-
يەھۋا گۇۋاھچىلىرى قانداق كىشىلەر؟بۈگۈنكى كۈندە كىملەر يەھۋانىڭ ئىرادىسىنى ئورۇنداۋاتىدۇ؟
-
-
1-دەرس
يەھۋا گۇۋاھچىلىرى قانداق كىشىلەر؟
دانىيە
تەيۋەن
ۋېنېسۇئېلا
ھىندىستان
يەھۋا گۇۋاھچىلىرىدىن بىرەرسىنى تونۇمسىز؟ بەزىلىرىمىز قوشنىڭىز، خىزمەتدىشىڭىز ياكى ساۋاقدىشىڭىز بولۇشىمىز مۇمكىن. بەلكىم ئىلگىرى بىز بىلەن مۇقەددەس كىتاب ھەققىدە سۆزلەشكەنسىز. ئۇنداقتا بىز زادى كىم؟ نېمە ئۈچۈن مۇقەددەس كىتاب ھەقىقىتىنى باشقىلار بىلەن ئورتاقلىشىمىز؟
بىز ئاددىي ئادەملەر. بىز ھەرخىل ئارقا كۆرۈنۈش ۋە ئىجتىمائىي ئورۇنغا ئىگە كىشىلەردۇرمىز. يەھۋا گۇۋاھچىلىرى بولۇشتىن ئىلگىرى، بەزىلىرىمىز ھەرخىل دىنغا ئېتىقاد قىلغان ۋە يەنە بەزىلىرىمىز خۇداغا ئىشەنمىگەن. بىراق، ھەممىمىز ۋاقىت چىقىرىپ مۇقەددەس كىتاب تەلىملىرى ھەققىدە قىزىقىپ ئىخلاس بىلەن ئىزدەنگەن (ئەلچىلەر 17:11). ئۆگەنگەن بىلىملەرنىڭ ھەقىقەت ئىكەنلىكىنى كۆرۈپ يەتكەندىن كېيىن، يەھۋا خۇداغا ئىبادەت قىلىشنى شەخسەن ئۆزىمىز قارار قىلغان.
مۇقەددەس كىتاب ئۆگىنىش بىزنى پايدا-مەنپەئەتكە ئېرىشتۈرىدۇ. باشقىلارغا ئوخشاش، بىزمۇ قىيىنچىلىقلارغا دۇچ كېلىمىز ۋە كەمچىلىكلىرىمىز بار. ئەمما، مۇقەددەس كىتاب قائىدە-پرىنسىپلىرىنى كۈندىلىك تۇرمۇشىمىزغا ئەمەلىي تەتبىقلاش بىزنى بەخت-سائادەتكە ئېرىشتۈرىدۇ (زەبۇر 128:1، 2). بۇ نېمە ئۈچۈن مۇقەددەس كىتابتىن ئۆگەنگەنلىرىمىزنى باشقىلار بىلەن ئورتاقلىشىشىمىزنىڭ بىر سەۋەبىدۇر.
خۇدانىڭ ئەخلاق ئۆلچەملىرى بويىچە ياشايمىز. مۇقەددەس كىتاب ئۆلچەم-قائىدىلىرى باشقىلارنى ھۆرمەتلەش، سەمىمىي ۋە مېھرىبان بولۇشقا ئوخشاش ياخشى مىجەز-خۇلقلارنى يېتىلدۈرۈشكە ياردەم بېرىدۇ. كىشىنى بەخت-سائادەتكە يېتەكلەيدۇ. ئەدەب-ئەخلاق كۆزقارىشىنى ئۆستۈرۈپ، ئائىلىنى ئىناقلاشتۇرىدۇ. ساغلام ئىدىيىلىك جەمئىيەتكە تۆھپە قوشقۇچىلارنى يېتىشتۈرىدۇ. بىز «خۇدانىڭ ھەرقانداق ئادەمنى . . . تەڭ كۆرىدىغانلىقىنى» چوڭقۇر چۈشەنگەچ، ئىرقىي كەمسىتىش ۋە سىياسىي ئايرىمچىلىقلاردىن خالىي بولغان، ئېتىقادچى قېرىنداشلارنىڭ خەلقئارالىق ھەقىقىي چوڭ ئائىلىسى بولۇپ ئۇيۇشقان. بىز ئاددىي ئادەملەر بولساقمۇ، ئۆزگىچە بىر توپ كىشىلەر بولۇپ تەشكىللەنگەن. — ئەلچىلەر 4:13؛ 10:34، 35.
يەھۋا گۇۋاھچىلىرىنىڭ باشقىلار بىلەن قانداق ئورتاقلىقى بار؟
يەھۋا گۇۋاھچىلىرى مۇقەددەس كىتابتىن قانداق ئۆلچەم-قائىدىلەرنى ئۆگەنگەن؟
-
-
بىز نېمە ئۈچۈن يەھۋا گۇۋاھچىلىرى دەپ ئاتالغان؟بۈگۈنكى كۈندە كىملەر يەھۋانىڭ ئىرادىسىنى ئورۇنداۋاتىدۇ؟
-
-
2-دەرس
بىز نېمە ئۈچۈن يەھۋا گۇۋاھچىلىرى دەپ ئاتالغان؟
نۇھ
ئىبراھىم ۋە سارە
مۇسا
ئەيسا مەسىھ
نۇرغۇن كىشىلەر يەھۋا گۇۋاھچىلىرىنى يېڭى دىنغا ئېتىقاد قىلغۇچىلار، دەپ ئويلىشىدۇ. ئەمەلىيەتتە، 2700 يىل ئىلگىرى ھەق خۇدانىڭ خىزمەتچىلىرى، ئۇنىڭ ‹گۇۋاھچىلىرى›، دەپ ئاتالغان (يەشايا 43:10–12). بىز 1931-يىلغىچە مۇقەددەس كىتابنى ئۆگەنگۈچىلەر، دەپ ئاتىلىپ كەلگەن. ئۇنداقتا، نېمە ئۈچۈن يەھۋا گۇۋاھچىلىرى دېگەن ئىسىمنى قوللاندۇق؟
بۇ نام خۇدايىمىزنىڭ كىملىكىنى كۆرسىتىپ بېرىدۇ. مۇقەددەس كىتابنىڭ قەدىمقى قول يازمىلىرىدا، خۇدانىڭ، يەھۋا، دېگەن ئىسمىنى نەچچە مىڭ قېتىم ئۇچرىتىشقا بولىدۇ. ئەمما، كۆپلىگەن تەرجىمە نۇسخىلاردا بۇ ئىسىمنىڭ ئورنىغا پەرۋەردىگار، رەب ياكى خۇدا، دېگەنگە ئوخشاش نام-ئۇنۋانلار ئىشلىتىلگەن. قەدىمدە ھەق خۇدا مۇسا پەيغەمبەرگە ئۆزىنىڭ ئىسمىنى يەھۋا، دەپ ئاشكارىلاپلا قالماستىن، يەنە مۇنداق دېگەن: «ئەبەدكىچە بۇ مېنىڭ ئىسمىم» (چىقىش 3:15، ب ج). بۇ ئارقىلىق، ئۇ ئۆزىنى بارلىق يالغان ئىلاھلاردىن پەرقلەندۈرگەن. بىز خۇدانىڭ ئۇلۇغ ئىسمى بىلەن ئاتالغانلىقىمىزدىن پەخىرلىنىمىز.
بۇ نام بۇرچىمىزنى كۆرسىتىپ بېرىدۇ. ھەققانىي ئادەم ھابىلدىن باشلاپ، قەدىمقى ئىخلاسمەن كىشىلەر يەھۋاغا بولغان ئىمان-ئېتىقادى ھەققىدە باشقىلارغا گۇۋاھلىق بېرىپ كەلگەن. ئەسىرلەر داۋامىدا، ‹چوڭ بۇلۇتتەك گۇۋاھچىلار› قاتارىغا نۇھ، ئىبراھىم، سارە، مۇسا، داۋۇت ۋە باشقىلار قوشۇلغان (ئىبرانىيلار 11:4–12:1). خۇددى بىرەيلەن گۇناھسىز كىشىنى ئاقلاش ئۈچۈن سوتتا گۇۋاھلىق بەرگەندەك، بىز ھەم خۇدا توغرىسىدىكى ھەقىقەت ئۈچۈن باشقىلارغا گۇۋاھلىق بېرىمىز.
مەسىھنى ئۈلگە قىلىمىز. مۇقەددەس كىتاب، ئەيسانى «سادىق ۋە ئىشەنچلىك گۇۋاھچى»، دەپ ئاتىغان (ۋەھىيلەر 3:14). ئەيسا ئۆزى ‹خۇدا ئىسمىنى بىلدۈردۈم› داۋاملىق خۇدا توغرۇلۇق ‹ھەقىقەتكە گۇۋاھلىق بېرىمەن›، دېگەنىدى (يۇھاننا 17:26، بج؛ 18:37). شۇڭا، مەسىھنىڭ ھەقىقىي ئەگەشكۈچىلىرى يەھۋا ئۈچۈن گۇۋاھلىق بېرىپ، ئۇنىڭ ئىسمىنى باشقىلارغا بىلدۈرۈشى كېرەك. يەھۋا گۇۋاھچىلىرى دەل شۇنداق قىلىش ئۈچۈن تىرىشماقتا.
مۇقەددەس كىتابنى ئۆگەنگۈچىلەر نېمە ئۈچۈن يەھۋا گۇۋاھچىلىرى دېگەن ئىسىمنى قوللانغان؟
يەر يۈزىدە قاچاندىن باشلاپ يەھۋا ئۈچۈن گۇۋاھلىق بەرگۈچىلەر بولغان؟
كىم يەھۋا ئۈچۈن گۇۋاھلىق بېرىشتە ئەڭ ياخشى ئۈلگە بولغان؟
-
-
مۇقەددەس كىتاب ھەقىقىتى قانداق قىلىپ قايتا بايقالغان؟بۈگۈنكى كۈندە كىملەر يەھۋانىڭ ئىرادىسىنى ئورۇنداۋاتىدۇ؟
-
-
3-دەرس
مۇقەددەس كىتاب ھەقىقىتى قانداق قىلىپ قايتا بايقالغان؟
مۇقەددەس كىتابنى ئۆگەنگۈچىلەر، 1870-يىللىرى
«كۆزىتىش مۇنارى» نىڭ تۇنجى سانى، 1879-يىل
بۈگۈنكى كۈندىكى «كۆزىتىش مۇنارى»
مۇقەددەس كىتابتا، مەسىھنىڭ ئۆلۈمىدىن كېيىن، مەسىھ ئەگەشكۈچىلىرى ئارىسىدا ساختا يېتەكچىلەر پەيدا بولۇپ، مۇقەددەس كىتاب ھەقىقىتىنى بۇرمىلاپ ساختىلاشتۇرىدىغانلىقى ھەققىدە بېشارەت قىلىنغان (ئەلچىلەر 20:29، 30). ۋاقىتنىڭ ئۆتۈشى بىلەن، دەل شۇنداق ئىشلار يۈز بەرگەن. شۇ يېتەكچىلەر غەيرى دىنىي ئىدىيىلەرنى ئەيسانىڭ تەلىملىرىگە ئارىلاشتۇرغان، نەتىجىدە مەسىھنىڭ ساختا ئەگەشكۈچىلەر توپى پەيدا بولغان (2-تىموتىي 4:3، 4). مۇقەددەس كىتاب زادى نېمە ھەقىقەتنى ئۆگىتىدىغانلىقى ھەققىدە بۈگۈنكى كۈندە توغرا چۈشەنچىگە ئىگە بولغانلىقىمىزغا قانداق جەزم قىلالايمىز؟
يەھۋانىڭ ھەقىقەتنى ئاشكارىلاش ۋاقىت-سائىتى يېتىپ كەلدى. يەھۋا خۇدا: ‹زاماننىڭ ئاخىرقى كۈنلىرىدە، ھەقىقىي بىلىم ئېشىپ زىيادە مول بولىدۇ› دەپ ئالدىن ئېيتقانىدى (دانىيال 12:4، بج). 1870-يىلغا كەلگەندە، كىچىك بىر گۇرۇپپا ھەقىقەتنى ئىزدىگۈچىلەر دىنىي ئۇستازلارنىڭ تەلىملىرىنىڭ مۇقەددەس كىتابقا ماس كەلمەيدىغانلىقىنى كۆرۈپ يەتكەن. شۇڭا، ئۇلار مۇقەددەس كىتابنىڭ ئەسلى تەلىملىرىنى چۈشىنىش ئۈچۈن ئىزدىنىشنى باشلىغان. يەھۋا ئۇلارنىڭ كۆرسەتكەن تىرىشچانلىقلىرىنى بەرىكەتلىگەن.
سەمىمىي كىشىلەر ئىخلاس بىلەن مۇقەددەس كىتابنى تەتقىق قىلغان. مۇقەددەس كىتابنىڭ ئۆگەنگۈچىلىرى، يەنى دەسلەپكى ئىخلاسمەن ئېتىقادچى قېرىنداشلىرىمىزنىڭ تەتقىق قىلىپ ئۆگىنىش ئۇسۇلىنى بىز ھەم بۈگۈنكى كۈندە ئىشلىتىمىز. ئۇلار مۇقەددەس كىتابنى تېما بويىچە بىرمۇ بىر مۇھاكىمە قىلغان. مۇقەددەس كىتابتىكى چۈشىنىش قىيىن بولغان مەزمۇنغا دۇچ كەلگەندە، شۇنى چۈشەندۈرىدىغان باشقا ئايەتلەرنى ئىزدىگەن. ئۇلار باشقا ئايەتلەرگە ماس كېلىدىغان بىر خۇلاسىنى چىقارغاندا، شۇ خۇلاسىنى خاتىرىلەپ قويغان. شۇنداق قىلىپ، مۇقەددەس كىتاب ئۆز-ئۆزىنى چۈشەندۈرگەن. ئۇلار خۇدانىڭ ئىسمى ۋە پادىشاھلىقى، ئۇنىڭ ئىنسانلار ۋە يەر شارى ئۈچۈن قىلغان مەقسىتى، ئۆلۈكلەرنىڭ ئەھۋالى ۋە تىرىلدۈرۈلۈش ئۈمىدى توغرىسىدىكى ھەقىقەتلەرنى قايتا بايقىغان. ئۇلارنىڭ ئىزدىنىشى ئۇلارنى نۇرغۇن دىنىي يالغانچىلىقلار ۋە ناتوغرا ئادەتلەردىن ئازاد قىلغان. — يۇھاننا 8:31، 32.
1879-يىلغا كەلگەندە، مۇقەددەس كىتابنى ئۆگەنگۈچىلەر ھەقىقەتنى كەڭ دائىرىدە بىلدۈرۈش ۋاقتىنىڭ يېتىپ كەلگەنلىكىنى بىلىپ يەتكەن. شۇڭا، ئۇلار شۇ يىلى بىر ژۇرنالنى نەشىر قىلىشنى باشلىغان، بۈگۈنكى كۈندە «كۆزىتىش مۇنارى يەھۋانىڭ پادىشاھلىقىنى جاكارلىماقتا»، دېگەن نام بىلەن شۇ ژۇرنالنى نەشىر قىلىپ كېلىۋاتىمىز. ھازىر، بىز 240 دۆلەتتە تەخمىنەن 750غا يېقىن تىللاردا كىشىلەر بىلەن مۇقەددەس كىتاب ھەقىقىتىنى ئورتاقلىشىۋاتىمىز. ھەقىقىي بىلىم ھېچقاچان بۈگۈنكىدەك زىيادە مول بولغان ئەمەس!
مەسىھ ئۆلۈمىدىن كېيىن، مۇقەددەس كىتاب ھەقىقىتىگە مۇناسىۋەتلىك قانداق ئىشلار يۈز بەرگەن؟
مۇقەددەس كىتابنىڭ ھەقىقىتىنى قايتا بايقاش ئۈچۈن بىز قانداق ياردەمگە ئېرىشكەن؟
-
-
«يېڭى دۇنيا تەرجىمىسى»نى نېمە ئۈچۈن نەشىر قىلدۇق؟بۈگۈنكى كۈندە كىملەر يەھۋانىڭ ئىرادىسىنى ئورۇنداۋاتىدۇ؟
-
-
4-دەرس
«يېڭى دۇنيا تەرجىمىسى»نى نېمە ئۈچۈن نەشىر قىلدۇق؟
كونگو (كىنشاسا)
رۋاندا
ئۈچىنچى ياكى تۆتىنچى ئەسىرگە تەۋە، سىمماكۇس قول يازمىسىنىڭ زەبۇر 69:31-ئايىتىدە، ئۇلۇغ ئىسىم ئىشلىتىلگەن
نەچچە ئون يىللار مابەينىدە يەھۋا گۇۋاھچىلىرى مۇقەددەس كىتابنىڭ ھەر خىل نەشىرى نۇسخىلىرىنى ئىشلەتكەن، بېسىپ چىقارغان ۋە تارقاتقان. لېكىن، كىشىلەرنىڭ ھەقىقەت توغرۇلۇق توغرا بىلىم ئېلىشىغا كۆپرەك ياردەم بېرەلەيدىغان يېڭى بىر تەرجىمىنىڭ بولۇشىنىڭ زۆرۈرلىكىنى كۆرۈپ يەتتۇق (1-تىموتىي 2:3، 4). شۇڭا، 1950-يىلىدىن باشلاپ، مۇقەددەس كىتابنىڭ ھازىرقى زامان ئىنگلىزچە «يېڭى دۇنيا تەرجىمىسى» نى بۆلەكلەر بويىچە نەشىر قىلىپ تارقاتتۇق. بۇ تەرجىمە نۇسخىسى ھازىرغىچە 130 دىن ئارتۇق تىللارغا توغرا تەرجىمە قىلىندى.
چۈشىنىشلىك بىر مۇقەددەس كىتاب تەرجىمىسىنىڭ بولۇشى بەكمۇ زۆرۈر بولغان. ۋاقىتنىڭ ئۆتۈشىگە ئەگىشىپ تىللاردا ئۆزگىرىشلەر بولىدۇ. كۆپلىگەن تەرجىمىلەر مەنىسى ئېنىقسىز ياكى قوللىنىشتىن قالغان سۆز ئىبارىلەرنى ئۆز ئىچىگە ئالغاچ، ئوقۇپ چۈشىنىش ئاسان ئەمەس. ئۇنىڭدىن باشقا، يېقىندا تېخىمۇ كۆپ قەدىمقى قول يازمىلار تېپىلغان. شۇلار مۇقەددەس كىتاب زامانىدىكى ئىبرانىي، ئارامىي ۋە گرېك تىللىرىنى ياخشىراق چۈشىنىشكە ياردەم بېرىدۇ.
خۇدا سۆزىگە سادىق بىر تەرجىمىنىڭ بولۇشى بەكمۇ زۆرۈر بولغان. مۇقەددەس كىتابنى تەرجىمە قىلغۇچىلار خۇدانىڭ ئىلھامى بىلەن يېزىلغان يازمىلارنىڭ مەزمۇنىنى ئۆزگەرتمەي، ئەسلى تېكىستكە سادىق تەرجىمە قىلىشى شەرت. ئەمما، كۆپىنچە مۇقەددەس كىتاب تەرجىمە نۇسخىلىرىدا ئۇلۇغ ئىسىم، يەھۋا، ئىشلىتىلمىگەن.
مۇقەددەس كىتابنىڭ مۇئەللىپىگە شان-شەرەپ كەلتۈرىدىغان بىر تەرجىمىنىڭ بولۇشى بەكمۇ زۆرۈر بولغان (2-سامۇئىل 23:2). تۆۋەندە كۆرسىتىلگەن سۈرەتتىكىگە ئوخشاش، قەدىمقى مۇقەددەس كىتاب قول يازمىلىرىدا، يەھۋا، دېگەن ئىسىم 7000 قېتىمچە ئۇچرايدۇ. شۇ قول يازمىلاردا يېزىلغىنى بويىچە، «يېڭى دۇنيا تەرجىمىسى»دە يەھۋا دېگەن ئىسىم ئەسلى ئورنىغا قايتا قويۇلغان (زەبۇر 83:18). كۆپ يىللىق تىرىشىپ ئىزدىنىش نەتىجىسىدە، ئوقۇغاندا كىشىگە زوق بېغىشلايدىغان، خۇدانىڭ كۆزقارىشىنى ئېنىق كۆرسىتىپ بېرىدىغان بىر تەرجىمە بارلىققا كەلگەن. سىزدە ئانا تىلىڭىزدىكى «يېڭى دۇنيا تەرجىمىسى» بولسۇن ياكى بولمىسۇن، سىزنى يەھۋانىڭ سۆزىنى كۈندە ئوقۇشنى ئادەتكە ئايلاندۇرۇشقا ئۈندەيمىز. — يەشۇ 1:8؛ زەبۇر 1:2، 3.
نېمە ئۈچۈن بىز مۇقەددەس كىتابنىڭ يېڭى بىر تەرجىمىسى بولۇشى زۆرۈر دېگەن قارارغا كەلدۇق؟
نېمىنى كۈندىلىك ئادەتكە ئايلاندۇرۇش خۇدا ئىرادىسىنى بىلىشنى خالايدىغانلار ئۈچۈن پايدىلىق؟
-