La verità sora el Regno de Dio

Gesù el ga insegnà ai so dissìpoli come pregar: “Pare nostro che te sì nel cielo, santificà sìpia el to nome. Vegna el to Regno. Sìpia fata la to volontà, come nel cielo, anca nela tera.” (Mateo 6:9, 10) Cossa che l’è el Regno de Dio? Cossa che el farà? E parché ghemo de pregar che vegna el Regno de Dio?

Gesù l’è el Rè del Regno de Dio.

Luca 1:31-33: “Te ghè de darghe el nome Gesù. Lu el sarà una persona importante e lu el sarà ciamà Fiol del Altìssimo. Geovà el ghe darà el trono de so pare, Davi. Lu el sarà Rè sora la casa de Giacò par sempre, e el so Regno mai se finirà.”

Gesù el predichea sora el Regno.

Mateo 9:35: “Gesù el ga scominsià un viaio in tute le cità e colonie. Lu el insegnea nele so sinagoghe, el predichea le bone notìssie del Regno e el guaria tuti i tipi de malatie e magagne.”

Gesù el ga parlà de quel che ndaria suceder vanti de vegner el Regno.

Mateo 24:7: “Nassion se levarà su contra nassion e regno contra regno, ghen sarà mancansa de magnar e teremoti in un posto dopo l’altro.”

Ancoi i dissìpoli de Gesù i ze drio predicar sora el Regno in tuta la Tera.

Mateo 24:14: “E queste bone notìssie del Regno le sarà predicade in tuta la tera abitada in testimònio a tute le nassion, e alora vegnerà el fin.”

Verità importante sora el Regno de Dio

Ndove zelo? El Regno de Dio l’è un governo che Dio el ga fato nel cielo. — DANIEL 2:44; MATEO 4:17.

Cossa che el farà? El Regno de Dio ndarà far la Tera deventar un paradiso. Tute le persone le gavarà pace e union. Nissuni restarà malà o ndarà morir. — SALMO 37:11, 29.

Chi che ndarà governar? Dio el ga scoliesto Gesù come Rè par governar nel cielo insieme con 144 mila persone scolieste dela Tera. — LUCA 1:30-33; 12:32; APOCALISSE 14:1, 3.

Chi che el ndarà giutar? Le persone che le sarà qua ntela Tera e che le ndarà obedir de volentiera ale lege e ale orientassion de Gesù. — MATEO 7:21.

Parché Gesù l’è el meio governante che ghen’è?

Quando l’era qua ntela Tera, Gesù el ga mostrà che l’era un brao governante e un Rè amoroso, parché lu:

El se preocupea coi poareti. — LUCA 14:13, 14.
El odiea la ingiustìssia e quando i ciavea dele persone. — MATEO 21:12, 13.
El controlea la naturesa. — MARCO 4:39.
El ga dato de magnar a tante persone. — MATEO 14:19-21.
Ghe fea pecà quei che i patia e lu el curea i maladi. — MATEO 8:16.
El ga ressussità i morti. — GIOANI 11:43, 44.

Come che el Regno de Dio pol giutarte ancoi?

Te pol esser pi felice adesso se te obedissi ale lege del Regno de Dio. Par esémpio, ti te podarè:

“Viver in pace con tuti.” — EBREI 12:14.
Gaver pace e union nela fameia, parché ghen sarà rispeto e amor intrà el omo e la dona. — EFESI 5:22, 23, 33.
Gaver una vita felice, parché te sè che te ghè bisogno de Dio. — MATEO 5:3.