w07 3/1 22-б., 11-абз.
Йәһва Худаниң исмини биллә мәдһийиләймиз
11 «Йәһвани һәр вақитта мәдһийиләймән Уни махташ еғизимдин чүшмәйду» (Зәбур 34:1). Давут қечип жүргәндә, күн көрүши үчүн ғәм-қайғуси көп болған болуши мүмкин. Жуқурида кәлтүрүлгән сөзләр униң турмуштики күндилик ишлири Йәһва Худани мәдһийиләшкә тосалғу болмиған. Биз күндилик турмушимизда қийинчилиқларға дуч кәлсәк, Давутниң әҗайип үлгисини тәқлит қилалаймиз. Мәйли, мәктәптә, ишта, етиқатдашлар билән биллә хизмәттә болсақму, Йәһва Худани мәдһийиләшкә интилишимиз муһим. Ойлап көрүң, шундақ қилишқа нурғунлиған сәвәпләр бар. Мәсилән, Йәһва Худаниң әҗайип яратмилирини тәтқиқ қилиш бизгә чәксиз хошаллиқ елип келиду. Йәһва Худаниң йәрдики тәшкилати немиләргә қол йәткүзгәнлигини ойлап көрүңа! Бүгүнки күндә мукәммәл адәм йоқ, шундақ болсиму, Йәһва Худа садақәтмән адәмләрни пайдилиниватиду. Худаниң ишлирини худадәк көргән адәмләрниң қилған ишлири билән селиштурушқа боламду? Давут: «Йәһва, худалар арисида Сениңдәк һечким йоқ Вә Сениң ишлириңға уларниң Ишлири тәң келәлмәйду!»,— дәп ейтқан (Зәбур 86:8).
w07 3/1 22-б., 13-абз.
Йәһва Худаниң исмини биллә мәдһийиләймиз
13 «Йәһва билән қәлбим шатлиқтур, Азап тартқанлар аңлап, хошал болсун» (Зәбур 34:2). Давут йәткән утуқлири билән махтанмиған. Мәсилән, у Гад падишасини қандақ алдап кәткәнлигини ейтип махтанмиған. Давут Гад шәһиридә болғанда, Йәһва Худа уни қоғдап, ярдәм бәргәнлиги үчүн қечип кәткәнлигини чүшәнгән (Пәнд-нәсиһәтләр 21:1). Давут өзи билән әмәс, Йәһва Худа билән махтанғанлиғи кәмтәр адәмләрниң Йәһва Худаға йеқин болушиға сәвәп болған. Әйсаму Йәһва Худаниң исмини һәр дайим мәдһийилигәнликтин, кәмтәр, үгинишкә интизар адәмләр Йәһва Худаға йеқинлашқан. Бүгүнки күндә барлиқ милләтләрдин кәмтәр адәмләр Әйсаниң майланған әгәшкүчилириниң хәлиқаралиқ учришишлириға қошулмақта (Колосилиқларға 1:18). Әйсаниң кәмтәр әгәшкүчилири Худаниң исмини мәдһийиләп, хуш хәвәрни ейтиватиду. Мошу хәвәрни кәмтәр адәмләр муқәддәс роһниң ярдими арқилиқ чүшәнгәнликтин уларниң қәлбигә қаттиқ тәсир қиливатиду (Йоһан 6:44; Әлчиләр 16:14).
w07 3/1 23-б., 15-абз.
Йәһва Худаниң исмини биллә мәдһийиләймиз
15 «Мән Йәһвани издиведим, У мени аңлиди. Барчә хәтәрдин мени қутулдурди» (Зәбур 34:4). Давут бу сөзләрни өз тәҗрибисидин ейтқан. У: «Ушбу бечарә чақириведи, Йәһва униңға қулақ Салди вә уни дәртлиридин қутқузди».— дегән (Зәбур 34:6). Етиқатдашлиримиз билән арилашқанда, Йәһва Худаниң бизгә қийин вәзийәтләрдә қандақ ярдәм бәргәнлиги һәққидә илһамландуридиған вақиәләрни ейтип беришкә көп мүмкинчиликләр болиду. Давутниң ейтқан сөзлири униң адәмлириниң етиқадини мустәһкәмлигәндәк, етиқатдашлиримизниңму етиқадини мустәһкәмләйду. Давутниң адәмлири «Униңға [Йәһва] қариғанлар билим алмақта, Уларниң үзлири изада қалмайду» (Зәбур 34:5). Саул падишадин қечип жүрсиму, улар уялмиған. Улар Худаниң Давутни қоллап-қувәтләватқанлиғиға ишәнч болған, шуңа уларниң үзлири чақнап кәтти. Шуниңға охшаш, йеңидин яки көп жиллардин бери, Йәһва Худаға хизмәт қиливатқанларниң һәммиси Униңға тайиниду. Улар Йәһва Худаниң қоллап-қувәтләватқанлиғини өз тәҗрибисидин билиду. Худаниң хизмәтчилириниң һазирдин башлап Униңға садақәтмәнлигини сақлашқа бәл бағлиғанлиғи уларниң чақнап турған үзлиридин көрүшкә болиду.
Роһий гөһәрләрни издәйли
w22.01 6-б., 12, 13-абз.
«Йәһвани издигәнләрниң һечбир яхши нәрсиси кам болмас»
12 Давут Йәһваниң садиқ екәнлигини вә Уни сөйгән кишиләргә У чоңқур көңүл бөлидиғанлиғини билгән. Давут 34-зәбурни язғанда, һаяти хәвп-хәтәр астида болсиму, Худаниң пәриштиси уни қоғдаватқанлиғини иман көзи билән көргән (Зәб. 34:7). Бәлким, Давут Йәһваниң пәриштисини дүшмәнләрниң келишини күзитип турған даладики чедир тиккән бир җәңчигә охшатқан. Давут батур бир җәңчи болған вә Йәһва униңға падишалиқни беришни вәдә қилған. Шундақтиму, Давут дүшмәнни мәғлуп қилишта өзиниң таш атидиған қабилийити яки қиличиға таянмиған (Сам. 1-яз. 16:13; 24:12). Давут Йәһваға тайинип, Униң ихласмәнләрни қоғдайдиған пәриштисигә ишәнч қилған. Әлвәттә, биз бүгүн мөҗүзилик йол билән қоғдилишни үмүт қилмаймиз. Амма биз билимизки, Йәһваға ишәнч бағлиғанлар, һәтта өлүп кәтсиму, мәңгүлүк һаятқа еришиду.
13 Йеқин кәлгүсидә Йәһваниң бизни қоғдашқа қадир екәнлигигә болған ишәнчимиз синаққа дуч келиду. Магогдин болған Гог, йәни Дөләтләр иттипақи Худа хәлқигә һуҗум қилғанда, һаятимиз хәтәр ичидә қалғандәк ойлишимиз мүмкин. Амма биз Йәһваниң бизни қоғдалайдиғанлиғиға вә қутқузидиғанлиғиға чоқум ишинишимиз керәк. Биз қаримаққа һечқандақ һимайиси йоқ қойлар охшаш көрүнимиз (Әзәк. 38:10—12). Бизниң қолумизда қураллиримиз йоқ вә җәң қилишниму үгәнмәймиз. Шуңа дөләтләр бизгә асанла һуҗум қилалаймиз дәп ойлайду. Улар бизниң ишәнч көзүмиз билән көргәнлиримизни көрәлмәйду. Биз Худаниң пәриштилириниң Униң хәлқи әтрапиға чедир тикип, уларни қоғдашқа тәйяр болғанлиғини көрүмиз. Амма улар роһий җәһәттин қарғу болғач, биз көргәнләрни көрәлмәйду. Асмандики қошунларниң биз үчүн җәң қилғанлиғини көргәндә, улар бәк һәйран қелишиду! (Вәһ. 19:11, 14, 15).