ISAYA

 2 Yeveleli, Availu kuenda yevelela lutate A ilu lieve,+

Momo Yehova wa popia hati:

“Nda tekula kuenda nda tata omãla,+

Pole, ovo va ndi ñualelapo.+

 3 Ongombe ya kũlĩha cime cayo,

Kuenda ocimbulu ca kũlĩha ocimanga ca cime cayo;

Pole, o Isareli ka ya ndi kũlĩhĩle,*+

Omanu vange ka va lingi ovina lelomboloko.”

 4 Ngongo yofeka yekandu,+

Omanu vaco va kuete eko,

Ocitumbulukila colondingaĩvi, comãla vãvi!

Ovo va yanduluka Yehova;+

Ovo va tata Suku o Kola ya Isareli lekambo liesumbilo;

Ovo vo wimba onyima.

Utue wosi u vela,

Kuenda utima wosi u kuete uvei.+

Kuli apute, loku lemẽhiwa kuenda apute a longa

Apute aco ka a tatiwile,* ale oku muñiwa onjambo ndaño oku wavekiwa lulela.+

 8 Omanu vo ko Siono va yandulukiwa ndombalaka yimue vocumbo cayuva,

Ndocipundo cimue vepia liolungu,

Ndolupale lumue lua ñualiwa ocingonja.+

 9 Nda Yehova ukualohoka ka tu sililepo ovisupe vimue,

Nda tua linga ndo Sodoma,

Kuenda nda tua sokisiwa lo Gomora.+

“Ovilumba viene vioku pia elisi, violomeme+ kuenda viulela wovinyama via neta, via ñuma,+

Kuenda si sanjukila osonde+ yotulongombe,+ yolomeme kuenda yovitupi violohombo.+

12 Eci ene wiyi kovaso ange,+

Helie wa pinga kokuene,

Okuti vu liata kocitali cange?+

Olosãi viokaliye,+ lasambata,+ oku kovonga olohongele+

Si pondola oku ecelela oku talavaya lunene wumbanda+ kumue lohongele yene yilikasi.

Ovio via linga ocilemo kokuange;

Ame nda kava lavio.

15 Eci wu tuliki ovaka ene oco vu likutilili,

Ndi sitikila ovaso ange kokuene.+

Ndaño vu linga olohutililo vialua,+

Ame si vi yevi;+

Ovaka ene eyuka osonde.+

16 Lisukuli ene muẽle kuenda liyelisi ene muẽle;+

Tundisi kovaso ange ovilinga viene ka via sungulukile;

Liwekipo oku linga eci cĩvi.+

17 Lilongisi oku linga eci ciwa, sandi esunga,+

Tamãlali lukuakukangisa,

Teyuili esunga liomõla ka kuete isia,*

Kuenda tetululi ocitangi cocimbumba.”+

“Ndaño okuti akandu ene a kusuka,

A ka yela ndocikokoto;+

Ndaño a kusuka ngẽ ndonanga yohusu,

A ka yela calua ndovonya a yela.

19 Nda vu lekisa onjongole kuenda vu yevelela,

Vu ka lia ovina viwa viofeka.+

20 Pole, nda ene vu likala kuenda vu sina,

Vu ka nyõliwa losipata,+

Momo omẽla wa Yehova owo wa ci popia.”

Oluo lueyukile esunga;+

Vokualuo mua kala esunguluko,+

Pole, cilo vokualuo muli lika olomondi.+

22 Opalata yene ya pongoloka eyala,+

Kuenda ovinyua* viene vi koluisa, via vokiyiwa ovava.

Ka va lekisa esunga komãla ka va kuete isia,*

Kuenda ocitangi cocimbumba lalimue eteke ci pitĩla kokuavo.+

24 Omo liaco, Ñala yocili Yehova ukualohoka,

Una Ukuonene wa Isareli wa popia hati:

“Ci tẽla! Ndi ka liyovola kovanyãli vange,

Kuenje ndi ka fetuluinya ovanyãli vange.+

25 Eka liange li ka ku katukila,

Ndi kopa eliño liosi kokuove,

Ndeci omanu va yengulula opalata oco yi yele.+

26 Ndi ka nena vali olonganji viene ndeci kefetikilo

Kuenda olondunguli viene ndeci kefetikilo.+

27 O Siono yi ka yovuiwa lesunga,+

Kuenda omanu vayo vana va tiuka, va ka yovuiwa lesunguluko.

28 Vakuesino kuenda vakuakandu, va ka kunduiwila pamosi,+

Kuenje vana va yanduluka Yehova va ka sulila.+

29 Momo ovo va ka kuata osõi yoviti via pama vina ene wa yonguili,+

Kuenje ene vu ka kuata osõi omo lioviumbo* violonelẽho ene wa nõli.+

30 Momo ene vu ka kala nduti umue unene okuti, amẽla aco a kasi oku uvuka,+

Kuenda ndocumbo cimue colonelẽho ka ci kuete ovava.

31 Ulume wa pama, o ka kala ndowangu wa kukuta,

Upange waye u ka kala ndolusãse lumue;

Kavali kavio vi ka pila kumosi,

Lomue o ka vima.”

 2 Konepa ya sulako yoloneke,*

Omunda yonjo ya Yehova

Yi ka velapo koku lepa okuti, olomunda viosi vi sule,

Kuenda oyo yi ka pitahãla oviwulu koku lepa,+

Kuenje olofeka viosi vi ka lamanelako.+

“Enjui, tu lamaneli komunda ya Yehova,

Konjo ya Suku ya Yakoba.+

Eye o ka tu longisa eci catiamẽla kolonjila viaye,

Kuenje etu tu ka endela volonjila viaye.”+

Momo ocihandeleko* ci ka tunda ko Siono,

Kuenda ondaka ya Yehova yi ka tunda ko Yerusalãi.+

 4 Suku o ka kala ndonganji pokati kolofeka

Kuenda eye o ka tetulula ovitangi pokati komanu valua.

Ovo va ka pongolola olosipata viavo oco vi linge atemo

Kuenda ovonga avo a ka linga olomĩla.+

Ofeka ka yi ka katukila ofeka yikuavo losipata,

Ka va ka lilongisa vali uyaki.+

 5 Anjo ya Yakoba enjui,

Tu endeli vocinyi ca Yehova.+

 6 Momo ove wa yanduluka omanu vove okuti, onjo ya Yakoba,+

Momo ovo veyukisiwa lovina vio Kutundilo;

Ovo va siata oku tãha+ nda va Filisiti,

Kuenda pokati kavo pali ovingendeleyi vialua.

 7 Ofeka yavo yeyuka opalata lulu,

Kuenda ovokuasi avo ka a tendiwa.

Ofeka yavo yeyukisiwa lolokavalu,

Kuenda akãlu avo uyaki ka a tendiwa.+

Ovo va kekamẽla kovopange ovaka avo muẽle,

Kovaso yeci ovimuine viavo muẽle via panga.

 9 Omo liaco, omanu va livondela kuenda va kutisiwa osõi,

Kuenje ka citava okuti ove o va ecela.

10 Iñila vesenje kuenda li solama voneketela

Omo liemolẽho li komõhisa lia Yehova

Kuenda ulamba wunene waye.+

11 Ovaso a vakuakulipanda a ka kutisiwa osõi,

Kuenda omanu vakuepela, va ka kutisiwa osõi.

Olio li kasi oku iya ku vosi vakuakulipanda haivo va livelisapo,

Li kasi oku iya ku vosi, ci kaile ku vana va kemãla ale kolosuke,+

13 Li kasi oku iya koviti viosi viosedru vio ko Levanone via velapo havio via kemãla

Kuenda li kasi oku iya kovilemba viosi vio ko Basiane,

14 Olio li kasi oku iya kolomunda viosi via velapo

Kuenda koviwulu viosi via lepa,

15 Olio li kasi oku iya kilu liosapalalo yosi ya lepa kuenda kocimbaka cosi ci kuete oviteyuilo,

16 Olio li kasi oku iya kolonaviyu viosi vio ko Tarsisi+

Kuenda kawato osi a soliwa.

17 Omanu vakuakulipanda va ka kutisiwa osõi,

Kuenda omanu vakuepela va ka kutisiwa osõi.

19 Kuenje omanu va ka iñila valeva asenje

Kuenda vovitunu vioposi,+

Omo liemolẽho li komõhisa lia Yehova

Kuenda liulamba wunene waye,+

Eci eye a ka katuka oco a lulumise ongongo lusumba walua.

20 Keteke liaco, omanu va ka tikula olosuku viavo ka vi kuete esilivilo viopalata kuenda viulu

Vina ovo muẽle va li pangela oco va vi kekamẽle

Kuenje va ka vimba kolonete kuenda kolondilili,+

21 Oco va iñile valeva asenje

Kuenda vovitelele viovawe a toka,

Omo liemolẽho li komõhisa lia Yehova

Kuenda liulamba wunene waye,

Eci eye a ka katuka oco a lulumise ongongo lusumba walua.

22 Oco vu kuatisiwi, liwekipo oku kolela komunu,

Una okuti, efuimo li kasi vanyulu aye.

3 Tali! Ñala yocili, Yehova ukualohoka,

O kasi oku tundisa ko Yerusalãi kuenda ko Yuda ekuatiso liosi kuenda okulia,

Ekuatiso liosi liombolo kuenda liovava,+

 2 Omunu wa pama kuenda ukuavita,

Onganji kuenda uprofeto,+ ukuakutãha kuenda ukulu,

 3 Usongui 50,+ la una wa kemãla kuenda ondunguli,

Una wa loñoloha koku tãha kuenda una wa loñoloha koku linga ovina.+

 4 Ndi ka lingisa okuti, akuenje va kala olombuale viavo,

Kuenda una wa hongua* o ka va viala.

 5 Omanu va ka lambalala omunu lukuavo,

Omunu lomunu lu a lisungue laye.+

Umalẽhe o ka ñualelapo ukulu,

Kuenda una ka kapiwileko o ka velapo una wa sumbiwa.+

“Si ka kayisa* apute ove;

Si kuete okulia ale uwalo vonjo yange.

 8 Momo o Yerusalãi ya lilondoka,

Kuenda o Yuda ya kupuka,

Momo kolondaka kuenda kovilinga, va ñualelapo Yehova;

Ovo va lekisa esino eci a lisituluila kovaso yulamba waye.*+

 9 Emolẽho liovipala viavo, li eca uvangi watiamẽla kokuavo,

Kuenje ovo va sandeka ekandu liavo ndo Sodoma;+

Ovo ka va seteka oku limbika ekandu liaco.

10 Sapuila vakuesunga okuti, ovina viosi vi ka enda ciwa kokuavo;

Ovo va ka sumũlũisiwa omo liovina viosi va siata oku linga.*+

Ovitangi vi keya kokuavo,

Momo eci ovio vi linga lovaka avio, ci ka lingiwavo kokuavo!

12 Omanu vange, va kasi oku talisiwa ohali lasongui vavo,

Kuenda ovo va kasi oku vialiwa lakãi.

Amanu vange, asongui vene, va kasi oku vu tungayasi,

Kuenda ovo va kasi oku vu nyẽlisi volonjila viene.+

13 Yehova o votoka ndonganji;

Eye o talama oco a sombise omanu.

“Ene wa timĩhi ocumbo cayuva,

Kuenda ovina wa nyani kohukũi vi kasi volonjo viene.+

15 Vu sanjukila hẽ oku keleketa omanu vange

Loku nyanyõla ocipala colohukũi voneketela?”+ oco Ñala Tõlo Yehova ukualohoka a popia.

16 Yehova wa popia hati: “Omo okuti omãla vo ko Siono vakuepela,

Va siata oku enda okuti, va petula* ovitue viavo,

Va linga ocitiokoso lovaso avo, poku enda levando,

Loku linga ocileñi conjuela lovina vioku liposuisa kovolu avo,

17 Yehova o ka lingisavo okuti, utue womãla vakãi vo Siono u yuka olombande viapute,

Kuenda Yehova o ka lingisa okuti, ovipolo viavo vi molẽha.+

18 Keteke liaco, Yehova o kopa eposo liovina viavo vioku liposuisa,

Ovifuto kuenda ovikuata vioku liposuisa vi kasi ndosãi yokaliye,+

19 Ovingelengele, ovinunga kuenda oloveu,

20 Ovifuto, alienge okovolu, ovovia oku liposuisa,

Oviwala vioku kapa elemba liwa kuenda ovombanda,

21 Olonela vio komuine kuenda ovimbilingu vio kenyulu,

22 Uwalo wovipito, ovikutu, ovowalo kuenda ovipete,

23 Alumuĩlo opeka,+ lovowalo ovalatanya,

Akofue kuenda oloveu.

24 Ku ka kala elemba lĩvi okuti, ulela+ wonguendu hawoko;

Ku ka kala ukolo okuti, uvia hawoko;

Ku ka kala atoto okuti esinga lia posuisiwa halioko;+

Ku ka kala uwalo wovikelẽyi okuti, uwalo wa kemãla hawoko;+

Kuenda ku ka kala amome* oku pia, okuti eposo halioko.

25 Alume vove va ka kupuka losipata,

Kuenda alume vove va pama, va ka kupukila kuyaki.+

26 Olombundi vio Siono vi ka lila kuenda vi ka sumua,+

Kuenje eye o ka tumãla posi ya siala upolokoso.”+

“Etu tu ka lia ombolo yetu muẽle

Kuenda etu muẽle tu ka lipongiyila uwalo;

Ecelela ño okuti, tu tukuiwa londuko yove

Oco tu yovuiwe kosõi yetu.”*+

Eye wa kũla vepia ayuva awa a kusuka,

Wa tunga osapalalo yimue vokati kaco,

Kuenda wa fẽlelamo ocikoselo cimue.+

Kuenje wa talamẽla okuti oco cima ayuva awa,

Pole, oco ca ima lika ayuva a ngangama.+

 3 “Cilo, alonungi vio Yerusalãi kuenda amanu vo ko Yuda,

Lingi ohenda, tetuluili pokati kange locumbo cange cayuva.+

 4 Nye vali ndi sukila oku linga locumbo cange cayuva

Okuti handi sia ci lingile?+

Momo lie osimbu nda talamẽla okuti cima ayuva awa,

Oco ca ima lika ayuva a ngangama?

 5 Cilo, ndu vu sapuili

Eci ndi ka linga locumbo cange cayuva:

Ndi ka tukũla ongumbo yaco,

Kuenda oyo yi ka timĩhiwa.+

Ndi ka nyõla ocimbaka covawe,

Kuenje oco ci ka kosiwa.

 6 Ndi ka ci lingisa ndofeka yimue ya siala upolokoso;+

Ka ci ka sonjiwa ale oku sonjuiwa.

Ci keyuka olosongo kuenda osoka,+

Kuenje ndi ka handeleka alende oco ka a ka ece ombela kocumbo caco.+

 7 Momo ocumbo cayuva ca Yehova ukualohoka, onjo ya Isareli;+

Omanu vo ko Yuda ovo ovaima* eye a solele.

Eye wa kala oku lavoka esunga,+

Pole, tala! Kua kala ekambo liesunga;

Eye wa lavoka esunguluko,

Pole, tala! Kua kala oku litetela kuohali.”+

 8 Ngongo ya vana va kongela onjo yimue lonjo yikuavo+

Kuenda ya vana va kongela epia limue lepia likuavo+

Toke eci ka ku kala vali lacimue cupiwa

Kuenda ene lika vu kala vofeka yaco!

 9 Nda yeva Yehova ukualohoka oku lisinga

Okuti olonjo vialua ndaño vinene kuenda via posoka,

Vi ka linga ovingululu,

Okuti ka mu kala onungi layimue.+

10 Ocumbo cinene cayuva, ci ka ima lika ombatu yimosi yonjongo,*

Kuenda o homeri yonjongo* yi ka ima lika o efa.*+

11 Ngongo ya vana va pasuka omẽle oco va nyue ovina vi koluisa,+

Vana va kala toke luteke, toke eci ovinyu yi va koluisa!

12 Kovipito viavo, kuli ohalupa kuenda ocikuata covisikilo ca pangiwa lovikolo,

Opandelu, olumbendo kuenda ovinyu;

Pole, ka va sokolola kovopange a Yehova,

Kuenda ka va limbuka ovopange ovaka aye.

13 Omo liaco, omanu vange va kambatiwa kumandekua

Omo liekambo liukũlĩhĩso;+

Omanu vavo va kemãla va ka kala onjala,+

Kuenda omanu vavo vosi va ka kukuta lenyona.

14 Omo liaco, Onjembo* ya livokiya oyo muẽle

Kuenda oyo yasama calua omẽla wayo;+

Ulamba* wo Yerusalãi, owiñi walio vakuanjuela kuenda vana va linga lika ovipito

Va ka lokila muẽle Vonjembo yaco.

15 Kuenda eye o ka lingisa okuti omanu va ka petamẽla posi,

Eye o ka kutisa osõi omanu,

Kuenda o ka kutisa osõi vakuakulitunula.

16 Yehova ukualohoka, o ka kemãlisiwa omo liesombiso* liaye;

Suku yocili, Una o Kola+ o ka likolisa eye muẽle pocakati cesunga.+

17 Olomeme oko vi ka lila ndu okuti vocililo cavio;

Ovingendeleyi vi ka lila kovitumãlo via siala upolokoso kuna kua kala ovinyama via tekuiwa ciwa.

18 Ngongo ya vana va koka eko liavo lovikolo viesanda

Kuenda ekandu liavo lovikolo vio kalosa;

19 Vana va popia vati: “Eye a yayuise upange waye;

Owo wiye lonjanga oco tu u mole.

Ocipango* ca Una o Kola wa Isareli ci tẽlisiwe

Oco tu ci kũlĩhe!”+

20 Ngongo ya vana va popia okuti ciwa, cĩvi kuenda cĩvi, ciwa,+

Vana va piñainya owelema locinyi kuenda ocinyi lowelema,

Vana va pongolola oku lula leci ci sõsa kuenda oku sõsa leci cilula!

21 Ngongo ya vana va kolela kolondunge viavo muẽle

Kuenda vana va litenda okuti va lunguka!+

22 Ngongo ya vana va nyua ovinyu yalua

Kuenda alume va loñoloha koku tenga ovinyua vi koluisa,+

23 Vana va teyuila u o kuete eko omo liocitukiko cimue+

Haivo va likala esunga komunu ukuesunga!+

24 Omo liaco, ndeci ulienge wondalu u timĩha inene

Kuenda owangu wa kukuta u nyõliwa lulienge,

Olombombo viavo vi ka vola,

Kuenda olonelẽho viavo vi ka lisandola ndoneketela,

Momo ovo va likala ocihandeleko* ca Yehova ukualohoka

Kuenda ka va lekisile esumbilo kondaka ya Una o Kola ko Isareli.+

25 Eli olio esunga lieci onyeño yalua ya Yehova yi wengukila omanu vaye,

Kuenda eye o kolõla eka liaye poku va katukila loku va ponda.+

Olomunda vi ka luluma,

Kuenda ovivimbi viavo vi ka kala ndinene volokololo.+

Omo liovina viaco viosi, onyeño yaye ka ya litiukilemo,

Pole, eka liaye handi liolõha oco li ponde.

26 Eye wa kapa ondimbukiso* yimue kofeka yimue yi kasi ocipãla;+

Eye wa sika ovilua oco ovo veye oku upisa kasulilo o kilu lieve;+

Kuenda tala! ovo va kasi oku iya lonjanga yalua.+

Ovovia a kasi volombunda viavo, ka a yongele,

Kuenda ovikolo violohaku viavo ka via tepele.

28 Ovisongo viavo viosi via lepikiwa,

Olohonji viavo viosi via tieñiwa.*

Akonjo olokavalu viavo a kasi ndovawe,

Kuenda alola avo a kasi ndehunguhungu liofela.+

29 Oku koma kuavio ku kasi ndoku koma kuohosi;

Ovo va koma ndolohosi viamalẽhe.*+

30 Keteke liaco, ovo va ka komẽla ocinyama

Ndokuõla kuokalunga.+

Omunu wosi o vanja kofeka yaco, o ka mola owelema u koka usumba;

Ndaño muẽle ocinyi ci ka linga owelema omo lialende.+

Oku popia muẽle ocili, nda fa* ale,

Momo ndimunu umue ukuamẽla wa vĩha;

Kuenda ndi kasi pokati komanu vakuavimẽla via vĩha;+

Momo ovaso ange a mola Soma okuti, Yehova ukualohoka!”

Eko liove lia ku upiwa,

Kuenda ekandu liove lia tuvikiwa.”

‘Ene vu ka yeva olonjanja vialua,

Pole, ka vu ka kuata elomboloko;

Ene vu ka mola olonjanja vialua,

Pole, ka vu ka kuata ukũlĩhĩso.’+

10 Tĩlisa utima womanu ava,+

Kuenda sitika ovatũi avo,

Loku sitika ovaso avo muẽle+

Oco okuti ka va moli lovaso avo

Ndaño oku yeva lovatũi avo,

Oco okuti utima wavo ka u kuata elomboloko

Kuenje ovo ka va ka ñualapo oco va sakuiwe.”+

“Toke eci alupale a nyõliwa okuti a siala ovingululu kuenda ka mu kala olonungi

Kuenda volonjo ka mu kala omanu

Kuenje ofeka yi siala upolokoso kuenda ekalasoko;+

12 Toke eci Yehova a tundisa omanu loku va tuma kupãla

Kuenda ekalasoko liofeka li livokiya calua.+

“Eci ka ci ka tẽlisiwa,

Ndaño muẽle oku lingiwa.

 8 Momo utue wo Suria, o Damasko,

Kuenda utue wo Damasko, o Recini.

Vokuenda kueci ci soka 65 kanyamo

Efarimi o ka nyõliwa elisi kuenda ovo ka va ka linga vali ofeka yimue.+

 9 Utue wa Efarimi, o Samaria,+

Kuenda utue wo Samaria omõla a Remaliya.+

Nda ene ka wa kuateli ekolelo lia pama,

Ka vu kamamako oku kolapo.”’”

 6 “Omo okuti omanu ava ka va tavele ovava a tulumũha o ko Siloa*+

Kuenda va sanjukila Recini lomõla a Remaliya,+

 7 Omo liaco, tala! Yehova o ka va nenela

Ovava Olui* okuti a kuete ongusu yalua hao alua okuti,

Soma yo ko Asuria+ kuenda ulamba waye wosi.

Eye o keya kolondui viaye viosi viovava

Kuenda kovililo viosi vio kohulo yaco

 8 Kuenje o ka nyõla o Yuda.

Eye o ka kala ndetande li ka nyõla o Yuda, li pitahãla toke eci li pitĩla vosingo;+

Avava aye a ka nyanyumuĩwa, a ka yukisa upati wofeka yove,

A Emanuele!”*+

Popi eci vu yongola, pole, ka ci ka kuata onima yiwa,

Momo Suku o kasi letu!*+

Ko ka kuateli usumba eci ovo va kuetele usumba;

Ko ka ci lulumĩli.

13 Yehova ukualohoka eye Una vu sukila oku tenda okuti o kola,+

Eye Una vu sukila oku sumbila,

Kuenda eye Una vu sukila oku lulumĩla.”+

14 Eye o ka kala ndocitumãlo cimue ci kola,

Pole, eye o ka kalavo ndewe limue lioku ponda

Kuenda ndesenje limue liocilondokua+

Kolonjo vivali via Isareli,

Ndulivi umue kuenda ndonjanjo yimue

Kolonungi vio Yerusalãi.

15 Valua pokati kavo va ka lilondoka loku kupuka kuenje va ka teka;

Ovo va ka yapuisiwa kuenda va kambatiwa.

16 Yika uvangi wa sonehiwa;

Yika ocihandeleko* pokati kolondonge viange!

 2 Omanu vana va kala oku endela vowelema walua

Va mola ocinyi cimue cinene.

Catiamẽla ku vana va kala vofeka yowelema walua,

Ocinyi ca tuila kokuavo.+

 3 Ove wa lingisa okuti, ofeka yi yukisiwa lomanu valua;

Ove wa lingisa okuti va kuata esanju lialua.

Ovo va sanjukila kovaso yove

Ndeci omanu va sanjuka kotembo yoku ungula,

Ndeci vana va sanjukila oku litepela ovina via pundiwa.

 4 Momo ove wa teya vovinimbu okanga yocilemo cavo,

Ombueti yi kasi kapepe avo, ombueti yusongui,

Ndeteke lioku nyõliwa kuo Midiane.+

 5 Olohaku viosi viasualali okuti, vi lulumisa ongongo osimbu va kasi oku enda

Luwalo wosi weyukisiwa osonde

Vi ka linga olohũi viondalu.

 6 Momo omõla umue ulume wa tu citilua,+

Omõla umue ulume wa eciwa kokuetu;

Kuenda uviali* u ka kala kapepe aye.+

 7 Oku amamako kuviali* waye

Kuenda kuombembua, ka vi ka sulila,+

Kocalo ca Daviti kuenda kusoma waye+

Usoma waco u kamamako oku kolapo+ kuenda u ka kuatisiwa

Omo liesunga+ kuenda esunguluko,+

Oku upisa cilo kuenda otembo ka yi pui.

 8 Yehova wa tuma esapulo lioku katukila Yakoba,

Kuenje olio lia tẽlisiwa ko Isareli.+

 9 Kuenje omanu vosi va ka ci kũlĩha

O Efarimi kuenda olonungi vio Samaria

Vana va popia lepela kuenda lekambo liesumbilo vutima wavo vati:

10 “Atisolu a kupuka,

Pole, tu ka tunga lovawe a songiwa.+

Oviti viakuyu via tetiwa,

Pole, tu ka vi piñainya loviti viosedru.”

11 Yehova o ka votola ovanyãli vo ko Recini oco va katukile o Efarimi

Kuenda o ka vetiya ovanyãli vo Efarimi oco va yake,

12 O Suria oku upisa kutundilo kuenda va Filisiti oku upisa kutakelo,*+

Va ka yikula ovimẽla kuenda va ka lia Isareli.+

Omo liovina viaco viosi, onyeño yaye ka ya litiukilemo,

Pole, eka liaye handi liolõha oco li ponde.+

13 Momo omanu ka va tiukile ku Una o va ponda;

Ovo ka va sandele Yehova ukualohoka.+

14 Yehova o ka teta ko Isareli

Utue, lucĩla, ocanja kuenda owangu* wa lepa, veteke limosi.+

15 Ukulu haeye wa sumbiwapo vali eye utue,

Uprofeto una o longisa uhembi eye ucĩla.+

16 Vana va songuila omanu ava, va kasi oku va tungayasa,

Kuenda vana va songuiwa va kasi vatatahãi.

17 Eli olio esunga lieci Yehova ka ka sanjukila amalẽhe vomanu ava,

Kuenda eye ka ka lekisa ohenda komãla ka va kuete isia* lo kovimbumba viomanu ava

Momo vosi yavo va linga olonanguluke kuenda olondingaĩvi+

Kuenje vosi yavo va vangula atonãi.

Omo liovina viaco viosi, onyeño yaye ka ya litiukilemo,

Pole, eka liaye handi liolõha oco li ponde.+

18 Evĩho li taima ndondalu,

Yi timĩha olosongo kuenda osoka.

Oyo yi ka timĩha oviti viovusenge,

Okuti vi ka pongoloka alende owisi.

19 Omo lionyeño ya Yehova ukualohoka

Ofeka ya timĩhiwa,

Kuenda omanu va ka kala olohũi viondalu.

20 Umue o ka teta kondio

Pole, o kamamako lonjala;

Ukuavo o ka lia kepĩli

Pole, ka kekuta.

Omunu lomunu o ka lia ositu yokuokuo kuaye muẽle,

21 Manase o ka lia Efarimi,

Kuenda Efarimi o ka lia Manase.

Omo liovina viaco viosi, onyeño yaye ka ya litiukilemo,

Pole, eka liaye handi liolõha oco li ponde.+

10 Ngongo ya vana va tumbika ovihandeleko ka via sungulukile,+

Vana va siata oku soneha oviholo viekangiso,

 2 Oco va likale omoko* yohukũi,

Loku tateka esunga liomanu vomboka pokati komanu vange,+

Oku punda ovina viocimbumba

Kuenda oku punda ovina viomãla ka va kuete isia!*+

 3 Nye ene vu ka linga keteke lieyambulo,+

Eci enyõleho li ka tunda kupãla liya?+

Kulie vu ka tilila oku sanda ekuatiso,+

Kuenda pi vu ka sia ovokuasi ene?*

 4 Lacimue ci supapo te lika oku petamẽla olomandekua

Ale oku kupukila pokati ka vana va fa.

Omo liovina viaco viosi, onyeño yaye ka ya litiukilemo,

Pole, eka liaye handi liolõha oco li ponde.+

 5 “Avoyo we! O Asuria,+

Ombueti yoku situlula onyeño yange+

Kuenda ombueti yi kasi peka liavo, yoku situlula onyeño yange!

 6 Ame ndu ko tuma kofeka yimue yolonanguluke,+

Komanu vana va ndi sumuisa;

Ndi ka eca ocihandeleko kokuaye oco a tambule ovina vialua via pundiwa

Kuenda oco a vi kose ndolonata volokololo.+

 7 Pole, eye ka ka kuata ovisimĩlo vioku ci linga

Kuenda utima waye ka u ka sima oku ci linga;

Momo eci ci kasi vutima waye, oku ponda,

Oku kundula olofeka vialua okuti, vitito havioko.

10 Eka liange lia tambula ovosoma olosuku ka vi kuete esilivilo,

Oviñumañuma viavo via luile calua okuti, vina vio ko Yerusalãi kuenda vio ko Samaria vi sule!+

11 Si ka lingavo hẽ lo Yerusalãi kuenda loviteka vialio

Ndeci nda linga lo Samaria kumue lolosuku vialio ka vi kuete esilivilo?’+

‘Ndi ka ci linga longusu yeka liange

Kuenda lolondunge viange momo ame ndukualondunge.

Ndi ka malako olongave viomanu+

Loku punda ovokuasi avo,+

Kuenda ndi ka yula olonungi ndomunu umue ukuonene.+

14 Ndomunu umue o sandiliya vokati kocanju,

Eka liange li ka punda ovokuasi omanu;

Kuenda ndomunu umue o kongela asaila a siwapo,

Ndi ka kongela ovina viosi kilu lieve!

16 Omo liaco, Ñala yocili Yehova ukualohoka,

O ka lingisa okuti alume vavo va pama va ka hongua,+

Kuenda o Suria ka yi ka kuata vali esivayo. Oyo yi ka kala ndu okuti ya timĩhiwa yosi londalu.+

17 Ocinyi co Isareli+ ci ka linga ondalu,+

Kuenda Una o Kola wa Isareli o ka linga ulienge;

Kuenje veteke limuamue o ka timĩha o Asuria.

18 Eye o ka malako esivayo liosi liusenge waye kuenda lioviti viaye viapako;

Ci ka kala ndomunu umue wa hongua eci a vela.+

19 Etendelo lioviti vi ka supapo viusenge waye

Li ka kala litito okuti, kakuenje o pondola oku vi tenda.

20 Keteke liaco, vana va ka supapo ko Isareli

Kuenda ovisupe vionjo ya Yakoba

Ka va ka sanda vali ekuatiso ku una o va ponda;+

Pole, ovo va ka kuatisiwa la Yehova,

Una o Kola wa Isareli, locili.

21 Ku ka tiuka lika ocisupe cimue,

Okuti, ocisupe covitumbulukila via Yakoba ku Suku Ukuonene.+

22 Ndaño okuti omanu vove A Isareli,

Valua ndeseke lio vokalunga,

Pokati kavo, ocisupe cimue lika ci ka tiuka.+

Kua eciwa ocihandeleko coku ka kundula,+

Kuenda esunga* li ka va ina.+

23 Ocili okuti, ocihandeleko ca eciwa la Ñala Tõlo Yehova ukualohoka,

Ci ka tẽlisiwa kolonepa viosi viofeka.+

27 Keteke liaco, ocilemo caye ci kopiwa kapepe ove,+

Kuenda okanga yaye yi kopiwa kosingo yove,+

Kuenje okanga yi ka teyiwa+ omo liulela.”

28 Eye wa pitĩla ko Haiate;+

Wa pita ko Migirono;

Wa sia ovikuata viaye ko Mikimasi.+

29 Ovo va pita volui;

Va lale vo Geva;+

O Rama ya luluma, olonungi vio Givea+ vina via kala volupale lua Saulu via tila.+

Eye o tutumũila eka liaye komunda yomõla ukãi a Siono,

Owulu wo Yerusalãi.

33 Tali! Ñala yocili Yehova ukualohoka,

O kasi oku teta ovianja lonjila yimue yi komõhisa calua;+

Oviti via lepa calua vi kasi oku tetiwa,

Kuenda vina visõvi vi kasi oku kupuiwa.

34 Eye o timbula oviti vio vusenge locimalẽho cimue cutale,*

Kuenda oviti vio Levanone vi ka kupuiwa la umue wa pama.

11 Kocisingi+ ca Jese ku ka tunda ocanja cokaliye,+

Kuenda kolombombo+ ku ka tunda ocinjovelela ci ka ima apako.

 2 Espiritu lia Yehova li ka kala laye,+

Espiritu liolondunge+ kuenda lielomboloko,

Espiritu lielungulo kuenda liunene,+

Espiritu liukũlĩhĩso kuenda lioku sumbila Yehova.

Eye ka ka sombisa ndomo ci molẽha lovaso aye,

Ndaño oku pisa omo liovina a yeva lika lovatũi aye.+

 4 Eye o ka sombisa lesunga vana vomboka,

Kuenda o ka pindisa lesunga oco a kuatise ambombe vo kilu lieve.

Eye o ka veta ongongo lombueti yomẽla waye+

Kuenda o ka ponda olondingaĩvi lofela* yomẽla waye.+

 5 Esunga li ka kala uvia vombunda yaye,

Kuenda ocili ci ka kala uvia vombunda yaye.+

 6 Ombinji yi ka kala pamosi lomeme,+

Kuenda okahombo ka ka pekaila kumosi longue,

Kuenda onãle, lohosi,* locinyama ca lẽla, vi ka kala viosi pamosi;*+

Kuenje kakuenje umue o ka vi songuila.

 7 Ongombe kuenda o ursu vi ka lila pamosi,

Kuenda omãla vavo va ka pekaila pamosi.

 8 Omõla o nyama, o ka papalela kututa wekuiva,

Kuenda omõla wa sumũha o ka kapa eka liaye pocanju conyõha yi kuete owule.

 9 Ovio ka vi ka linga cimue cĩvi+

Ale oku nyõla komunda yange yosi yi kola,+

Momo ongongo yi keyuka muẽle lukũlĩhĩso wa Yehova

Ndeci ovava a yukisa okalunga.+

Olofeka vi ka enda kokuaye oco vi sande olonumbi,*+

Kuenda ocitumãlo caye cepuyuko ci ka kala culamba.

13 Esepa lia Efarimi li ka puako,+

Kuenda vana va suvuka Yuda va ka kunduiwa.

Efarimi ka ka lekisa esepa ku Yuda,

Kuenda Yuda ka ka lekisa esuvu ku Efarimi.+

14 Kuenje ovo va ka katukila olongenge* via va Filisiti kutakelo;

Kuenda vosi yavo va ka punda omanu vo Kutundilo.

Ovo va ka votola ovoko avo oco va katukile* o Edome+ kuenda o Moavi+

Kuenje va Amoni va ka kala akuenje vavo.+

15 Yehova o ka tepa* ocihondoloka* cokalunga ko Egito+

Kuenda o koluĩla eka liaye kilu Liolui.*+

Lofela* yaye yalua, o ka nyõla andunde alio epanduvali,

Kuenda o ka lingisa okuti, omanu va ka lu yoka lolohaku viavo.

16 Kuenje ku ka kala onjila yimue+ yi tunda ko Asuria oku loña kocisupe comanu vaye va supapo,+

Ndeci kua kala onjila yimue ku Isareli keteke a tunda kofeka Yegito.

“Ndu ku pandula, A Yehova,

Momo ndaño wa temẽle lame,

Onyeño yove ya tulumũha vevando kuenda wa ndembeleka.+

Ame ndi ka kolela kokuaye kuenda si ka kuata usumba,+

Momo Yehova, Yehova eye ongusu yange kuenda unene wange,

Kuenje eye wa linga upopeli wange.”+

 3 Lesanju, ene vu ka tapa ovava

A tunda volono viepopelo.+

“Eci olopandu ku Yehova, vilikiyi onduko yaye,

Sapuli ovilinga viaye oco vi kũlĩhĩwe pokati komanu!+

 6 Kaluki kuenda yoleli, ene alonungi* vio Siono,

Momo unene pokati kene eye Una o Kola wa Isareli.”

Oco ndi lekise onyeño yange, nda kovonga asualali vange

Va sanjuka loku lipanda.

 4 Yeveleli! Owiñi u kasi kolomunda;

Onjuela yavo yi kasi ndetendelo liomanu valua!

Yeveleli! Onjuvungo yovosoma,

Yolofeka via kongeliwa!+

 5 Oku upisa kofeka yimue yocipãla,+

Oku upisa kesulilo liovailu,

Yehova kuenda ovimalẽho vionyeño yaye va kasi oku iya,

Oku nena enyõleho kilu lieve liosi.+

 7 Eli olio esunga lieci ovaka osi a ka honguela,

Kuenda utima womanu u ka yenguluka lusumba.+

Ovo va sumua kuenda va kuetiwe lolongembia,

Ndolongembia viukãi o kasi oku cita.

Ovo va vanja komunu lukuavo lusumba,

Kuenda esumuo liavo li lekisiwa kovipala viavo.

 9 Tali! Eteke lia Yehova li kasi oku iya,

Loku tema kuenda lonyeño yalua

Keteke liaco, ka ku ka lekisiwa ohenda komunu laumue,+

Kuenda li ka kundula vakuakandu vofeka.

10 Olombungululu vio kovailu kuenda oviengele violombungululu*+

Ka vi ka eca ocinyi cavio;

Ekumbi li ka tekãva poku tunda,

Kuenda osãi ka yi ka eca ocinyi calio.

11 Ndi ka sombisa olonungi vio kilu lieve omo lievĩho liavo,+

Kuenda olondingãivi omo lieko liavio.

Ndi ka malako epela lia vana va siata oku lipanda,

Kuenda ndi ka kutisa osõi oku lipanda kuolongangala.+

12 Ndi ka lingisa okuti omunu o tĩla okuti, ulu wa fina u sule,+

Kuenda omanu va tĩla okuti, ulu wo Ofiri u sule.+

13 Eli olio esunga lieci ndi ka lulumisila ovailu,

Kuenda ilu lieve li sakumuĩwa pocitumãlo calio+

Konyeño ya Yehova ukualohoka okuti, keteke lionyeño yaye yalua.

14 Ndombambi yimue yi yeviwa kuenda ndocunda cimue ka ci kuete u o ci ongolola,

Omunu lomunu o ka tiukila komanu vaye muẽle;

Omunu lomunu o ka tilila kofeka yaye muẽle.+

15 Wosi una o ka sangiwa o ka pondiwa,

Kuenda wosi una o ka kuatiwa, o ka pondiwa losipata.+

16 Omãla vavo vatito va ka tetiwa vovinimbu kovaso avo,+

Olonjo viavo, vi ka pundiwa,

Kuenda akãi vavo va ka putuiwa.

17 Ndi ka va votuila va Media,+

Vana va tenda opalata okuti ka yi silivila

Haivo ka va sanjukila ulu.

18 Olohonji viavo vi ka nyanyõla akuenje;+

Ovo ka va ka lekisa ocikembe

Ale ohenda komãla vavo.

19 Kuenje o Bavulono okuti oyo ya kemãla pokati kovosoma,+

Eposo kuenda esanju lia va Kaldea,+

Vi ka kala ndo Sodoma kuenda ndo Gomora, eci Suku a vi kundula.+

20 Lalimue eteke mu ka kala vali omanu,

Ndaño oku tungamo vokuenda kuovitumbulukila viosi.+

Lomue u Arabia o ka kapamo ombalaka yaye,

Kuenda angombo ka va ka kapamo oviunda viavo oco vi puyukilemo.

21 Oviluvo vio vekalasoko omo vi ka pekaila;

Olonjo viavo vi ka yukisiwa lovimbamba.

Olombo omo vi ka tunga,+

Kuenda olohombo viovusenge* vi ka tehãlamo.

22 Ovinyama vi ka kalukila volosapalalo viayo,

Kuenda olombua viovusenge* vi ka kalukila kovitumãlo viayo via posoka.

 5 Yehova wa teya ombueti ya vakuevĩho,

Ombueti yolombiali,+

 6 Una okuti loku tema kualua wa lemẽha omanu poku va veta lonjila yimue ka ya sungulukile,+

Una okuti lonyeño wa kangisa olofeka lelambalalo lialua.+

 8 Ndaño muẽle oviti viongaye, vi sanjuka omo liove,

Kumue lolosedru vio ko Levanone.

Ovio vi popia viti: ‘Tunde eci ove wa kupuka,

Lomue ukuakuteta oviti wiya oco a tu tete.’

 9 Ndaño muẽle Onjembo* kosi, yi kasi oku yolela

Oco yi ñualẽhele love eci wiya.

Omo liove, oyo yi pasula vana ka va kuete unene kolofa,

Asongui* vosi vo kilu lieve vakuakutalisa ohali.

11 Epela liove lia imbiwa Vonjembo,*

Kumue locileñi covikuata viove viovisikilo.+

Vemẽhi liove muli ula umue wovipuka,

Kuenda ocisikĩlĩlo cove ovanyo.’

12 Ove wa loka kilu,

Alumbungululu lunina, amõla womẽle!

Ove wa nyõliwa kilu lieve,

Haive wa enda oku kundula olofeka!+

Ndi ka votuila ocalo cange kilu liolombungululu via Suku,+

Kuenda ndi ka tumãla komunda yohongele,

Kovitumãlo vi kasi ocipãla konano.+

14 Ndi ka londa kilu lialende;

Ndi ka li lingisa okuti, ndi lisetahãla la Fũ.’

15 Pole, ove o ka imbiwa kosi ya longa Vonjembo,*

Kolonepa via longa viocitunu.

16 Vana va ka ku mola, va ka vandekela kokuove;

Ovo va ka ku kũlĩhĩsa ocipepi loku popia vati:

‘Anga hẽ u eye ulume wa enda oku sakumũla ilu lieve,

Una wa enda oku lulumĩsa ovoviali,+

17 Una wa lingisa okuti, ilu lieve li kala ndekalasoko

Kuenda wa nyõla alupale alio,+

Una wa likala okuti olomandekua vi enda kolonjo viavo?’+

18 Olosoma viosi vikuavo violofeka,

Ocili, viosi, vi pekela vulamba,

Osoma losoma veyambo liaye.*

19 Pole, ove wa imbiwa kosamua okuti kua kapiwile veyambo,

Ndocanja* cimue ca suvukiwa,

Ove wa sikĩlĩwa lovivimbi vina via pondiwa losipata,

Vi imbiwa vocitunu cimue mueyuka ovawe

Ndocivimbi cimue ca kosiwa.

20 Ove ku ka likongela kokuavo veyambo limue,

Momo ove wa nyõla ofeka yove muẽle,

Ove wa ponda omanu vove muẽle.

21 Pongiya ocitumãlo cimue coku pondela omãla vavo

Omo lieko lia vakukululu yavo,

Oco okuti ovo ka va votoka loku tambula ilu lieve

Kuenda oku yukisa ofeka lalupale avo.”

“Ndeci ame nda ci sokiya, oco ci ka lingiwa,

Kuenda ndeci ame nda nõlapo, ci ka tẽlisiwa muẽle.

25 U Asuria, ndi ko nyanyuĩla vofeka yange,

Kuenda ndi ko kosela kolomunda viange.+

Okanga yaye yi kopiwa komanu vange,

Kuenda ocilemo caye ci kopiwa kapepe avo.”+

26 Eci oco ca nõliwapo* catiamẽla kilu lieve liosi,

Kuenda eli olio eka liolõha poku katukila* olofeka viosi.

27 Momo Yehova ukualohoka wa nõlapo oku ci linga,

Helie o pondola oku ci tateka?+

Eka liaye liolõha,

Kuenda helie o pondola oku li tiula?+

29 “A Filisiti pokati kove lomue ka ka sanjuke,

Omo okuti ombueti yina ya enda oku ku veta ya teyiwa.

Momo oku upisa kolombombo vionyõha+ ku ka tunda onyõha yimue yi kuete owule,+

Kuenda ocitumbulukila cayo ci ka kala onyõha* yimue okuti ya tema calua.

30 Osimbu olonuñulu via vana vomboka vi li tekula

Kuenda olohukũi vi pekela okuti via kolapo,

Ame ndi ka ponda olumbombo luove lonjala,

Kuenda eci ci ka supa kokuove ci ka kunduiwa.+

Momo owisi wuyaki u kasi oku iya oku tunda konano,

Kuenda lalimue esualali li tunda vulala walio.”

Okuti Yehova wa seveta ociseveto co Siono,+

Kuenda vamue vomboka pokati komanu vaye, omo va ka tilila.

Omo okuti oyo ya nyõliwa vuteke umosi,

O Are+ yo Moavi ya imũha.

Omo okuti oyo ya nyõliwa vuteke umosi,

O Kiri+ yo Moavi ya imũha.

 2 Eye enda toke Konjo* kuenda toke ko Divone,+

Kovitumãlo vi kola oco a ka lilileko.

Kalusoka avo kuenda volokololo viavo vosi yavo oko va lisiõsuĩla;

Ovo va loka loku lila.+

 4 Hesibone kuenda Eleale+ va kasi oku kaluka;

Ondaka yavo yi yevala toke ko Yahaca.+

Owangu u talala wa kukuta,

Owangu wa puako kuenda ka kuli vali ovikũla vi talala.

 7 Eli olio esunga lieci ovo va kasilili oku ambatela eci ca supa volosila viavo kuenda kovokuasi avo;

Ovo va kasi oku yoka avunje ocimbota.*

Elisiõsuĩlo liaco lia pitĩla toke ko Eglayi;

Elisiõsuĩlo liaco lia pitĩla toke ko Bere-Elimi.

 9 Momo ovava o ko Divoni eyuka losonde,

Kuenda ñuete vali vociseleko co Divoni:

Numa ohosi yimue ku vakuakutila ko Moavi

Kuenda ku vana va supa vofeka.+

16 Tumi omeme yimue kombiali yofeka,

Oku upisa ko Sela toke vekalasoko,

Komunda yolupale luo Siono.

 2 Ndeci ci pita lonjila yimue ya lupuisiwa pocanju calio,+

Haico ci ka pita lolonungi vio Moavi kolonepa viosi vioku yoka o Arinone.+

Una ukuakutalisa ohali o ka sulila,

Enyõleho li ka puako,

Kuenda vana va kosa vakuavo va ka nyõliwa kilu lieve.

Una o ka tumãlamo okuti, vombalaka ya Daviti o ka kala ukuacili;+

Kuenje eye o ka sombisa lesunga kuenda o ka linga lonjanga eci ca sunguluka.”+

Tua yevavo oku litunula kuaye, epela liaye kuenda onyeño yaye;+

Pole, ombangulo yaye yesanda ka yi ka kuata onima.

 7 Omo liaco, Moavi o ka lisiõsuĩla ohali yaye;

Vosi yavo va ka lisiõsiõla.+

 8 Momo ovapia o Hesibone+ a linga ovipembe,

Uyuva wo Sivima;+

Olombiali violofeka vi ka kosa ovianja viayo via ima ayuva a kusuka;

Ovianja viaco vi pitĩla toke ko Yasere;+

Ovianja viaco vi pitĩla toke kekalasoko.

A Hesibone kuenda A Eleale, ndi ko yukisi lasuẽlẽla ange,+

Momo onjuela yapako ove ondombo, ya puako kuenda oku ungula kuove kua sulila.*

10 Onjolela kuenda esanju ka vi kasi vali vocumbo cayuva,

Kuenda ka kuli ovisungo viesanju ndaño onjuela vocumbo cayuva.+

Ka ku kosiwa vali ayuva pocikoselo,

Momo nda imũlako onjuela.+

11 Eli olio esunga lieci utima wange u lulumĩla o Moavi,+

Ndovikolo viohalupa,

Kuenda vokati kange mu lisiõsuĩla o Kiri-Hareseti.+

“Tali! O Damasko ka yi ka kala vali olupale lumue,

Kuenda oyo yi ka linga ondunda yovingululu.+

 2 Alupale o Aroere+ a ka siala upolokoso;

Alupale aco a ka linga ovitumãlo vioviunda oco vi pekailemo

Okuti lomue o vi lingisa usumba.

 3 Alupale o ko Efarimi ana a kuete oviteyuilo, ka a ka kalako vali,+

Kumue lusoma wo Damasko;+

Kuenje vana va supa ko Suria

Va ka kala ndulamba wa va Isareli,”* oco Yehova ukualohoka a popia.

 4 “Keteke liaco, ulamba wa Yakoba u ka tepuluka,

Kuenda etimba* liaye li ka hongua.

 5 Ci ka kala ndeci ukuakungula ongula ovikũla violomema

Kuenda eka liaye li kongula otiliku,

Ndeci umue ongula olomema Kocimbota* co Refayimi.+

 6 Ku ka kala lika ovisupe vioku ungula,

Ndeci ku vetiwa uti woliveira:

Ku ka supa lika apako avali ale atatu a pia oliveira a kasi kocanja ca lepa,

Kovianja vi eca apako, ku ka kala lika vikuãla ale vitãlo vima apako,”+ oco Yehova Suku ya Isareli a popia.

 9 Keteke liaco, alupale aye ombonge a ka kala ndocitumãlo cimue ca siwa upolokoso vusenge umue woviti,+

Ndocanja cimue ca siwa kovaso a va Isareli;

Alupale aco, a ka siala upolokoso.

10 Momo ove wa ivalako Suku+ yepopelo liove;

Kua ivalukile Handa+ yombonge yove.

Eli olio esunga lieci o limĩla ovikũla via posoka*

Loku imbamo ovikũla viocingendeleyi cimue.*

11 Vokuenda kutanya, ove o ñuala ocingonja ovikũla viove lutate,

Komẽle o lingisa okuti ombuto yove yi tunda,

Pole, oku ungula ku ka taka keteke liuvei kuenda lievalo ka li sakuiwa.+

12 Yeveleli! Kuli onjuela yomanu valua,

Ovo va sakalala ndokalunga!

Kuli onjuela yimue yolofeka,

Onjuela yaco yi kasi ndokuõla kuovava alua!

Suku o ka vi lemẽla kuenje ovio vi ka tilila kupãla,

Vi ka sanduiwa ndovisiakiti vienda lofela kolomunda,

Ndovikũla via kukuta vi ambatiwa lofela.

Eyi oyo onima ya vana va tu imba asakasaka

Kuenda onepa ya vana va punda ovina vietu.

18 Ngongo yofeka yi kuete apange

Kimbo liolondui vio ko Etiopia!+

 2 Oyo yi tuma olomunga poku pita vokalunga,

Poku pita vovava lolowato violoneva loku popia hati:

“Kuendi, ene alomunga vakuanjanga,

Kofeka yomanu va lepa haivo va kuete ekova li sielena,*

Komanu va sumbiwa kovitumãlo viosi,+

Kofeka yimue ya pama, haiyo yeyulo*

Okuti ofeka yaco yi kokiwa lolondui.”

 3 Ene alonungi viosi viofeka lene wa tungimo,

Eci vu ka mola, ci ka kala ndondimbukiso* ya votuiwa kilu liolomunda,

Kuenda vu ka yeva ocileñi cimue ndoku sikiwa kuombinga.

“Si sakalala kuenda ndi luluvalela kocitumãlo* cange,

Ndowuya wocinyi cutanya wa tua,

Ndelende liowume kotembo yowuya woku ungula.

 5 Osimbu oku ungula ka kua fetikile,

Eci olonelẽho vi mala oku telẽha kuenda ayuva a pia,

Otuvianja tu ka tetiwa lolomĩla

Kuenda ovinjovelela vi ka tetiwa otuvianja tuavio.

 6 Ovio vi ka siwila ovikuamanga

Kuenda ovinyama vio kilu lieve.

 7 Kotembo yaco, ombanjaile yimue yi ka neniwa ku Yehova ukualohoka,

Oku upisa kofeka yomanu va lepa haivo va kuete ekova li sielena,*

Oku upisa komanu va sumbiwa kovitumãlo viosi,

Oku upisa kofeka yimue ya pama, haiyo yeyulo*

Okuti ofeka yaco yi kokiwa lolondui

Kocitumãlo cambata onduko ya Yehova ukualohoka okuti, Omunda Siono.”+

Olosuku vina ka vi kuete esilivilo vio ko Egito vi ka lulumĩla kovaso aye,+

Kuenda ovitima viomanu vo ko Egito vi ka kuata usumba walua.

 2 “Ndi ka lingisa okuti, va Egito va katukila va Egito,

Kuenda ovo va ka liyaka pokati,

Omunu lomunu o katukila manjaye kuenda una a lisungue laye,

Olupale lu katukila olupale, usoma u katukila usoma.

 3 O Egito yi ka kuata usumba vokati kayo,

Kuenda ndi ka tatamisa asokiyo avo.+

Ovo va ka lupukila kolosuku ka vi kuete esilivilo,

Kovimbanda, ku vakuakuvangula lolondele kuenda ku vakuakutãha.+

 4 Ndi ka eca o Egito ku cime umue ongangala,

Kuenda osoma yimue ka yi kuete ohenda yi ka va viala,”+ oco ca popia Ñala yocili, Yehova ukualohoka.

 5 Ovava o vokalunga a ka takata,

Kuenda olui lu ka tepuluka kuenje lu ka kukuta+

 6 Olondui vi ka lẽha lavĩ;

Olono vio Nilu yo Egito, vi ka tepuluka loku kotoka.

 7 Ovikũla vi kasi kohulo Yolui Nilu, pasango o Nilu,

Kuenda osi yosi ya limiwa kohulo yo Nilu+ yi ka kukuta.+

 8 Kuenje vakuakupipa va ka sumua,

Vana va kasi oku imba olonjolo vo Nilu va ka lisiõsiõla,

Kuenda vana va imba awanda avo vovava va ka tepuluka.

 9 Vana va panga olonanga lelinyu+

La vakuakupota olonanga vi yela, va ka kutisiwa osõi.

10 Va Egito vakuakututa va ka nyanyuiwa;

Olonalavayi viosi vi fetiwa, vi ka sakalala.

“Ndicitumbulukila ca vakualondunge,

Ocitumbulukila cimue colosoma vio kosimbu”?

13 Olombuale vio ko Coana via lekisa uveke;

Olombuale vio ko Nofe*+ via kembiwa;

Asongui vovikoti viavo va yapuisa o Egito.

14 Yehova wa kapa Vegito espiritu limue liombuanja;+

Kuenda asongui vavo va yapuisa o Egito kovina viosi oyo yi linga,

Ndeci oholua yimue yi li tiñolola volosanjo viaye.

15 Kuenje ka ku ka kala cimue o Egito yi pondola oku linga,

Ci kaile utue ale ucĩla, ocanja ale asisa.*

Ndofela yi komba onele yo kombuelo, ku kasi oku iya efengi limue,

Oku upisa vekalasoko liofeka yimue yi koka usumba.+

Ofeka yelimbi yi kasi oku lekisa elimbi,

Ukuakukundula o kasi oku kundula.

Ndi kuetiwe levalo,

Ndevalo liukãi o kasi oku cita.

Nda sumua calua oco ndi yeve;

Nda sakalaisua calua oco ndi mole.

 7 Kuenje eye wa mola ekãlu limue liuyaki li kasi oku naliwa lolokavalu vivali,

Ekãlu limue liuyaki li kasi oku naliwa lovimbulu,

Ekãlu limue liuyaki li kasi oku naliwa lolongamelo.

“A Yehova, ndamamako oku talama kutala wondavululi vokuenda kueteke,

Kuenda uteke wosi ndi kasi pocitumãlo cange coku lavulula.+

10 Amanu vange vana va sasiwa,

Ovaima* o pocimbandi cange,+

Ame nda ku sapuili eci nda yeva ku Yehova ukualohoka, Suku ya Isareli.

Vu ka pita uteke vusenge wetapi lio vekalasoko,

Avimunga via vakuakulinga ungende vio ko Dedane.+

14 Alonungi viofeka yo Tema,+

Ambati ovava ku una o kuete enyona,

Kuenda ambati ombolo ku una ukuakutila.

15 Momo ovo va tila osipata, osipata ya somuiwa,

Ohonji ya pongiyiwila oku asa kuenda ungangala u tunda kuyaki.

 2 Olupale luove lueyukisiwa lombuanja,

Olupale lumue lueyuala, imbo limue liulamba.

Ovivimbi viove ka via pondiwile losipata,

Ndaño oku pondiwa kuyaki.+

Vosi vana va sangiwa va kuatiwa,+

Ndaño okuti va tilila kupãla.

 4 Eli olio esunga lieci nda popela hati: “Ko ka vanji vali kokuange,+

Ko ka lipilikili oku ndembeleka.

Ndi ka lila lesumuo lialua

Omo lienyõleho liomõla ukãi* womanu vange.+

 5 Momo eli eteke limue liombuanja, lieyulo kuenda liesakalalo,+

Li tunda ku Ñala Tõlo Yehova ukualohoka,

Vocimbota Cocinjonde.

Muli enyõleho liocimbaka+

Kuenda oku litetela kuomunda.

 6 Elami+ o kuata ocilalo covisongo

Kuenje iya lalume va endela kakãlu uyaki kuenda olokavalu,*

Kuenje Kiri+ o sikũlũla* ociyepelo.

 7 Ovimbota* viene via velapo

Vi ka yuka lakãlu uyaki,

Kuenda olokavalu* vi ka talama pombundi,

 8 Kuenje eteyuilo lio Yuda li kopiwako.

12 Keteke liaco, Ñala Tõlo Yehova ukualohoka,

O ka imba oluiya lumue luoku lila kuenda luoku lisiõsiõla,+

Oco va pemũle ovitue loku wala ocikelẽyi.

13 Pole, kuli onjivaluko kuenda esanju,

Oku pondiwa kuolongombe kuenda kuolomeme,

Ku liwa ositu kuenda oku nyua ovinyu.+

 3 Olomema vio Turo vi kasi kilu liovava alua,

Oyo ya nena olomema vio ko Sihore+ kuenda ovikuata vio ko Nilu,

Kuenda va nena eci camĩlako kolofeka.+

 4 Kuata osõi a Sidono, ove aciteyuilo cokalunga,

Momo okalunga ka popia hati:

“Sia kuatele olongembia vioku cita, ndaño oku cita,

Sia tekuile omãla valume ndaño oku pindisa omãla vakãi.”*+

 5 Ndeci ca pita eci ovo va yeva esapulo lia tunda Kegito,+

Omanu va ka kala lesumuo omo liesapulo liatiamẽla ko Turo.+

 8 Helie wa nõla oku linga eci ko Turo,

Una wa nõla olosoma,

Una okuti, alume vaye vakualomĩlu va kala olombuale,

Una okuti, alume vaye vakualomĩlu va sumbiwile kilu lieve liosi?+

 9 Yehova ukualohoka eye muẽle wa ci sokiya,

Oco a sepule epela lieposo liosi lio Turo,

Oco a kutise osõi vosi vana va sumbiwile kilu lieve liosi.+

11 Eye woluĩla eka liaye kilu liokalunga;

Kuenda wa lulumisa ovosoma.

12 Kuenje eye wa popia hati: “Ove ku ka sanjuka vali,+

Ofeko wosombo, una o talisiwa ohali ko Sidono.

Ava ovo omanu vana va yi kundula, okuti va Asuria+ havoko,

Vana va yi pongolola oco yi kale ocitumãlo cimue covinyama vio vekalasoko.

Ovo va tunga olosapalalo viavo viocingonja;

Ovo va sia upolokoso olosapalalo viavo vi kuete oviteyuilo,+

Loku yi tepulula okuti yi siala ocingululu.

14 Lisiõsiõli ene alonaviyu vio Tarsisi,

Momo oviteyuilo viene via kunduiwa.+

Sika ciwa ohalupa yove;

Imba ovisungo vialua,

Oco okuti ovo va ka ku ivaluka.”

Komanu kuenda kocitunda,

Kupika kuenda kucime caye,

Kupika wukãi kuenda kucime caye cukãi,

Kukuakulanda kuenda kukuakulandisa,

Kukuakueca kuenda kukuakupinga,

Kukuakulevalisa kuenda kukuakulevala.+

 3 Cosi ci kasi vofeka ci ka tundisiwamo muẽle

Ofeka yaco yi ka pundiwa olumue,+

Momo Yehova eye wa popia ondaka yaco.

 5 Ofeka ya vĩha omo liolonungi vialio,+

Momo ovio ka via kapeleko ovihandeleko,+

Ovio via pongolola oviholo,+

Kuenda via lueya ocisila cotembo ka yi pui.*+

 6 Eli olio esunga lieci esiñalo li lila ofeka eyi,+

Kuenda vana va tungamo va tendiwa okuti va kuete eko.

Eli olio esunga lieci olonungi viofeka via tepulukila,

Kuenda pa supa lika omanu vatito.+

 7 Ovinyu yokaliye yi sumua,* uti wukuyu uwuka,+

Kuenda vosi vana va kuete utima wesanju va kasi oku luluma.+

 8 Esanju liolopandelu lia puako;

Onjuela ya vana va enda oku linga ovipito ya pua;

Ocileñi cesanju cohalupa ca imũha.+

 9 Ka va nyui vali ovinyu loku imba ocisungo,

Kuenda ovinyua vi koluisa, vi lula ku vana va vi nyua.

10 Olupale lua siwa upolokoso, lua nyõleha;+

Olonjo viosi via yikiwa oco okuti, lomue iñilamo.

Onjolela yosi ya imũha;

Esanju liofeka lia sulila.+

12 Olupale lua siala ovingululu;

Ombundi ya siala ondunda yovimalañanya.+

Omanu vange pokati kofeka, pokati komanu, va ka kala ndovisupe vio vuti woliveira,+

Kuenda ndoku pupulula kesulilo lioku ungula ayuva.+

14 Ovo va ka votola ondaka yavo,

Va ka kaluka lesanju.

15 Eli olio esunga lieci va ka sivayela Yehova vofeka yocinyi;*+

Kovifuka viokalunga, va ka sivaya onduko ya Yehova Suku ya Isareli.+

Ngongo yange we! Vakuelimbi va lekisa elimbi;

Lelimbi, vakuelimbi va lekisa elimbi.”+

18 Wosi una o tila ocileñi cocinjoko, o ka kupukila vocitunu,

Kuenda wosi o tunda vocitunu o ka kuatiwa vonjanjo.+

Momo olombundi viovava kilu vi ka yikuka,

Kuenje oviseveto viofeka vi ka luluma.

19 Ofeka ya tepiwa pokati;

Ofeka ya sakumuĩwa;

Ofeka ya tuñunyiwa lungangala.+

20 Ofeka yi kasi oku yengenga ndomunu umue wa kolua,

Kuenda oyo yi telela oku loko ndocipundo vofela.

Eko liayo lia linga ocilemo kokuayo,+

Kuenda oyo yi ka kupuka okuti, ka yi katuka vali.

21 Keteke liaco, Yehova o ka ivaluka olohoka vio kilu

Kuenda olosoma vio kilu lieve, vi kasi kilu lieve.

22 Kuenje ovo va ka kongeliwa pamosi

Ndolomandekua via kongeliwa vocitunu cimue,

Kuenda ovo va ka kapiwa vokayike;

Noke lioloneke vialua va ka ivalukiwa vali.

23 Osãi ya linga ongalo yi ka kuata osõi,

Kuenda ekumbi li nina li ka kuata osõi,+

Momo Yehova ukualohoka wa linga Osoma+ Komunda Siono+ kuenda ko Yerusalãi,

Ulamba waye wa situluiwa kovaso yakulu vomanu vaye.*+

Ame ndu ku tumbangiya, ndi sivaya onduko yove,

Momo ove wa linga ovina vi komõhisa,+

Ovina via pangele onepa kocipango* cove tunde kosimbu,+

Lesunga kuenda oku koleliwa.+

 2 Momo ove wa pongolola olupale lumue vondunda yovawe,

Olupale lumue lu kuete oviteyuilo, wa lu lingisa ovingululu.

Olupale luovingendeleyi halupaleko vali;

Lalimue eteke lu ka tumbuluiwa vali.

 3 Eli olio esunga lieci omanu va pama va ka ku sivayela;

Olupale luolofeka vomanu olongangala, lu ka ku kuatela usumba.+

 4 Momo ove wa linga ociteyuilo cosuke,

Haive wuciteyuilo cohukũi kohali yaye,+

Ocitililo cimue kombela yenda lofela yalua,

Kuenda ulembo keteke liowuya.+

Eci ofela yolongangala yi sokisiwa lombela yenda lofela yalua kocimbaka cimue,

 5 Ndowuya vofeka yimue yekango,

Ove wimũla onjuela yovingendeleyi.

Ndeci owuya okuti, u tepuluka omo liulembo welende,

Ocisungo ca vana va linga usumba ci imũha.

 6 Komunda yilo+ Yehova ukualohoka o ka lingilako omanu vosi

Ocipito cimue cokulia ku pepa,+

Ocipito cimue covinyu* yi pepa,

Cokulia kumue ku pepa kueyuka upuma,

Kuenda covinyu ya tengiwa ciwa.

 7 Komunda yaco, eye o ka sikũlũlako* oveu ya sitika omanu vosi

Kuenda ocisikĩlĩlo ca sitika olofeka viosi.

 8 Eye o ka malako oku fa otembo ka yi pui,+

Kuenda Ñala Tõlo Yehova, o ka puenya asuẽlẽla kovipala viosi.+

Osõi yomanu vaye o ka yupa kilu lieve liosi,

Momo Yehova eye muẽle wa ci popia.

Tua kapa elavoko lietu kokuaye,+

Eye o ka tu popela.+

10 Eka lia Yehova li ka puyukila komunda eyi,+

Kuenda o Moavi yi ka kosiwa kocitumãlo calio+

Ndeci owangu u kosiwa pondunda yotulumu.

11 Eye o ka veta o Moavi leka liaye

Ndeci ukuakuliteva a veta veta ovaka aye poku liteva,

Kuenda o ka kapa kutito epela liaye+

Loku senga senga ovaka aye luloño.

12 Eye o ka kundula olupale lu kuete oviteyuilo,

Lovimbaka viayo via lepa vi kuete oviteyuilo;

Eye o ka lu kupuila posi voneketela.

 2 Yululi olombundi+ oco ofeka yesunga yi iñile,

Ofeka yina okuti yi kasi oku amamako oku lekisa ovituwa via sunguluka.

 3 Ove o ka teyuila vana va kolela lutima wosi kokuove;*

Ove o ka eca kokuavo ombembua ka yi pui,+

Momo ovo va kolela kokuove.+

 4 Koleli ku Yehova otembo yosi,+

Momo Yehova, Yehova eye Handa ka pui.+

Eye o lu kutisa osõi,

Eye o lu lokisa toke kilu lieve;

Eye o lu imba voneketela.

 6 Oyo yi ka kosiwa,

Lovolu olosuke, lovolu a vana vomboka.”

Momo ove wukuesunga,

Ove o ka tapikisa onjila ya vakuesunga.

 8 Osimbu tu kuama onjila yasombiso ove, A Yehova,

Elavoko lietu li kasi kokuove.

 9 Luteke ndu ku sanda lutima wange wosi,

Ocili, lonjongole yalua ndi amamako oku ku sandiliya;+

Momo, eci ove o sombisa ilu lieve,

Olonungi viofeka vi lilongisa eci catiamẽla kesunga.+

10 Ndaño ku lekisiwa ohenda kondingaĩvi,

Oyo ka yi ka lilongisa esunga.+

Ndaño vofeka ya vakuesunga,* oyo yi ka lingilamo ungangala,+

Kuenje oyo ka yi ka mola ulamba wa Yehova.+

12 A Yehova, ove o ka tu ĩha ombembua,+

Momo ovina viosi tua siata oku linga,

Ove wa tu vi tẽlisila.

13 A Yehova a Suku yetu, vacime vakuavo va tu viala okuti, haveko lika,+

Pole, tu sivaya lika onduko yove.+

Momo ove wa va sombisa

Oco o va nyõle kuenda oku kundula onjivaluko yavo.

15 A Yehova, ove wa vokiya ofeka,

Wa vokiya ofeka;

Ove wa lekisa ulamba kokuove muẽle.+

16 A Yehova, vokuenda kuohali, ovo va lupukila kokuove;

Ovo va likutilila vutima eci ove wa va pindisa.+

17 Ndeci ukãi umue wemina a kuatiwa lolongembia vioku cita,

Loku kuata evalo lialua kuenda oku kaluka omo lievalo,

Cimuamue haico, ci pita letu omo liove, A Yehova.

18 Tua mina, tua kuata olongembia vialua,

Pole, ci kasi ndu okuti tua cita ofela.

Ka tua nenele epopelo kofeka,

Kuenda lomue wa citiwa oco a tunge vofeka.

Pasuki kuenda kaluki lesanju,

Ene wa tungi voneketela!+

Momo owume wene u sokisiwa lowume womẽle,*

Kuenda ilu lieve li ka ecelela okuti vana va fa, va kala vali lomuenyo.

20 Kuendi amanu vange, iñili volohondo viene,

Kuenda yiki apito konyima yene.+

Lisalami vokuenda kuokatembo kamue

Toke eci onyeño yi pita.+

21 Tali! Yehova o kasi oku tunda kocitumãlo caye

Oco a sombise olonungi viofeka yilo omo lieko liavo,

Kuenda oku pesiwa kuosonde vofeka, ku ka situluiwa

Kuenje ka yi ka sikĩlĩla vali ovivimbi viayo.”

O ka ivaluka Canjangombe,* onyõha yi sielena,

Canjangombe, onyõha ya limuña,

Kuenda eye o ka ponda ocimuandu ci kasi vokalunga.

Ndu u teyuila kutanya kuenda kuteke,

Oco okuti, lomue o u linga eci cĩvi.+

Eye a linge ombembua lame;

A linge ombembua lame.”

 6 Koloneke vi keya, Yakoba o ka kuata olombombo,

O Isareli yi ka telẽha kuenda yi ka kula ovianja viokaliye,+

Kuenda ovo va ka yukisa ofeka lapako.+

 9 Omo liaco, eko lia Yakoba li ka ecelua,+

Kuenda eci ekandu liaye li kopiwa ci ka kala onima yaye ceci:

Eye o ka lingisa okuti ovawe osi wutala

A kala ndovawe ohala a nyanyuiwa,

Kuenda ka ku ka supa olombueti vi kola* ale insensu.+

10 Olupale lu kuete ociteyuilo, lu ka siala upolokoso;

Usenge woku lisila oviunda u ka yandulukiwa kuenda u ka siala ndekalasoko.+

Oko onãle yi ka lila loku pekela

Kuenda yi ka lia ovianja vialio.+

11 Eci ovianja vialio vi kukuta,

Akãi va ka endako loku vi tiaña

Kuenda va ka linga lavio ondalu.

Eli olio esunga lieci okuti, una wa va panga ka ka lekisa ocikembe kokuavo,

Kuenda una wa va sovola ka ka va kuatela ohenda.+

28 Ngongo yepela liekolowa* lioloholua vio ko Efarimi+

Kuenda liulamba weposo walio una wa lisoka lonelẽho yowuka,

Li kasi kutue wocimbota cima ciwa ca vana va kolua lovinyu!

Wa soka ndocilemĩlo kuenda ndociwe okuti, ehunguhungu limue li nyõla,

Wa soka ndehunguhungu li koka etande liovava alua,

Eye o ka imba ekolowa liaco longusu kilu lieve.

 3 Epela liekolowa lioloholua vio ko Efarimi

Li ka kosiwa.+

 4 Kuenje ulamba weposo walio una wa lisoka lonelẽho yowuka,

Una u kasi kutue wocimbota cima ciwa,

U ka linga ndekuyu limue lia kula osimbu ondombo ka ya fetikile.

 7 Ovo va yapuisiwavo omo liovinyu;

Ovina vi koluisa vi va lingisa oku yengenga.

Ocitunda kuenda uprofeto va yapuisiwa omo liovina vi koluisa;

Ovinyu yi va tapiyasa,

Kuenda ovo va yengenga omo liovina viavo vi koluisa;

Ovinjonde viavo vi va yapuisa,

Kuenda va lilondoka poku sombisa.+

 8 Momo olomesa viavo via yukisiwa lolosanjo viavo vi lingisa onyanya

Omo liovina viaco, ka kuli ocitumãlo lacimue ca yelisiwa.

 9 Helie o ka longisiwa,

Kuenda kulie ku ka lomboluiwa esapulo?

Ku vana va sumũha kasenjele,

Okuti vana va nyamuiwa kavele?

10 Momo oco “ocihandeleko locihandeleko, ocihandeleko locihandeleko,

Ukolo woku seteka lukolo woku seteka, ukolo woku seteka lukolo woku seteka,+

Kulo kamue, oko kamue.”

“Ocihandeleko locihandeleko, ocihandeleko locihandeleko,

Ukolo woku seteka lukolo woku seteka, ukolo woku seteka lukolo woku seteka,+

Kulo kamue, oko kamue,”

Oco okuti eci ovo va enda,

Va ka lilondoka kuenda va kupuka ocinyimaime

Kuenda va teka loku yonjiwa kuenje va kuatiwa.+

14 Omo liaco, yeveleli ondaka ya Yehova alume vakuakulitunula,

Ene alombiali vomanu va kasi vo Yerusalãi,

15 Momo ene vu popia hati:

“Tua linga ocisila cimue Lolofa,+

Kuenda tua linga ocisila* cimue Lonjembo.*

Eci ku ka pita endunde linene,

Olio ka li ka tu veta,

Momo uhembi tua u lingisa ocitililo cetu

Kuenda tua li salamisa vuhembi.”+

“Tali! Ndi kasi loku kapa ewe limue lia setekiwa ndociseveto ko Siono,+

Ewe lilikasi lievindi+ liociseveto ca pama.+

17 Kuenje esunga ndi ka li lingisa ukolo woku seteka,+

Kuenda esunguluko ndi li lingisa opulumu yoku seteka.+

Ociwe ci ka veta ocitumãlo cuhembi,

Kuenda ovava a ka yukisa ocitumãlo cocitililo.

18 Ocisila cene Lolofa ci ka imũha,

Kuenda ocisila cene Lonjembo* ka ci ka kapiwako.+

Eci endunde linene li keya,

Ene vu ka nyõliwa laco.

19 Olonjanja viosi eci liya,

Olio liu wambati;+

Momo li keya omẽle lomẽle,

Vokuenda kutanya kuenda vokuenda kuteke.

20 Momo ula umbumbulu calua oco ku pekeliwe,

Kuenda elasola litito oku limuñilapo.

21 Momo Yehova o ka votoka ndeci a linga Komunda Perasimi;

Eye muẽle o ka katuka ndeci a lingile kocimbota* ocipepi lo Giveone,+

Oco a tẽlise upange waye, upange waye ka wa kũlĩhĩwile,

Kuenda oco a tẽlise ovilinga viaye, ovilinga viaye vi komõhisa.+

22 Kaliye, ko ka pembuli,+

Oco alienge ene ka a ka kutiwe vali longusu,

Momo ame nda ci yeva ku Ñala Tõlo Yehova ukualohoka,

Okuti, enyõleho limue lia nõliwila ofeka yosi.*+

23 Kululi ovatũi ene kuenda yeveleli ondaka yange;

Yeveleli lutate kuenda yevi eci mopia.

25 Eci eye a paliyala osi,

Ka sandula hẽ okuminyu yi tekãva loku lima okuminyu yaño,

Kuenda ka limi otiliku, asangu losevata kovitumãlo via sunguluka,

Kuenda otiliku yikuavo*+ kolohulo?

26 Momo eye u longisa* lonjila yimue ya sunguluka;

Suku yaye u longisa.+

27 Okuminyu yi tekãva ka yi nyõleha lomakina yoku sasa,+

Kuenda ka mu piti alola okalosa vokuminyu yaño;

Pole, okuminyu yi tekãva yi sasiwa lombueti yimue,

Kuenda okuminyu yaño lombueti yimue.

Sio, eye ka vi sasa okuti ka liwekapo;+

Kuenda eci eye a pitisako elola liokalosa kaye kumue lolokavalu viaye,

Eye ka vi fula.+

29 Ovina viaco, vi tundavo ku Yehova ukualohoka,

Okuti alungulo* aye a komõhisa

Kuenda ovopange aye anene.*+

Luamameko unyamo lunyamo;

Ovipito viamameko+ oku lingiwa.

 2 Ame ndi ka nena ohali vo Ariyele,+

Kuenda mu ka kala oku lila loku lisiõsiõla,+

Kuenje kokuange oyo yi ka kala ndiko liutala wa Suku.+

 3 Ndi ka tunga ocilombo ci ku ñuala kolonele viosi,

Kuenda ndi ka ku ñuala ocingonja loviti via songoloka

Loku ku votuila ocimbaka cimue coku ku katukila.+

 4 Ove o ka kutisiwa osõi;

O ka vangula oku upisila posi,

Kuenda eci ove o popia ci ka tuvikiwa loneketela.

Ondaka yove yi ka tundilila posi+

Ndondaka yukuakuvangula lolondele,

Kuenda olondaka viove vi ka tundila voneketela ndoku loñola.

 5 Owiñi wovanyãli* vove, u ka kala ndombundu,+

Owiñi wa vana va linga usumba, u ka kala ndinene vi ambatiwa lofela.+

 6 Yehova ukualohoka o ka ku teyuila

Locilemĩlo, locilemawe kuenda lonjuela yalua,

Lofela, lehunguhungu kuenda lulienge wondalu yi nyõla.”+

 7 Kuenje owiñi wo kolofeka viosi una u linga uyaki lo Ariyele+

Okuti vosi vana va yi katukila luyaki,

Vana va yi katukila lomakina yoku linga uyaki,

Kuenda vana va kokela ohali kokuayo,

Va ka linga ndonjoi okuti, ocinjonde cuteke.

 8 Ocili, ci ka kala ndomunu umue o kuete onjala o lota okuti, o kasi oku lia,

Pole, o pasuka lonjala,

Kuenda ndomunu umue o kuete enyona o lota okuti, o kasi oku nyua,

Pole, o pasuka okuti wa kava kuenda o kasi lenyona.

Eci oco ci ka pita lowiñi wolofeka viosi

Una u linga uyaki woku katukila Omunda Siono.+

 9 Lisalukiko kuenda komõhi;+

Li lingisi olomeke kuenda kali olomeke.+

Ovo va kolua, pole, halovinyuko;

Va kasi oku yengenga, pole, ka va koluele omo liovina vi koluisa.

10 Momo Yehova wa kapa otulo tualua vokuene;+

Eye wa yika ovaso ene, avaprofeto,+

Kuenda wa sikĩlĩla ovitue viene a vakuavinjonde.+

13 Yehova hati: “Omanu ava vamela kokuange lovimẽla viavo

Kuenda va ndi sumbila lika lovimẽla viavo,+

Pole, ovitima viavo vi kasi ocipãla lame;

Kuenda efendelo va eca kokuange li tiamisiwila kovihandeleko viomanu vina va longisiwa.+

14 Omo liaco, ame Una o ka linga vali ovina vi komõhisa komanu ava,+

Ku pita ovina vi komõhisa olonjanja vialua;

Kuenda olondunge viomanu vavo vakualondunge, vi ka takata,

Kuenda elomboloko liomanu vavo vakualondunge, li ka selekiwa.”+

Ovilinga viavo vi lingiwila vovitumãlo via tekãva,

Kuenda va popia vati: “Helie o tu lete?

17 Ndopo muẽle o Levanone yi pongoluiwa ocumbo coviti viapako,+

Kuenda ocumbo coviti viapako ci ka tendiwa ndusenge.+

18 Keteke liaco, ocisitatũi ci ka yeva olondaka vielivulu,

Kuenda ovaso olomeke ka a ka mola vali owelema loku tekãva.+

19 Ambombe va ka sanjukila calua Yehova,

Kuenda olohukũi pokati komanu vi ka sanjukila Una o Kola wa Isareli.+

20 Momo ongangala ka yi ka kalako vali,

Ukuakulitunula ka ka kalako vali,

Kuenda vosi vana va lavulula oco va linge eci cĩvi va ka kunduiwa,+

21 Vana va vangula uhembi oco va lundile vakuavo,

Haivo va kapela onjanjo ku una o sombisa* vakuavo pombundi yolupale,+

Kuenje lolondaka ka vi kuete esilivilo, va likala esunga kukuesunga.+

“Yakoba ka ka kuata vali osõi,

Kuenda ocipala caye ka ci ka nyumãla* vali.+

23 Momo eci eye a mola omãla vaye,

Okuti upange wovaka ange, pokati kaye,+

Ovo va ka sumbila onduko yange;

Ocili muẽle, va ka sumbila Una o Kola wa Yakoba,

Kuenda ovo va ka sumbila Suku yo Isareli.+

24 Vana va kuete ovisimĩlo ka via sungulukile va ka kuata elomboloko,

Kuenda vana va liyeya, va ka tava kepindiso.”

30 “Ngongo yomãla va huka,”+ oco Yehova a popia,

“Vana va tẽlisa asokiyo avo muẽle okuti ange haoko,+

Vana va linga ukamba* okuti, ka va songuiwa lespiritu liange poku ci linga,

Kuenje va vokiya ekandu kekandu.

 2 Ovo va lokila Kegito,+ pole, ka va ndi kũlĩhĩsa,*+

Oco va sande eteyuilo lia Fareo*

Kuenda oku tilila vulembo wo Egito!

 3 Pole, eteyuilo lia Fareo kokuene li ka kala esunga liosõi,

Kuenda ocitililo culembo wo Egito, ci koka esumuo.+

 4 Momo, olombuale viaye vi kasi ko Coana,+

Kuenda olonumĩwa viaye via pitĩla ko Hanesi.

 5 Vosi yavo va ka kutisiwa osõi

Lomanu vana ka va kuete esilivilo kokuavo,

Vana ka va kuatisa kuenda ka va kuete esilivilo,

Va koka lika osõi kuenda esepu.”+

Poku pitahãla ofeka yesumuo kuenda yohali,

ofeka yohosi, ohosi yi koma,

Onombo kuenda onyõha yi palãla,

Ovo vambata ovokuasi avo koñoño yovimbulu

Kuenda okulia kuavo koñoño yolongamelo viavo.

 8 “Cilo kuende, eci, ci soneha vevaya limue kovaso avo,

Kuenda ci soneha velivulu limue,+

Oco kovaso yoloneke ci kale

Nduvangi umue wotembo ka yi pui.+

 9 Momo ovo omanu vamue va sina,+ omãla olohembi,+

Omãla vamue okuti, ka va yongola oku yevelela ocihandeleko* ca Yehova.+

10 Ovo va sapuila vakuavinjonde vati: ‘Ka va lete,’

Kuenda ku vakuavinjonde vati: ‘Ka vu ka tu sapuili ovinjonde viocili.+

“Omo okuti vu likala ondaka eyi+

Kuenda vu kolela koku nyana kuenda kuhembi

Kuenje vu kolela kokuavio,+

13 Ekandu eli kokuene li ka kala ndocimbaka cimue ca toka,

Ndocimano cimue ca lepa ci laika oku kupuka.

14 Oco, ci ka nyãnyuiwa ndesanga limue linene liukuakutalavaya lotuma,

Li nyãnyuiwa liosi okuti pokati kovinimbu vialio, ka pa siala ociwala lacimue

Oco vopilepo ondalu piko

Ale oku upa ovava vocisimo cimue.”*

“Nda wa tiuki kokuange loku puyuka, vu ka popeliwa;

Vu ka kuata ongusu nda vu tula utima kuenda oku kuata ekolelo.”+

17 Ci soka ohulukãi yi ka luluma omo lioku saluisiwa lomunu umosi;+

Omo lioku saluisiwa lomanu vatãlo, ene vu ka tila

Toke eci vana va supa kokuene va ka linga ndongunji kosungu yomunda,

Ndombueti yondimbukiso kowulu.+

18 Pole, Yehova o kevelela lepandi oco a lekise kokuene ohenda,+

Kuenda eye o ka katuka oco a lekise ocikembe kokuene.+

27 Tali! Onduko ya Yehova yi kasi oku iya oku tunda kupãla,

Lonyeño yaye yalua kuenda alende a tekãva.

Omẽla waye weyukisiwa lonyeño,

Kuenda elimi liaye li kasi ndondalu yi nyõla.+

28 Espiritu* liaye li sokisiwa letande limue liovava li pitĩla toke vosingo,

Oco olofeka vi sakumuĩwe vusalo wenyõleho;*

Kuenda omanu va ka kapiwa olelia+ kovimẽla viavo vina vi va yapuisa.

29 Pole, ene vu ka imba ocisungo cimue ndeci ci imbiwa kuteke

Eci vu lipongiyila* ocipito cimue,+

Kuenda ovitima viene vi ka sanjuka

Ndomunu umue enda lolumbendo*

Wa loña komunda ya Yehova, Handa ya Isareli.+

30 Yehova o ka yevalisa ondaka yaye yulamba+

Kuenda o ka situlula okuokuo kuaye+ ku ka loka lonyeño yalua,+

Lulienge wondalu yi nyõla,+

Lombela yalua,+ lehunguhungu kuenda ociwe.+

31 Omo liondaka ya Yehova, o Asuria yi ka saluka;+

Kuenje eye o ka yi veta lombueti.+

32 Oku vetiwa kuosi Yehova a ka nena ko Asuria

Lombueti yaye yekangiso

Ku ka kuamiwa loku sikiwa kuolopandelu kuenda kuolohalupa+

Osimbu eye a va veta lokuokuo kuaye poku va katukila kuyaki.+

33 Momo o Tofete*+ yaye ya pongiyiwa ale;

Oyo ya lipongiyilavo osoma.+

Eye wa longisa kuenda wa sanjavisa ocitumãlo colohũi,

Londalu yalua kuenda olohũi.

Oku fuima kua Yehova ku sokisiwa ndolui luofuofuo,

Ku ka mĩha o Tofete.

31 Ngongo ya vana va lokila Kegito oku ka sanda ekuatiso,+

Vana va kolela kolokavalu,+

Va kolela kakãlu uyaki omo okuti alua,

Kuenda kolokavalu* viuyaki omo okuti via pama.

Pole, ovo ka va sandiliya Una o Kola wa Isareli,

Kuenda ovo ka va sandi Yehova.

 2 Pole, eye ukualondungevo kuenda o ka nena eyambulo,

Kuenje eye o ka tẽlisa olondaka viaye.

Eye o ka katukila vakuanjo yolondingaĩvi

Kuenda o ka katukila vana va kuatisa ava va linga ovina vĩvi.+

 3 Va Egito ka va sokisiwa la Suku, ovo omanu vaño;

Olokavalu viavo ositu, hespirituko.+

Eci Yehova a kolõla eka liaye,

Wosi una o ka eca ekuatiso o ka lilondoka,

Kuenda wosi una o ka kuatisiwa o ka kupuka;

Vosi yavo va ka fa votembo yimuamue.

“Ndeci ohosi, ohosi yimue yumalẽhe ya pama* yi komẽla kilu liocinyama ca kuatiwa,

Eci ocimunga cimue cangombo ci kovongiwa pamosi kovaso yalio,

Kuenda oyo ka yi kuata usumba omo liondaka yavo

Ndaño oku yokokela onjuela yavo,

Cimuamue haico okuti, Yehova ukualohoka o ka loka oco a yakeleko

Omunda Siono kuenda owulu walio.

 8 Kuenje u Asuria o ka kupuka omo liosipata okuti, hayomunuko;

Kuenda osipata yimue okuti hayomunuko, yu kolia.+

Eye o ka tila omo liosipata,

Kuenda akuenje vaye va ka kisikiwa oku linga upange wa tĩla.

 9 Esenje liaye li ka imũha omo liusumba,

Kuenda olombuale viaye vi ka kuata usumba omo liombueti yondimbukiso,” oco Yehova a popia,

Okuti ocinyi* caye ci kasi vo Siono kuenda ofolono yaye yi kasi vo Yerusalãi.

32 Tali! Osoma+ yimue yi ka viala lesunga,+

Kuenda olombuale vi ka viala lesunga.

 2 Kuenje omunu lomunu pokati kavo o ka kala ndocitumãlo coku tila ofela,

Ndocitumãlo cimue coku vunda* ombela yenda lofela yalua,

Ndolondui viovava vofeka yimue ka muli ovava,+

Ndulembo wesenje limue linene vofeka yimue yekango.

 3 Kuenje ovaso a vana va lete ka a ka yika vali,

Kuenda ovatũi a vana va yevite a ka yevelela lutate.

 4 Utima wa vana vakuanjanga u ka sokolola kukũlĩhĩso,

Kuenda elimi lia vana va kokoma li ka vangula ciwa kuenda lonjila yimue ya sunguluka.+

 5 Eveke ka li ka tukuiwa vali okuti ukuacali,

Kuenda omunu ka kũlĩhĩle olonumbi ka ka tukuiwa vali hati, ombuale;

 6 Momo eveke li vangula ovina viuveke,

Kuenda utima waye u ka sokiya lika ovina vĩvi,+

Oco a vetiye unanguluke* loku vangula uhembi watiamẽla ku Yehova,

Oco a limĩle una o kasi lonjala okuti ka kuata okulia

Kuenda oku yuvula oku eca cimue coku nyua ku una o kuete enyona.

 7 Asokiyo omunu una ka kũlĩhĩle olonumbi, ãvi;+

Eye o vetiya ovituwa vi kutisa osõi

Oco a linge eci cĩvi ku una o tala ohali poku vangula uhembi,+

Ndaño ceci ohukũi yi vangula eci ca sunguluka.

 8 Pole, ukuacali o kuete ovisimĩlo viukuacali,

Kuenda o pandikisa poku lekisa ocali.*

10 Vunyamo umosi loloneke vimue, ene wakuacekelela vu ka sakalala,

Momo lalimue epako li konguiwa eci otembo yoku ungula ayuva yi sulila.+

Luli ovowalo ene muẽle,

Kuenda wali ocikelẽyi volombunda viene.+

12 Li tutuli volonete viene kuenda lili

Omo liovapia a posoka kuenda apako ayuva.

13 Momo osi yomanu vange yi ka sitikiwa lolosongo kuenda locambanda;

Ovo va ka sitika olonjo viosi viesanju,

Ocili, olupale luesanju.+

14 Momo osapalalo yi kuete oviteyuilo yi ka siala alunda;

Olupale luonjuela lu ka siala upolokoso.+

O Ofele+ kuenda utala wondavululi vi kamamako oku siala upolokoso,

Esanju kovimbulu viovusenge,

Ocililo cimue coviunda,+

15 Suku o ka sukumũila espiritu liaye kokuetu,+

Kuenda ekalasoko li ka linga ocumbo coviti viapako,

Kuenje ocumbo coviti viapako, ci ka tendiwa ndusenge.+

16 Noke esunga li ka tunga vekalasoko,

Kuenda esunguluko li ka tunga vocumbo coviti viapako.+

17 Onima yesunga liocili li ka kala ombembua,+

Kuenda epako liesunga liocili li ka kala oku tula utima kuenda oku kolapo.+

18 Omanu vange va ka tunga vocitumãlo cimue combembua,

Vovitungilo via kolapo kuenda kovitumãlo viõha viepuyuko.+

19 Pole, ombela yociwe yi ka nyõla usenge,

Kuenda olupale lu ka nyõliwa luosi.

20 Wa sumũlũhi ene vu lima kolonele viosi viovava,

Ene vu kutululi* ongombe kuenda ocimbulu.”+

33 Ngongo yove, ove ukuakunyõla okuti kua nyõliwile;+

Ove wumakuli una okuti kua pakuiwile!

Tu kuatise lokuokuo* kuove+ kua pama olomẽle viosi,

Ocili, elavoko lietu kotembo yohali.+

 4 Omanu va ka kongela ovina viove via pundiwa ndeci ci kongeliwa olohuma;

Omanu va ka limba kilu liavio ndendo liolohuma.

 5 Yehova o ka kemãlisiwa,

Momo eye wa tunga kocitumãlo ca lepa.

 6 Eye una ove o pondola oku kolela otembo yosi;

Epopelo lialua,+ olondunge, ukũlĩhĩso kuenda oku sumbila Yehova+

Eci oco ukuasi waye.

 7 Tali! Asualali vavo va pama va kalukila volokololo;

Vakuakusapula ombembua va lila calua.

 8 Atapalo a siala ekalasoko;

Ka kuli laumue o pita volonjila.

Eye* wa sinĩla ocisila;

Wa likala alupale;

Ka lekisa esumbilo komunu laumue.+

O Siarone ya siala ndekalasoko,

Kuenda o Basiane lo Karimele amẽla alio a loluka.+

10 “Cilo ndi votoka,” oco Yehova a popia,

“Kaliye ndi li kemãlisa ame muẽle;+

Cilo ndi li kemãlisa ame muẽle.

14 Vakuakandu vo ko Siono va kasi lusumba;+

Olonanguluke vi kasi oku luluma lusumba:

15 Una amamako oku endela vesunga,+

Haeye o vangula eci ca sunguluka,+

O yuvula uhembi kuenda oku nyana,

Una okuti ovaka aye a likala oku tambula ovitukiko,+

Una o sitika ovatũi aye poku yuvula oku yevelela olondaka vioku pesela osonde,

Kuenda o tindula ovaso aye koku tala eci cĩvi

16 Eye o ka tunga kovitumãlo via lepa;

Ocitililo caye ca koka* ci ka kala vesenje lia pama,

Eye o ka tambula ombolo yaye,

Kuenda vociseleko caye covava ka mu ka pua.”+

17 Ovaso ove a ka mola osoma yimue vulamba waye;

A ka mola ofeka yimue yi kasi ocipãla.

19 Ove ku ka mola vali omanu olonjaki,

Omanu vana okuti elimi liavo ka lia lelukile* oku kuata elomboloko,

Vana va vangula upopi umue okuti, ove ku tẽla oku kuata elomboloko liaco.+

Ovaso ove a ka mola o Yerusalãi ndocitumãlo cimue ca koka coku kala,

Ombalaka yimue okuti ka yi kopiwako.+

Olopeleko viayo lalimue eteke vi ka tukũiwa,

Kuenda laumue ukolo wayo u ka tepiwa.

21 Pole, Yehova Vulamba waye,

Kokuetu o ka kala ofeka yimue yolondui, yolono yovisave,

Kuna okuti laumue owato woku tapula u ka endako

22 Momo Yehova eye Onganji yetu,+

Yehova eye Usovoli wetu Wovihandeleko,+

Yehova eye Soma yetu;+

Eye Una o ka tu popela.+

23 Ovikolo viovanyãli vove vi ka yonga;

Ovio ka vi ka tẽla oku kolisa ongunji ndaño oku tumũla onanga.

Kotembo yaco, ku ka kala ovina vialua via pundiwa okuti vi ka tepiwa;

Ndaño muẽle ovilema vi ka pundavo calua.+

34 Alofeka, amẽli ocipepi oco vu yeveleli,

Kuenda yeveleli lutate, amanu.

Ongongo la cosi ci kasimo vi yeve,

Osi kuenda ovaima ayo osi.

 2 Momo Yehova o kuetele onyeño yalua olofeka viosi,+

Kuenda onyeño yaye ya wengukila olohoka viayo viosi.+

Eye o ka vi eca kenyõleho;

Eye o ka vi songuila koku pondiwa.+

 3 Ovivimbi viayo vi ka inasiwa,

Kuenda elemba lĩvi liovivimbi viayo li ka lamana;+

Olomunda vi ka yenguluka omo* liosonde yavio.+

 4 Olohoka viosi vio kovailu vi ka vola,

Kuenda ovailu a ka muñiwa ndociña cimue.

Olohoka vialio viosi vi ka hongua

Ndeci emẽla limue liowuka li loka vuti wayuva

Kuenda ekuyu liowuka li loka vuti wukuyu.

Ndi ka nena esombiso ko Edome losipata yaco,+

Komanu vana nda sokiyila oku va kundula.

Yi keyuka ulela,+

Losonde yovitupi violomeme kuenda violohombo,

Lolongẽla viulela wolomeme.

Momo Yehova o kuete ocilumba cimue eye a pongiya ko Bosara,

Oku pondiwa kualua kofeka yo Edome.+

 7 Olongombe viovusenge vi ka pondiwa kumue lavo,

Olonãle la vana va pama.

Ofeka yavo yi keyuka osonde,

Kuenda oneketela yofeka yavo yi ka sitikiwa lulela.”

 8 Momo Yehova o kuete eteke liaye lioku fetuluinya,+

Unyamo umue wefetuluinyo woku tetuluila o Siono.+

 9 Olondui viaye* vi ka pongoloka ekokoto,

Kuenda oneketela yaye yi ka pongoloka ofuofuo,

Kuenje ofeka yaye yi ka linga ndekokoto li taima.

10 Luteke ale lutanya oyo ka yi ka ima;

Owisi walio, u kamamako oku londa otembo ka yi pui.

Kocitumbulukila locitumbulukila oluo lu kamamako oku nyõliwa;

Lomue o ka pitamo otembo ka yi pui.+

11 Ohombe yenyãla kuenda ocisaka vi ka kalamo,

Kuenda okacukucuku* lovikuamanga vi ka kalamo,

Lukolo woku seteka kuenda opulumu yewe, Suku o ka seteka ofeka eyi oco a lekise okuti,

Oyo yi ka siala upolokoso kuenda ka yi ka silivila.

12 Lomue pokati kolombuale viayo, o ka kovongiwa oco a linge osoma,

Kuenda olombuale viayo viosi ka vi ka kalako vali.

13 Olosongo vi ka kulila kolosapalalo viayo via pama,

Ocambanda kuenda olosongo vi ka tundila kolombonge viayo,

Oyo yi ka kala ocitililo colombua vio vusenge,*+

14 Ovinyama vio vekalasoko vi ka lisanga lovinyama vi yuela,

Kuenda ohõha* yi ka vilikiya akamba vayo.

15 Oko onyõha yi palãla yi ka lingila ocanju calio loku imbilako asaila,

Kuenda oko yi ka totuila asaila aco loku kongela omãla valio oco a va teyuile.

Layimue pokati kavio yi ka kambapo;

Layimue pokati kavio yi ka kala okuti ka yi kuete ekamba,

Momo omẽla wa Yehova owo wa eca ocihandeleko caco,

Kuenje espiritu liaye, olio lia vi kongela pamosi.

17 Eye Una wa vi imbila ocela,

Kuenje eka liaye muẽle lia seteka ocitumãlo* via nõliwila.

Ovio vi ka kalamo otembo yosi;

Ovio vi ka tungamo vokuenda kuovitumbulukila viosi.

35 Ekalasoko kuenda ofeka ya kukuta vi ka yolela,+

Kuenje etapi lio vekalasoko li ka sanjuka kuenda li ka yukisiwa lolonelẽho.+

 2 Ocili okuti olio li ka kuata olonelẽho;+

Li ka yolela kuenda li ka kaluka lesanju,

Esivayo lio Levanone li ka eciwa kokualio,+

Ulamba wo Karimele+ kuenda wo Siarone.+

 3 Pamisi ovaka a hongua,

Kuenda kolisi olongolo vi kasi oku luluma.+

Tali! Suku yene o keya lefetuluinyo,

Suku o keya lefetuluinyo.+

 5 Kotembo yaco, ovaso olomeke a ka patuluka,+

Kuenda ovatũi ovisitatũi a ka situluka.+

 6 Kotembo yaco, ocilema ci ka tẽha tẽha ndosonge,+

Kuenda elimi liocitende li ka kaluka omo liesanju.+

Momo ovava a ka pita vekalasoko,

Kuenda olondui vetapi lio vekalasoko.

 7 Osi ya kukuta yi ka linga ociva cimue covava,

Kuenda osi yi kuete enyõna, yi ka kala olono viovava.+

Vovitililo muna olombua viovusenge* via puyukila,+

Mu ka kala owangu u talala, olondeya kuenda oloneva.

 8 Omo mu ka kala onjila yimue,+

Ocili, onjila yimue yi tukuiwa hati, Onjila yi Kola.

Oyo ya pongiyiwila una endela vonjila;

Ka kuli eveke li ka endelamo.

 9 Layimue ohosi yi ka kalamo,

Kuenda lacimue ocinyama ca tema ci ka pitamo.

Ovio ka vi ka sangiwamo;+

Mu ka pita lika vana va yovuiwa kumandekua.+

Va ka yukisiwa lonjolela kuenda lesanju,

Kuenje esumuo lesakalalo ka vi ka kalako vali.+

Helie wa kalukila,+

Loku piekulũila ovaso ove?

‘Lakãlu ange alua uyaki

Ndi ka lamanela kilu liolomunda,+

Kolonepa vio kupãla vio Levanone.

25 Ndi ka fẽla ovisimo kuenda ndi ka nyua ovava;

Lolomãhi viange ndi ka kukutisa olondui* viosi viovava vio Kegito.’

27 Olonungi viaco, vi ka yandulukiwa;

Vi ka sakalala kuenda vi ka kutisiwa osõi.

Vi ka kala ndovikũla viovapia kuenda ndowangu u talala,

Ndowangu u kulila kolusoka kuenje u kukuta lofela yo kutundilo.

28 Pole, nda kũlĩha ciwa eci o tumãla, leci o tunda kuenda eci iñila,+

Nda kũlĩhavo eci o ñuetele onyeño,+

29 Momo onyeño o ñuetele+ kuenda esakalalo liove lia pitĩla kovatũi ange.+

Omo liaco, ndi kapa onjolo yange venyulu liove kuenda olelia yange+ ndi yi kapa vomẽla wove,

Kuenda ame ndi ka ku tiuwiya vonjila yimuamue weya layo.”

“Eye ka ka iñila volupale lulo,+

Ale oku asamo usongo,

Pamue oku yakelamo lociyepelo,

Ale oku kapamo ocilamanelo cimue cuyaki.”’+

34 ‘Eye o ka tiukila vonjila eya layo;

Eye ka ka iñila volupale lulo,’ oco Yehova a popia.

35 ‘Ame ndi ka teyuila+ loku popela olupale lulo mekonda liange muẽle+

Kuenda mekonda liukuenje wange Daviti.’”+

Si ka vandekela vali komanu

Eci ame ndi kala pokati kolonungi viocitumãlo muna okuti, ovina viosi vi imũha.

12 Ocitungilo cange cambatiwa kupãla kuenda copiwa kokuange+

Oco, ci kasi ndombalaka yungombo umue.

Nda muña omuenyo wange ndeci ukuakupota a linga;

Eye o ndi teta ndutele woku tuta.

Ndohosi yimue, Suku amamako oku teya akepa ange osi;

Oku upisa komẽle toke koñolosi ove o ka ngeca kovitangi.+

14 Ndolonjila vitito vi tukuiwa hati omiapia ale epanda, ndamamako oku lila;+

Ndamamako oku leña leña ndopomba.+

‘A Yehova, nda sakalala calua;

Kala ekuatiso liange!’*+

Ndi ka lekisa umbombe vokuenda kuomuenyo wange wosi

Omo liesumuo* liange lialua.

16 ‘A Yehova, omunu wosi o kala lomuenyo omo liovina* evi,

Espiritu liange li kala lomuenyo omo liovina viaco.

17 Tala! Nda kuata esumuo lialua okuti ombembua hayoko;

Pole, omo liocisola o ñuetele,

Ove wa ndi teyuila kocitunu cenyõleho.+

18 Momo Onjembo* ka yi pondola oku ku kemainya,+

Olofa ka vi pondola oku ku sivaya.+

19 Vana va kasi lomuenyo ovo lika va ku sivaya;

Ndeci ndi kasi oku ci linga etaili.

20 A Yehova, ndi popele,

Kuenda tu ka sika ovisungo viange, lovikuata viovisikilo viovikolo+

Oloneke viosi viomuenyo wange konjo ya Yehova.’”+

 2 “Vanguli lelembeleko ko Yerusalãi,

Kuenda imbi owanji kokuayo wokuti, oyo ya tẽlisa ale upange wayo wekisika,

Okuti eko liayo lia fetiwa.+

 4 Ovimbota viosi vi votuiwe,

Olomunda viosi kuenda oviwulu vi suñame.

Osi ya vongoka yi ka tapika,

Kuenda osi yakungu yi ka linga ocimbota co vetapi.+

 5 Ulamba wa Yehova u ka situluiwa,+

Kuenda omanu vosi va ka u mola.+

 7 Owangu utalala u kukuta,

Onelẽho yuwuka,+

Momo espiritu lia Yehova li pita kokuayo.+

 8 Owangu utalala u kukuta,

Onelẽho yuwuka,

Pole, ondaka ya Suku yetu yamamako otembo ka yi pui.”+

 9 Londa komunda yimue ya lepa,

Okãi o nena olondaka viwa ko Siono.+

10 Tali! Ñala Tõlo Yehova o keya lunene,

Kuenda okuokuo kuaye ku ka viala,+

Tali! Onima yaye yi kasi laye,

Kuenda ofeto eye a eca yi kasi kovaso aye.+

Lokuokuo kuaye o ka kongela pamosi olomeme,

Kuenda o ka vi ambatela ponete yaye.

12 Helie wa yonga ovava osi o vokalunga leka liaye+

Kuenda wa seteka olonjongo viovailu lepaluma lieka* liaye?

Helie wa kongela vonjongo yimue oneketela yo kilu lieve+

Ale wa pesalisa olomunda kolombalãsa

Kuenda oviwulu kolombalãsa?

13 Helie wa yonga * espiritu lia Yehova,

Kuenda helie o pondola oku u longisa ndondunguli yaye?+

14 Kulie eye a kũlĩhĩsa oco a kuate elomboloko,

Ale helie u longisa olonjila viesunga,

Ale oku u longisa ukũlĩhĩso,

Loku lekisa kokuaye onjila yelomboloko liocili?+

15 Tali! Olofeka vi kasi ndetosi limue vociyenjo,

Kuenda ovio vi sokisiwa ndoneketela kombalãsa.+

16 Ndaño muẽle oviti vio ko Levanone ka vi tẽla oku ecelela okuti ondalu yamamako oku taima,*

Kuenda ovinyama viaco viovusenge, ka vi tẽla oco vi linge ocilumba coku pia elisi.

17 Olofeka viosi kovaso aye hacimueko;+

Eye o vi tenda ndocina cimue caño, ka ci kuete esilivilo.+

19 Omesele yi panga ociñumañuma,

Ukuakutela utale o ci laña lulu,+

Kuenda eye o tela alienge opalata.

20 Eye o ñola uti umue oco u kaile ombanjaile yaye,+

Uti umue okuti ka u voli.

Eye o sandiliya omesele yimue ya loñoloha

Oco yi pongiye ociñumañuma cimue ca songiwa okuti ka ci kupuka.+

22 Kuli umue wa tunga kilu liombunje yongongo,+

Kuenda olonungi vialio vi kasi ndakundumba.

Eye o nyanyumũla ovailu ndonanga yimue ya lela,

Kuenda eye o vi nyanyumũla ndombalaka yoku kalamo.+

23 Eye una o tundisa vakesongo va velapo

Kuenda olonganji* vio kilu lieve o vi lingisa ndocina cimue ka ci kuete esilivilo.

24 Ovio ka via kũlĩwile ciwa,

Ka via wayiwile ciwa,

Osongo yavio ka ya ecele olumbombo walio posi,

Kuenda ofela yimue yi vi pepelela kuenje vi kukuta

Kuenda ofela yi vi ambata ndovinene.+

Una o vi songuila ndolohoka, poku vi tenda lumosi, lumosi;

Eye o vi tukula viosi kolonduko.+

Omo liongusu yaye yalua kuenda unene waye wa piãla,+

Laumue u kambapo.

27 Momo lie o popela hati, A Yakoba kuenda momo lie o popela hati, A Isareli,

‘Yehova ka lete hẽ omuenyo wange,

Kuenda si tambula hẽ esunga lia Suku’?+

29 Eye eca unene ku una wa kava

Kuenda eca ongusu ku una ka kuete ongusu.*+

30 Ndaño muẽle akuenje va ka kava

Kuenda alume amalẽhe va ka lilondoka loku kupuka,

31 Pole, vana va lavoka ku Yehova, va ka kuata vali ongusu.

Va ka lupuka kuenje ka va kavi;

Va ka enda kuenje ka va kavi.”+

41 “Ene avifuka njeveleli loku ũha;*

Ene alofeka kuati vali ongusu.

 2 Helie wa katula umue oku upisa kutundilo,+

Loku u kovonga lesunga kovolu Aye,*

Oco olofeka vi eciwe kokuaye

Kuenda oco vo lingise okuti o yula olosoma?+

Una o va lingisa oneketela kovaso yosipata yaye,

Kuenda o va sandola ndovinene kovaso yohonji yaye?

 3 Eye o va lupuisa okuti, ka tatekiwa

Volonjila muna okuti ovolu aye lalimue eteke a pitilemo.

 4 Owu upange welie? Helie wa ci linga,

Poku kovonga ovitumbulukila tunde kefetikilo?

Ame, ndi Yehova, ame Tete;+

Kuenda ame ndumuamue la vana va sulako.”+

 6 Omunu lomunu o kuatisa ekamba liaye

Kuenda o sapuila manjaye hati: “Pama.”

 7 Omo liaco, omesele yi kolisa ukuakutela utale;+

Una o lemulũla lomatelo yonjundo

O kolisa ukuavo o kasi oku lemulũla utale.

 8 “Pole, ove A Isareli, wukuenje wange,+

Ove A Yakoba, acitumbulukila* ca Avirahama ekamba liange,+

Ove una ame nda nõla,+

 9 Ove una ame nda nena oku upisa kasulilo o kilu lieve,+

Kuenda ove una nda kovonga oku upisa kolonepa vi kasi ocipãla.

Ame nda ku sapuila siti: ‘Wukuenje wange;+

Nda ku nõla; sia ku likalele.+

Ndi ka ku kolisa, ocili, ndi ka ku kuatisa,+

Ndi ka ku kuata muẽle leka liange liondio liesunga.’

12 Ove o ka sandiliya alume vana va liyaka love, pole, ku ka va sanga;

Alume va linga love uyaki va ka kala ndocina cimue caño, ka ci kuete esilivilo.+

13 Momo ame ndi Yehova Suku yove, ndi kuata eka liove liondio,

Una o popia kokuove hati: ‘Ku ka kuate usumba ndu ku kuatisa.’+

14 Ku ka kuate usumba ove anyo* Yakoba,+

Ene amanu va Isareli, ndi ka vu kuatisi,” oco Yehova a popia, Onjovoli yene,+ Una o Kola wa Isareli.

15 “Tala! Hu lingisa omakina yimue yoku sasa,+

Omakina yimue yokaliye yoku sasa yi kuete ovayo.

Ove o ka liata olomunda kuenda o ka vi nyanyõla

Kuenje oviwulu vi ka linga ndinene.

16 Ove o ka vimba vilu,

Kuenda ofela yi ka vi ambata;

Ehunguhungu limue liofela li ka vi sandula.

Ove o ka sanjukila ku Yehova,+

Kuenda o ka litunuila Una o Kola wa Isareli.”+

Ekalasoko ndi ka li lingisa ociva ceyuka olondeya

Kuenje vofeka yina ka muli ovava mu ka kala olono viovava.+

19 Vekalasoko ndi ka kũlamo uti wosedru,

Uti wositimi, uti wusombo kuenda uti wulela.+

Vetapi lio vekalasoko ndi ka kũlamo uti wongaye,

Kumue luti wocinendele kuenda uti wusombo,+

20 Oco omanu vosi va ci mole loku ci kũlĩha

Kuenda oku yevelela lutate loku kuata elomboloko

Okuti eka lia Yehova lia ci linga,

Kuenda Una o Kola wa Isareli eye wa ci lulika.”+

23 Tu sapuili eci ci ka pita kovaso yoloneke,

Oco tu kũlĩhe okuti ene vulosuku.+

Ocili, lingi ocina cimue ciwa ale cĩvi,

Oco okuti poku ci mola tu komõha.+

24 Tali! Ene vucina cimue caño,

Kuenda ovina vu linga ka vi kuete esilivilo.+

25 Nda votola umue oku upisa konano kuenje eye o keya,+

Umue wo kutundilo wekumbi,+ o ka vilikiya onduko yange.

Eye o ka kosa olombiali* ndeci ci kosiwa onata,+

Ndeci ukuakutalavaya lotuma a kosa otuma ya yula.

26 Helie wa ci popia tunde kefetikilo, oco tu ci kũlĩhe,

Ale oku upisa koloneke viosimbu oco tu popie tuti: ‘Eye o kuete esunga’?+

28 Pole, nda vanja kuenda ka kua kaile laumue;

Ka kua kaile laumue pokati kavo, oco a ece elungulo.

Nda kapa espiritu liange vokuaye;+

Eye o ka nena esunga kolofeka.+

 2 Eye ka ka kaluka, ale oku vokiya ondaka yaye,

Kuenda eye ka ka ecelela okuti, ondaka yaye yi yeviwa vokololo.+

 3 Eye ka ka teya olundeya lua penga,

Kuenda ka ka ima omutusila u tuima.+

 4 Ocinyi caye ka ci ka tepuluka ale oku hongua toke eci esunga li tumbikiwa vongongo;+

Kuenda ovifuka vi kevelela kocihandeleko* caye.

 5 Ca popia Suku yocili, Yehova,

Ululiki wovailu kuenda Una wa Velapo wa vi nyanyumũla,+

Una wa lulika ongongo lovikũla viaco,+

Una eca ofela yomuenyo komanu va kasimo+

Kuenda espiritu ku vana va endelamo ceci hati:+

 6 “Ame, ndi Yehova nda ku vilikiya vesunga;

Nda ku kuata peka liove.

Kuenda ndocinyi kolofeka,+

 7 Oco o yikule ovaso olomeke,+

Oco upe una o kasi vokayike vocitunu cimue

 8 Ame ndi Yehova. Eyi oyo onduko yange;

Si eci ulamba wange komunu ukuavo,*

Ndaño esivayo liange koviñumañuma via songiwa.+

 9 Tali, ovina viatete via lingiwa ale;

Cilo ndi kasi oku sapula ovina viokaliye.

10 Imbili Yehova ocisungo cimue cokaliye,+

U sivayi locisungo oku upisa kasulilo o kilu lieve,+

Ene wendeli vokalunga lene avina viosi vieyukamo,

Ene avifuka kumue lolonungi vialio.+

11 Ekalasoko kuenda alupale alio, vi vokiye ondaka yavio,+

Kumue lovaimbo muna Kedare a tunga.+

Olonungi vi kasi vesenje vi kaluke lesanju;

Vi kaluke oku upisa kosungu yolomunda.

12 Eci ulamba ku Yehova

Kuenda sapuli esivayo liaye kovifuka.+

Eye o ka kaluka, ocili, o ka kaluka lolukandi ndava va enda kuyaki;

Eye o ka li lekisa okuti, ukuonene walua okuti ovanyãli vaye ci sule.+

Ndukãi umue o kasi oku cita,

Ndi ka luluma, ndi ka leña leña loku tula ocimuenyo.

15 Ndi ka nyõla olomunda kuenda oviwulu

Loku kukutisa ovikũla vialio viosi

Ndi ka lingisa okuti, olondui vi ka kala ovifuka*

Kuenda ndi ka kukutisa oviva viovava.+

16 Ndi ka songuila olomeke vonjila yimue ka via kũlĩhĩle+

Ndi vi lingisa okuti, ovio vi liata volonjila ka via kũlĩhĩle.+

Ndi ka pongolola owelema kovaso avo oco u linge ocinyi+

Kuenda oku pongolola osi yakungu okuti yi tapika.+

17 Vana va kolela koviñumañuma via songiwa

Va ka kisikiwa oku tiuka kuenda va ka kutisiwa osõi yalua,

Vana va sapuila oviñumañuma viutale okuti: “Ene vu losuku vietu.”+

18 Yeveleli, ene avisitatũi;

Tali kuenda vanji, ene alomeke.+

19 Helie omeke, nda ukuenje wangeko,

Okuti, wa velapo koku sita etũi ndomunga yange nda tuma?

Helie wa velapo kupeke, nda una wa tambula onima,

Okuti, wa velapo kupeke ndukuenje wa Yehova?+

21 Yehova omo liesunga liaye,

Wa sanjukila oku kemãlisa ocihandeleko* loku ci pongolola ulamba.

22 Pole, ava omanu vamue va pundiwa kuenda va nyaniwa;+

Vosi yavo va kasi vokayike kaleva kuenda va salamisua volokayike.+

Ovo va pundiwa okuti lomue wa va yovola,+

Kuenda va nyaniwa, pole, lomue wa popia hati: “Va tiuli!”

24 Helie wa eca Yakoba ndocina cimue ca nyaniwa

Kuenda Isareli ku vakuakupunda?

Ovo va likala oku endela volonjila Viaye,

Kuenda ka va pokuile kovihandeleko* Viaye.+

25 Omo liaco, Eye wamamako oku sukumuĩla onyeño yaye ko Isareli,

Onyeño yaye yalua kuenda onyeño yuyaki.+

43 Cilo, ca popia Yehova,

Ululiki wove, A Yakoba, Una wa ku sovola, A Isareli ceci hati:+

 2 Eci ove o pita vovava, ndi ka kala love,+

Kuenda eci o yoka olondui, ovio ka vi ka ku sitika.+

Eci o ka pita vondalu, ku ka pia,

Ndaño ulienge ka u ka ku kakula.

 3 Momo ame ndi Yehova Suku yove,

Una o Kola wa Isareli, Upopeli wove.

Nda eca o Egito,

O Etiopia lo Seva oco vi linge ndocisembi kokuove.

 4 Momo ove o kuete esilivilo kovaso ange,+

Ove wa sivayiwa kuenda ame ndu ku sole.+

Kuenje ndi ka eca alume kuenda ovimunga violofeka

Oco vi yovole omuenyo wove.

Ndi ka nena ocitumbulukila* cove oku upisa kutundilo

Kuenda oku ku kongela pamosi oku upisa kutakelo.+

Nena omãla vange valume oku upisa kupãla kuenda omãla vange vakãi oku upisa kasulilo o kilu lieve,+

 7 Omunu wosi o tukuiwa londuko yange+

Una ame nda lulika omo liulamba wange,

Kuenda una ame nda sovola loku u panga.’+

 8 Tundisa omanu vana olomeke, ndaño okuti va kuete ovaso,

Kuenda vana okuti ovisitatũi, ndaño okuti va kuete ovatũi.+

 9 Olofeka viosi vi likongele pocitumãlo cimosi,

Kuenda omanu va kongeliwe pamosi.+

Ovo va lekise olombangi viavo oco va lekise ovo muẽle okuti va kuete esunga,

Ale va yeve loku popia vati: ‘Eci ocili!’”+

10 “Ene vulombangi viange,”+ oco Yehova a popia,

“Ocili, wukuenje wange una nda nõla,+

Oco okuti, vu ñulĩha loku kolela kokuange

Kuenda vu kuata elomboloko liokuti, ame Ndumuamue.+

Konyima yange ka kua lulikiwile Suku laumue

Kuenda noke liame, ka kuli vali laumue.+

12 “Ame Una nda ci popia kuenda nda yovola loku ci sandeka

Eci ka kua kaile osuku layimue pokati kene.+

13 Handi vali, olonjanja viosi Ndumuamue;+

Kuenda laumue o pondola oku tukũla cimue peka liange.+

“Mekonda liove, ndi ka tuma asualali ko Bavulono kuenda ndi ka kupula ovikundiko viosi violombundi,+

Kuenda va Kaldea volonaviyu viavo, va ka lila omo liesumuo.+

16 Ca popia Yehova,

Una o yikula onjila yimue vokalunga

Kuenda onjila vovava a kuete akimba alua,+

17 Una o tundisa ekãlu liuyaki kuenda okavalu,+

Asualali kumue lolohoka via pama, ceci hati:

18 “Ko ka ivaluki ovina viale,

Kuenda ko ka sokololi kosimbu.

19 Tali! Ñasi oku linga cimue cokaliye;+

Oco ci kasi ale oku tẽlisiwa.